الفزعه .. بالطريقة المناسبه لاستخدام الفخار احمر للتبريد

[فتق]

السلام عليكم ورحمة الله وبركاته
صبحكم الله بالخير
مادري هو صح مكان موضوعي هنا أو لا
بختصار شريت لي زير (فخار احمر) وحطيته بالاستراحة في مكان ظل وهواء ومليته بالماء
بس للاسف مابرد :( جبت خيشة رز ابو كاس ولفيته عليه
برضوا طلع مايبرد
المشكلة صاروا ينادوني ابو زير :D
تكفون يالربع ابي طريقة تخلى الزير مثل الثلج بارد


مشكورين

[هاوي صيد]

صباح النور هلابك يا بو زير على فكرة الزير مهو برادة يعني تبريدة عادي مو زي البرادة يلطف بس اتمنا ان افتك

[فتق]

ياهلا بهالصباح ياهاوي صيد
صح ماهو مثل البرادة
بس اقل شيء يفرق عن الماء النازل من الخزن يعني بارد شوي
زيري الله لا يبلانا كانك تشرب :f من خزان ارضي :D

[nooritti]

طيب جرب وحطه بالشمس
امكن الزير ثقافته غير

[فتق]

هههههههههههههههههههههههههه
حلوة ثقافته غير هههههههههههههه
جربت حطيته بالشمس مانفع

[صوعان]

الزير الجديد طبيعي انه مايبرد
مع الوقت راح يتغير عليك واهم شي لاتزوده ماء دايم خل مويته فيه لو انها شويه
وزوده بكميات قليله
وبتشوفه مع الايام راح يتغير ان شالله

[محلات الكشاتة]

بالخير

حول ترششة من برى كثير لفترة

حتى يكتسب البرودة ويبدى يندي ويبرد

وهلابك

[ابو الشباب3]

السلام عليكم ورحمة الله وبركاته

صبحكم الله بالخير
مادري هو صح مكان موضوعي هنا أو لا
بختصار شريت لي زير (فخار احمر) وحطيته بالاستراحة في مكان ظل وهواء ومليته بالماء
بس للاسف مابرد :( جبت خيشة رز ابو كاس ولفيته عليه
برضوا طلع مايبرد
المشكلة صاروا ينادوني ابو زير :D
تكفون يالربع ابي طريقة تخلى الزير مثل الثلج بارد



مشكورين

هل الزير يطلع منه مويه تنقيط او لا

لابد من خروج المويه وتصير تحت الزير لكي تكون الارض فيها رطوبه ويبرد بدرجه معقوله افظل من المويه العايديه ......

اتمنا اني افتك يا ابو زير/هههههههههه

[فتق]

هلا وغلا بصوعان
بلشت بالزير :d
بس يقول لي واحد ان الزير الطيني مايبرد
واللي يبرد الزير اللي لونه ابيض

عموما تسلم يابعدي انت

[فتق]

محلاته الكشاتة
هلابك مليون
اسبوع وانا ارشرش فيه
مانفع
مافيه مادة او شيء حطه بوسطة ؟!!! عشان يبرد

[فتق]

ابو الشباب
تشمت هاه اوريك هههههه
طيب اشقه؟ عشان ينقط الماء
لانه مايهرب ولا نقطة مويه
وتسلم

[أحب القمرا]

فيه طريقة ممكن تنفع
اذا جا في الليل وقبل ما تنوم حط الزير في الفريزر واذا جا في الصبح طلعه من الفريزر
ولا احلى
( دعابة دعابة )

[فتق]

هههههههههههههههههههههه
صار آيس كريم ماهو زير
تسلم على المداعبة خيو

[عاشق السيل]

الله يكون في عونك ،،

أول شي شل هالخيشة الي حطيتها ،،

ثاني شي لازم يكون بظلال ،،

ثالث شي لا تستعجل كل يوم رشه بالماء من برى وخله يطرقه الهواء وتبي تلاحظ الفرق قريبا إن شاء الله ،،

وأبشر بيسمونك أبو برادة ههههههههههه

[الناب]

ابو الشباب
تشمت هاه اوريك هههههه
طيب اشقه؟ عشان ينقط الماء
لانه مايهرب ولا نقطة مويه
وتسلم



هنا البلى يا بو الزير لازم ينقط ويندي
(يندي شي بسيط جدا يعني ما يفضى في يوم )

تأكد أنه ماهو مصبوغ
أو أنه ماهو ديكور فقط
يجب أن تتأكد أنه صالح للإستخدام

وإذا طلع صالح للإستخدام ماهو فقط ديكور
ويندي وهو الأهم

ذيك الساعه ممكن نتفاهم وياك

موفق خير
أخوك
بن فهد

[ابوغزاي]

السلام عليكم ياخ فتق اوابوزير هاذي النوعية من الزيررديئة ولاتبردابداومن اهم الاسباب التي تجعلها ماتبردانة لايوجدبها مسامات لكي تخرج الماءعلى سطح الزيرمن اجل ان يبردالفخارويبردالماء000 اناكنت مجرب الزيرالابيض اللي هوزيرالمدينة وكان جداممتاز

[وشو ذا]

اخوي يابوي لاتفرط في الخرس خله لشوي المندي :D
واشتر واحد غيره لونه ابيض مخصص للماء :good2:

[الستانس]

اتوقع الزير اللي عندك ما انحط في الفرن

وهو للزينة

رجعه من اللي شريته منه وخله يعطيك بداله زير صالح للإستخدام

[نفود الثويرات]

حط تحته ثلاث جحيحات،ويكفي.

