مشاهد تدل على تقدم الحياة الفطرية

[استيعاب]

الموقع كلورادو امريكا - دينفرد


وعطونا رايكم بالصور :



http://www14.0zz0.com/2010/05/09/11/494665067.jpg (http://www.0zz0.com)



لاحظ ان الصورة قريبة من السيارات يعني ( بدال القطط عندنا )



http://www9.0zz0.com/2010/05/09/11/931097335.jpg (http://www.0zz0.com)


هذي بركة على الشارع العام بس اللي فيها مو واضح زين خلك منها وشوف اللي وراها





شوف الجيش اللي طلع من البركة لما حذفناله الخبز



http://www13.0zz0.com/2010/05/09/11/309574356.jpg (http://www.0zz0.com)



لاحظ الفروخ والوز الكندي مفرخ بالشارع سبحان الله يقدر يطير ولكن لانه مأمن سبحان الله حاط فروخه عند البيوت ويتمشى معاهم مو خايف من احد



http://www13.0zz0.com/2010/05/09/11/316005795.jpg (http://www.0zz0.com)



يمكن تقول زوج حذف بيضه بالغلط


لكن وش تقول لا صاروا زوجين والبط الصغير وياهم شوف الصورة :



http://www10.0zz0.com/2010/05/09/11/381839431.jpg (http://www.0zz0.com)





سلامتكم تعيشون


؟

[عبـرود]

اخي استيعاب اشكرك على هذه المشاركة القيمة ..

وتلك الدولة وضعت حقوقا للحيوان أشبه بحقوق

الانسان أجلكم الله فكيف لاترى مثل هذه المناظر

كل الود ..

[حزماوي]

ما شاء الله مثل عندنا بالضبط ..
بالسعوديه الطائر يرمى من يوم يقبل على الساحل حتى قبل ما يوقع ..:D
ويرمى بالساحل وباالوسطى مرروا بجميع المناطق حتى يصل للشرقيه (هذا ان كتب له السلامه بمعجزة الهيه) ..:D
وهو يرمىالى ان يغادر الساحل الشرقي وهو يرمى حتى ان يغيب عن الانظار ... حتى ان بعض الاخوة يستقبل الطيور بمصر ويصيدها من بدري... :D ×

[Cyber]

الله يستر بعدين لانسمع ان الانسان ينصاد ويوكل

كان ماتلقى ادمي بالسعوديه :d

[العود&& الازرق]

يعطيك العافيه

[أبو خاااالد]

يعطيك العافية
على الصور الرائعة
بس ما اظن عندنا بيصير كذاا

[بريداوي اصليm]

والله صور جميله
مشكووووور وماقصرت

[مخاوي الليل1]

السلام عليكم

هههههههه زي عندنا بالرياض

تسلم اخوي على تقرير

[@السيف@]

هذا المنظر موجود في استراليا الارانب في الليل زي القطط في السعوديه حول المطاعم

[تمياط]

ههههههههههه حنا القطط ماتسلم منا انا لله وان اليه راجعون

مشكور وماقصرت يالغالي

[المصمم76]

مشكور على الصور الرايقة

وش رايك نرسل لهم كتيبة من قطاوة السعودية (اللي عندنا قطاوة إجرامية)
ابتعاث خارجي نشوف وش يسوون بالبشر اللي هناك مهوب طيور

[عاشق النملات]

يرجل احمد ربك انهن برااا السعوديه ولا؟؟؟؟؟؟؟

[الأخضر]

حياك الله
قبل أسبوع وفي يوم الجمعة أطلق أحد الأخوان عدة أجواز من البط في ( سد العمارية )
بعد إمتلائه بالمياة وأحب أن يعطي المكان بعض الحياة ، ويسعد من يزو السد من الأسر وأطفالهم بمنظر البط . وكلف حارس السد للعناية بالبط وتغذيتهم مقابل مبلغ مادي .
وتفاجأ الحارس بتحرك قوات الدفاع الجوي من شباب المنطقة بكافة الأسلحة المتوفرة ، فتمكنوا بفضل من الله وتوفيقه من اصطياد عدد منها ولحق الحارس على البقية ن الله يخلف على المسلمين .
وكنت قد ذهبت بالأسرة الكريمة والأطفال يوم الأحد الماضي للتمتع بالجو الجميل وتغذية البط ولتمضية وقت جميل هناك فلم أجد أي بط وسالت الحارس وكان لا يجيد التحدث وبالكاد اوصل إلى طرفالأحداث وتفاجأت بالقصة مع الأسف.

* ومن المشاهد الجميلة وجدت أثنان من أشباه الرجال ( أعماره تتجاوز الأربعين) جالسين بجانب السد ويطلقون صرخات بأصوات عالية وطريقة همجية دون إحترام للأسر التي كانت متواجدة .
تحياتي

[حاتم البدراني]

مشكووووووووووور


ولو يفتحون الصيد بااحد الدول الاوربيه شهر بس

والله ان يجونك ربعنى باسبوع يقلبون ديرتهم صبخه مافيهى مخلووووق هههههههه

[راعى شاهين]

مشكككككككككككككككور

[منتظر الجديد]

اخي استيعاب اشكرك على هذه المشاركة القيمة ..

وتلك الدولة وضعت حقوقا للحيوان أشبه بحقوق

الانسان أجلكم الله فكيف لاترى مثل هذه المناظر

كل الود ..
عزيزي أرجوا المقارنة جيدا ...

لو فرضنا أن هذا المنظر وسط الرياض ... هل تتوقع ان أحد يجروأ أن يصطاد ؟ طبعا لا

وهو مستحيل يكون هذا المنظر عندنا لأن طبيعتنا صحراوية جدا لآيمكن التكاثر فيها

وننسنا كيف يصطادون الطيورخارج مناطقهم ... لأنه لايجروأ على صيدها داخل المدينة وهو يقوم بعمل جيشي من أجل صيد الطيور في المناطق الأخرى .

فعليك زيارة موقع اليوتيوب لترى الصيد الوحشي عندما يختفي القانون

وهناك مثاال أن الحياة الفطرية عندنا لأتصلح إلا للضبان فقط ... وهي تصاد من فترات طويلة من الزمن في الجزيزة العربية ومع ذلك موجودة بكثرة

لأن السبب يعود للطبيعة