ممكن استشاره في جمس حوض لاهنتو

[فهدالتميمي1]

السلام عليكم
والله ما لنا غناة عن هالمنتدى واعضاءه الغالين والحيره وعدم الخبره مشكله وتتعب

لكن مع منتداكم كل شي ميسر ان شاء الله

حبيت اسئل عن جمس 1500 طويل حوض موديل 97 نظيف البدي وكاله والمحركات ممتازه ما شي 250 الف الموتر بشكل عام نظيف وقير عادي ودبل ارضي وعليه عده من شد وتانكي ماء وكفرات جديده شنابر

هقوتكم كم يسوى سعره بالشكل هذا ارجو الايضاح ؟؟
واذا تفضلتو بذكر عيوبه ومميزاته بشكل عام لاني ادور لي جمس حوض ومحتار فيهن


وجزاكم الله خير وشاكر لكم تعاونكم.

[تناهيت]

هلا بك اخوي المفروض ما يتعدى الــ17- 20 بالكثير وما انصحك فيه
انصحك بموديل الــ2000 وطالع لقله خراباتها بتحصله في بحر الــــ30 وطالع على حسب النظافه يرتفع السعر


تحياتي

[فهدالتميمي1]

هلا والله بك يا تناهيت والله وانا اخوك الاسعار الي قلتها ما حصلتها في موديل 95 ولا 94 انا ادخل المعارض والسيارات غاليه مهيب زي هالسعر وانا اقول كلامي معك والمفروض اسعارهن كذا لكن وش نقول يمكن فيه واحد بالالف يقبل بهالسعر.

ومثل ما قلت ال 2000 ممتاز لكن ما حصلت النظيف صدوم وماشي فوق ال 300 الف واذا حصلته نظيف تلقا راعيه مغليه

انا لي تقريبا 6 شهور وانا انشد وادور

[أبو حطب]

اصبر وتلقى النظيف يالغالي انا لي اربع شهور الا الان وانا ادور موتر دوج داكوتا وهالحين ماحصلت
انا اقولك اصبر لين تحص النظيف وهقوتي لو تاخذ فوق ال2000 انه احسن لك والجميع

[ابو شريف]

هلا اخوى الموديل الى ذكرته مرغوب مره

وتراه غالى حيل بتحصله النضيف على موديله حول 26 الف