مشاهدة النسخة كاملة : اهل الباترول ..استفسار رحم الله والديكم
جمس الشمال
09/05/2010, 01:51 PM
السلام عليكم اخواني
انا مشتري لي سوبر سفاري 99 تماتيك
ولاعندي معلومات عليها القيمه بخصوص الباترول
السياره بطنها نظيف واستخدمتها وماطلعت لي مشكله ضاهره
لارجه ولا قرقعه زايده عن قرقعة النيسان الي نعرفها
بس في مشكلتين
المشكله الاولى دخان اسود خفيف لما ادعس واكون مشغل المكيف يطلع من الشكمان
هاذي وش حلها تصفيه للبخاخ .؟ ولا في حل ثاني ؟ او سبب ثاني غير البخاخ
المشكله الثانيه الدبل
انزله تحت واعشق الـ 2h مافي مشكله واحطه بـ 4h برضو مافي مشكله
بس لما انزل للـ push او للـ 4 L يطلع صوت مزعج ويالله يلقم القير
هل هذا الشي الطبيعي بالباترول او في مشكله .؟
ولاهنتو بخصوص زيت المكينه والقير والدفرنشات .. وش الافضل ؟
والشي الاخير هل اركب فرارات ولا اطنشها .. مع العلم ان صرفية البنزين عندي معقوله وطبيعيه الى حد كبيررررر ..
لاهنتم عطونا الي عندكم
جمس الشمال
09/05/2010, 03:05 PM
الجميع اخوي
بو خليفه
09/05/2010, 07:09 PM
ان كان صوت خفيف لا يوجد اشكالية اهم شئ يعشق و يفصل بسهولة
سوبر مكشات
09/05/2010, 07:15 PM
يمكن راعيه الاول ما كان يشبك الدبل دايم
فما تعود
اما المشكله الاولى اغفل
ولاتعبث بالموتر يزيد عليك هو الحين زين
جمس الشمال
09/05/2010, 08:45 PM
ابو خليفه والله الدبل ماجربته للحين
وانا واقف عند هالبيت طقيت الخفيف لقم على طول
الـثقيل لقم بس حسيت العصا بيطلع بيدي من ثقله
سوبر مكشات .. متفائل هذا السبب
وبخصوص مشكلة الدخان
الى الآن ماوديته لفني لاني عارف لو الموتر وكاله غير يقول فيه وفيه
قلت استشير الطيبين شرواكم
ابوعابد1
09/05/2010, 10:35 PM
بالنسبة للدخان الي يطلع رح لي ورشة نيسان لة تنضيف كلبلبتر
لان الكلبليتر طايم يسوي دخان ويكتم
جمس الشمال
10/05/2010, 12:03 AM
ابو عابد لو هو كلبيلتر انا فكيته وضبطته ههه
بس المشكله بخاخ
اخوي اذا بغيت تعشق الدبل الثقيلl4 لازم تفضي القير يعني تخليه على n
وتقبل مروري
سوبر VTC
10/05/2010, 02:27 AM
الدخان الاسود عدة امور
صفاي بنزين
بواجي ضعيفة
انسداد فلتر الهواء
اشياء اساسية للموتر
بواجي اسلاك صفاي بنزين
اذا فيه لقلقة للمكينة خصوصا اذا كان القير على نمرة 2 او 3
لازم توزن الديلكو + وزن البلوف
لان الشرارة ماتجي بلحظة وصول البستم الى النقطة الميتة اعلى نقطة
يصير فيه تاخير او تقديم
منظم الهواء له دخل بالدخان و الصرفية
اذا فيه كتمه للموتر تاكد من خرطوش الهواء لايكون منشعر او منشق
يلفون عليه شطرطون اسود العريض و يضبط
بالنسبة للدبل
لازم تكون يدك خفيفة عند شبك او فصل الثقيل :good:
و لو كنت بطيئ بالتعشيق
تقر التروس لاية موتر
لان القير يدور مع دورة المكينة
حل اخر
تضغط الكلتش و هو افضل حل او تفضي القير
جمس الشمال
10/05/2010, 03:12 PM
هلا بك سوبر اول ماشريت الموتر جيت ببالي
وجيت برسلك لاني اعرف الحل عندك
بس للاسف ماعندي صلاحية الرسائل بسبب المشاركات القليله
انا اتوقع من البواجي والصفايه .. بس لسه ماشيكت لاني خابر ربع الصناعيه
قلت اخذ شوركم يالغالين
بخصوص الدبل كلامك وكلام الاخوان يطمن
بس مثل ماقلت لك الموتر تماتيك قيره
وجربت اشبكه وانا واقف وبرضو القررره فيه
شمالات نجد
10/05/2010, 03:59 PM
من تجربة
سو تصفيه كامله للمكينه وريح راسك
بواجي + صفايه + فلتر هوا + شاكوش ديلكو
سيور + أسلاك بواجي
وأحرص على الأصلي
كذلك صنفر الابر اللي في غطا الديلكو (مسح على خفيف)
كذلك نظف أصابع البطارية من الرواسب وتأكد من السالب أنه واصل البدي وأن صواميله شاده (إذا حليتها شوي وشديتها مره ثانيه أفضل)
كذلك وزن الديلكو إذا كان من زمان لم يتم وزنه
وتأكد من صلاحية البطارية
وإذا خلصت رح لمحطة الدريس وعب بـ 10 ريال أحمر وحط علبة منظف بخاخ وأمسك خط بنمره ثقيله (خل الضغط على 3)
أعتقد بتكلفك قطع فقط (400) ريال وشغل اليد تقدر أنت تركبها عند باب البيت
ونصيحه (لا تتعدى بنزين أحمر أبداً تراه نفس الأخضر بالنسبة للفلوس)
بالنسبة للدبل: (إذا فيه قره حاول تعشق D وتخلي الكفرات تدور نص خطوه وبعدين فضه N وحاول مره ثانيه تعشق الدبل بحركه سريعه وإذا ما نفع عشق الدبل الثقيل والسيارة طافيه)
سلام
جمس الشمال
10/05/2010, 10:30 PM
مشكور اخوي شمالات نجد
بارك الله فيك ... راح اخذ كلامك بعين الاعتبار
بس بالنسبه للزيوت ............؟ المكينه والدفرنشات والقير
((السنياري))
10/05/2010, 10:41 PM
اخوي اذا بغيت تعشق الدبل الثقيلl4 لازم تفضي القير يعني تخليه على n
وتقبل مروري
كلام سليم
اذا القير توماتيك لازم يكون با الفاضي يعني مايكون باي نمره
لانك لو عشقت الدبل والموتر موب باالفاضي راح ينكسر الدبل
اذا عادي لازم يكون الموتر وقف مايتحرك
اذا فيه صوت طقطقه في الدبل الخفيف اذا جاه حمل قوي
وسمعة صوت هذا صوت الزنجير
قناص خلاوي
10/05/2010, 11:16 PM
مازيد على كلام الاخوان
لكن اذا جيت تعشق الدبل الثقيل لازم تفضي القير
معي فتك 2005 ولا يلقم الدبل الا بالفاضي
واذا انت بالرياض عندك ورشة التركي رجال ناصح وفاهم ويدلك على اللي يفيدك ولا يخسرك .