[جيبي جايزلي]

عطنى صوره لزيرك ونعلمك الخبر الاكيد

وغريبه زيرك ما يندي
لانه لازم يندي وينقط خفيف ويملح الجدار الخارجي عشان يبرد

[فتق]

عاشق السيل
اذا بيسموني ابو برادة هههههههههههههه
عمره اجل مابرد
وتسلم ياعاشق

[فتق]

هلا ابو فهد
انا فكرت اشقه عشان يندى :d
وتسلم ياخوي

[فتق]

تسلم يابو غزاي
على هالملعومة
والظااهر اني نويت اشقه

[فتق]

وشو ذا
اخر الحلول انه يتحول الي برميل مندي
وتسلم يابعدي انت

[فتق]

الستانس
حاولت ارجعه بس يقول مافيه صديق انتا رجع
انات لو تقنز انا مافيه رجع

بس تدري يا الستانس
اني كرهت هالزير
وشكلي بكسره

[فتق]

حط تحته ثلاث جحيحات،ويكفي.

هههههههههههههههههههههه
والله انك جبته
بحط لي كم بطيخه
شكلة زير للديكور فقط
تسلم يانفود

[فتق]

جيبك جايز لك
بصورة لك ان شالله اليوم
بس لازم تجيب لي حل
ماهو اصور واخر شي تقول مايصلح هههههههههههههه

[tammam]

لكي بيرد الزير لا بد ان ينضح الماء من جوانبه
وعكس القريه الفدم لا يجعله اكثر تبريدا بل كل ما قدم تسددت المسام وقل النضح وقل التبريد
قد يفيدك ان تصنفره من الداخل ومن الخارج حتى تنكشف الطبقة التي لم تتعرض للتمليس من يد الفخار

[الوافي.]

اخوي دائما للزير حاول انك تحط الماء في الليل حتى يبرد اثناء الهواء البارد وكذلك لا يصير قريب من جدار الاسمنت الحار

[Cyber]

حطه بالثلاجه ويبرد :d

[wafi4sa]

صور لنا الزير وانت بجنبه
حتى نشوف الخلل منك او من زيرك يابوزير
شف وانا اخوك المسأله توافيق
كان عندي زير ابيض كبير بعز القيض
وبصقعة الشمس الظهر الماء فيه بااااااااارد يلهله
اشتراء اخوي من نفس المحل ونفس الزير
طلع حق اخوي خرطي بخرطي
اخر شي اعطيتة اخوي وارتحت منه وسلامتك يافتق

[ابو99]

اخي لا زم ينضحمنه ماء والا صنفره او نضفه من برا با لصاروخ وتدعيلي

[عتيج الصوف]

بالخير

حول ترششة من برى كثير لفترة

حتى يكتسب البرودة ويبدى يندي ويبرد

وهلابك
صح صح :good2: :good2:

[الريح]

انا ياخوي جاني وقت كنت مهتم بالزيره

واكتشفت ان الابيض افضل شي

الان عندي ابيض صغير وبارد مره ويكفيه انه يكون بظلال واذا بمكان يمره هوا بعد احسن واحسن

اذا كنت تبغى كبير انصحك تحط صنبور(بزبوز) تحت وتكون الفتحه دقيقه على مقاس البزبوز وتسكرها بغرى ينفع مع هالمواد لأن الزير الكبير ابرد مكان فيه في اسفله

وهذي صورة لزيري اللي جابلي اللوز من برودته <<<< تهولي

http://up3.up-images.com/up/uploads/thumbs/images-a7af269306.gif

لاحظ انه يندي وهذي علامة الجودة

[سعد سعد 99]

اخوي ابوزير
خذ العلم الوكاد انا عندي واحد شريته من حساوي
لونه بني الظاهر نفس اللي عندك
المهم يوم شريته قالي لازم تخمره بالبانيو يوم كامل
وانا طقيته يومين وله اكثر من سنه الان زي الحلاوه
ملحوظه (مايندي الا اذا تشرب من الماء )
وسلامتك

[باشا]

كما ذكر بعض الأخوان إذا لم يندي من الجوانب فإن نوعيته رديئه بحيث لا يسرب الماء وبالتالي لا تبرد جوانبه

[ABU SALEM]

نقعه في الماء لمدة يوم والا يومين وشيل الصبغ اذا كان مصبوغ وسلامتك بس تاكد انه طين مو جبس من الي مصعنوه للزينه .............

[ابوعراده]

اخوي فتق حياك الله قبل كل شي وخذها مني وقل غشني
اول شي لاتشتري الا زير مكه لأنها انواع زيرمكه وزير المدينه
وزير وزير كثيره المهم اشرط عليه زير مكه واذا شريته قبل كل شي
نظفه من الداخل بمويه وليفة حديد عشان يروح الوسخ وتتفتح المسامات
الموجوده في الزيرنظفه بقوه وراح تشوف الوسخ اللي طالع منه واذا ماسموك ابو براده
ماأكون ابو عراده حلوه براده وعراده ههههههه بس شرط زير مكه حطها بين عيونك وسأل مجرب
وبعد هذا حط الزير لو تبي في الفرن راح يبرد لاتصدق وتحطه في الفرن بس مجرد ثقه وراح انتظر ردك

[صدق النوى]

السلام عليكم ورحمة الله وبركاته
والله ياخوي أنا مثلك نفس المعانات ولانفع مره
الحل فضيته وخليته زينه بس بلا زير بلا مشمش
خلك في الثلج والترمس مثلي:D :D :D