المساعد الشخصي الرقمي

مشاهدة النسخة كاملة : باترول 95 بخاخ فزعتكم


ابن مواش
09/05/2010, 02:54 PM
السلام عليكم ورحمة الله وبركاته كل واحد باسمه
لو سمحتوا اخواني عندي باترول 95 بخاخ كما هو موضح فيه مشكله وهي
تقطيع يرمي بعض الاحيان صرفية بنزين بالهبل شي ماتتوقعنه عزمه ضعيف تحس انه كاتم واذا دست له دخن اسود
تكفون ابي فزعتكم لاني تعبت منه
ومكاني القصيم بريدهـ
شاكر لكم وانتضر ارائكم
ابن مواش
10/05/2010, 12:16 PM
الي شاهدوا الموضوع اكثر من 20 ولا واحد عطانا رايه
وطني
10/05/2010, 12:56 PM
أخوي الإحتمالات كثيرة من خلال وصفك للمشكلة
يمكن من أحد الحساسات القريبة من البخاخ
ليش ماتعرض السيارة على العثيم
سوبر VTC
10/05/2010, 01:21 PM
يقرب لك سلطان المواش ؟ :good::good::good: :)

الاحتمالات كالتالي
وزن ديلكو
وزن بلوف
بوبينة الديلكو
البليتين
اشياء اساسية لازم تغيره مثل
صفاي بنزين
بواجي ضعيفة او منتهية
اسلاك بواجي
فلتر هواء
طرمبة بنزين ضعيفة

اشياء اخرى تخلي الموتر يكتم
تهريب من الخرطوش اللي بين اللهاة و القربة
يكون منشعر و يدخل هواء
يلفون عليه شطرطون عريض و يضبط
ايضا وجه الثلاجه و القزوز اذا كان ينسم و يدخل هواء الى
الثلاجه يبدا الموتر يكتم و يحتمي

المطلوب منك تمر على الكهربائي العثيم :good2:
بصناعية الرواف
ايضا
يوسف الخضير بتشاليح بريدة

صيانة ميكانيكا
ابو خالد الخضير طريق خضيراء :good::good:
بجنبه ابو سليمان الهبيش :good:
و بالتشاليح ابو عبدالله الصمعاني :good:

علمنا مستقبلا وش يصير معك


موفق
ابن مواش
10/05/2010, 02:20 PM
مشكورين اخواني ماقصرتوا بالنسبه للعثيم مرتين ادخله لمه يوم يومين بالكثير ويرجع مثل اول
اما اخوي سوير ياطويل العمر غيرت صفاي البنزين بس عندي الطرمبه ضعيفه مره ويطلع له صوت تتوقع كل الاشياء هذي منه اخوي سوبر ؟؟
وسلطان المواش انا بس كثارين سلطان اي واحد تبي انت ؟