سوبر VTC
11/05/2010, 07:44 AM
هلا بك سوبر اول ماشريت الموتر جيت ببالي
بخصوص الدبل كلامك وكلام الاخوان يطمن
بس مثل ماقلت لك الموتر تماتيك قيره
وجربت اشبكه وانا واقف وبرضو القررره فيه
لاهنت
القير التماتيك
عند التاخر في شبك و فصل الدبل الثقيل
بمعنى ان يدك ثقيلة بالتعشيق مهب خفيفة
فان القير يقر سواء تماتيك او قير عادي
و الحل بالنسبة للتماتيك وضع القير على التامين P
لان راح تتوقف حركة القير تماما
و ماراح يقر باذن الله
و سبق جربتها بجيب
علمن هل تنجح هذه الطريقة ام لا ؟
N-xterra
11/05/2010, 11:23 AM
السلام عليكم اخواني
انا مشتري لي سوبر سفاري 99 تماتيك
ولاعندي معلومات عليها القيمه بخصوص الباترول
السياره بطنها نظيف واستخدمتها وماطلعت لي مشكله ضاهره
لارجه ولا قرقعه زايده عن قرقعة النيسان الي نعرفها
بس في مشكلتين
المشكله الاولى دخان اسود خفيف لما ادعس واكون مشغل المكيف يطلع من الشكمان
هاذي وش حلها تصفيه للبخاخ .؟ ولا في حل ثاني ؟ او سبب ثاني غير البخاخ
المشكله الثانيه الدبل
انزله تحت واعشق الـ 2h مافي مشكله واحطه بـ 4h برضو مافي مشكله
بس لما انزل للـ push او للـ 4 L يطلع صوت مزعج ويالله يلقم القير
هل هذا الشي الطبيعي بالباترول او في مشكله .؟
ولاهنتو بخصوص زيت المكينه والقير والدفرنشات .. وش الافضل ؟
والشي الاخير هل اركب فرارات ولا اطنشها .. مع العلم ان صرفية البنزين عندي معقوله وطبيعيه الى حد كبيررررر ..
لاهنتم عطونا الي عندكم
عشان تعشق القير على وظعية 4L لازم تدعس الكلتش وتكون السيارة متوقفة تماما والقير في الفاضي أو على ال N غير راح يطلع صوت
أما إذا كان الموتر واقف وتعشق وأنت داعس الكلتش أو القير على N بالنسبة للأوتو فمستحيل فيزيائيا يطلع صوت لأن التروس كلها واقفة عن الدوران
تحياتي
سوبر VTC
11/05/2010, 11:51 AM
عشان تعشق القير على وظعية 4L لازم تدعس الكلتش وتكون السيارة متوقفة تماما والقير في الفاضي أو على ال N غير راح يطلع صوت
أما إذا كان الموتر واقف وتعشق وأنت داعس الكلتش أو القير على N بالنسبة للأوتو فمستحيل فيزيائيا يطلع صوت لأن التروس كلها واقفة عن الدوران
تحياتي
سبق عشقت الدبل الثقيل لجيب تماتيك
على الN يقر الترس
على التامين P ما يقر الترس اطلاقا
افصل و اشبك على التامين عدة مرات مايقر
جمس الشمال
11/05/2010, 02:02 PM
اهلين بالاخوان
جربت نصيحتك يااخ سوبر فتك
حيطته بالبي .. وفعلا الخفيف شبك بكل سلاسه
ونزل للببيشش برضوه بسلاسه ويوم جاء ع الثقيل وقف ماطلع صوت
بس برضوه ماعشق عند
جيت بفصله وارجع الدبل زي ماكان مارضى يرجع الدبل والقثير بالبي
ويوم رجعته التماتيك للإ إن .. سلك طبيعي
عموما هاليومين بطلع للنفوذ وبنخله واشوف وش اخرتها
بس يا الغالين .. بالنسبه للدي فلوك بالنيسان الي بموديل سيارتي 99
هل هو على الدفرنشين ولا على الدفرنش الخلفي
وهل بالنيسان ينشبك طبيعي مجرد ماتدخل النفوذ ولا لازم تكون مغرز وعاض الارض
ولاتنسونا بالزيوت وش نحط والفلاتر وش الافضل
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir