منظم الهواء كل ما جاني عج خسرت من 200 الى 800 ريال

[صمت الطريق]

السلام عليكم ورحمة الله وبركاتة

كورلا 2006 عادي 1300
اخواني الأعضاء قسم بالله اني تعبت من كثر ما اغير القطع
كل ما جاني عج على الخط خرب شيين اما يكون منظم الهوا او منظم الريس
اما تحن السيارة او على وشك تطفي او تطفي لمن احطها على الفاضي او تطفي لمن اشغل المكيف والأغلب انها تحن منظم الهوا اربع مرات اغيرة ومنظم الريس مره

منظم الهوا قيمته 160 ريال
اما منظم الريس قيمته 590 ريال
وتنظيف منظم البنزين 30 ريال

http://dc09.arabsh.com/i/01473/7bw2bbvoolu3.jpg (http://arabsh.com/7bw2bbvoolu3.html)
1 - منظم الهوا 2 - منظم الريس


الي عنده حل يطرحه ولا بعتها

[صمت الطريق]

يا الربع ابي حل للمشكلة

[صمت الطريق]

يا الربع ابي حل للمشكلة

[VIP-503]

اتوقع من الفلتر ما تنضفة باستمرار وهو الي سبب لك المشاكل هذي الله يعينك والكوكو صبووورة لك كل الاحترام

[escape_man]

1- تاكد من الفلتر لايكون تجاري ..
2- تاكد لايكون فيه تنسيم قبل الثروتل ومن جهة الفلتر

[حزم نجد]

فعلا تأكد من الهوز الي يطلع من الفلتر للثروتل

وتأكد من تنضيف الثروتل فكه ونضفه زين بتحصله مليان تراب و وساخات الله يكرمكم

والفلتر تأكد من العلبه لا تكون مكسوره ولا تنسم وغير الفلتر اصلي و واضب على تغيير الفلتر

[صمت الطريق]

Vip-503 - بن غييثات - حزم نجد

الف شكر لردودكم ،،،
الفلتر اصلي شارية من الوكالة 72 ريال بعد الخصم ،،،
الهوز انا فاكة ومنظمة ، منظم البنزين بالورش يسمونها الدواسه نظفتة ،،،،

ممكن اعرف وشو الثروتل ؟؟؟؟

[escape_man]

علبة الألمنيوم الي راك فيها الحساس .. فيها صمام لدخول الهواء .. هذا ينظف ببخاخ ACDelco والسيارة شغالة مع دعسة خفيفة اذا جت بتطفي ..

[فارس الهيلا]

نفس المشكله صارت مع واحد من اخوياي موتره كورولا 2006 او 2007

طلعت المشكله من البخاخات داخل فيها رمل ونظفها بالوكاله,,
بس ما ادري كم كلفت عليه,, لان المشكله صارت عنده قبل 3 سنين تقريبا..

[سوبر VTC]

تاكد من صفاي البنزين
يمكن به مشكلة
ريقيوريتر البخاخات

اذا كان الموتر و هو واقف
يكتم يترتر مهب صافي
فالمشكلة من حساس الابنص
او من فيش الحساس يكون متوسع
اذا كان المونر مايشتغل من اول دقة
او اذا اشتغل يكون مهب صافي
فغالبا من الحساس نفسه او من الفيش متوسع


ادخل الرابط



ما هي وظيفة حساس ال Tps وحساس ال Idle بالسياره ؟ - منتديات مكشات (http://www.mekshat.com/vb/showthread.php?t=292836)




http://www.mekshat.com/pix/upload04/images162/mk53291_t879789876.jpg



هل الموتر يشتغل باول نقرة ام لا ؟
هل اذا اشتغل وده يطفى ؟
هذا اذا جيت الاشارة و اثناء مسك الاشارة وده يطفى ؟
اذا كان نعم
فالمشكلة من حساس الابنص الار بي ام
الفيش متوسعه اسلاكه او احد الاسلاك منقص
مع احد الربع نفس موترك منقص احد الاسلاك الاربعة حقات الحساس
اذا وصل السلك صفا الموتر :good:


(((للفائده)))


احد الربع معه شيروكي و جلس شهرين ما يشتغل موتره يدق سلف ثم يطفى


فيقوم بالدوس على البنص حتى يحتمي ثم يتفتف بس مايطفى :no2:


يعني ما يطفى الا اذ كان بارد


مر على ورش متخصصه بالشيروكي و كلهم عجزوا عن ايجاد المشكله :no::no:


لقى المشكله بنفسه بعد توفيق الله من حساس الهوا (الار بي ام البنص ) راكب عليه فيش 4اسلاك


فصل الفيش و لقى واحد منهن متوسع ضيقه بمفك صغير راس مدبب


ثم اشتغل من اول دقه سلف :good:


اشياء ما تطري على البال مثل هالافياش


هذه صورة الحساس
مكانه راكب على اللهاة شفه تحت ماصورة البخاخات ((طالع منه سلك اصفر)) من تحته
من وظائفه ايضا
اذا وصلت الاشارة (يوازن) بين سرعه المكينه و بين الهوا الداخل الى المكينه
عشان ما يطفى الموتر


http://www.mekshat.com/pix/upload01/prof004/mk53291_amb111.jpg

[صمت الطريق]

سوبر Vtc - بن غييثات

الف شكر على التوضيح ، اخوي سوبر الله يعطيك العافية راح امشي على كلامك وافحص
الفيش . ابد سيارتي اوقات تطفي عند الأشارة .لا هنت

[عاشق الكابرس]

والكامري نفس الشي وكم اسعار الحساس ومنضم الريس كامري موديل98 اوتوماتك

[سوبر VTC]

وش مشكلة يا عاشق ؟

[قناص*07]

تحت علبت الفلتر يوجد علبه صغيره لتجمع الاغبره.
لا تكون طايحه وما انتبهت لها تاكد انها موجوده

[قمة افرست]

قربة الفلتر افحصها بتلقى قطعه مفقودة فيها او مكسورة
او فيها تنسيم هذا لتفادي المشكلة مستقبلا
الان اتبع الطريقة السابقة ولاكن بدل تبديل القطع
قم بتنظيف
حساس الهواء
الثروتل
تنظيف فلتر الهواء
مانفع تعمل تنظيف بخاخ

[thandar]

اخوي حل مشكلتك زي ما قال اخوي سوبر
وصارت معي وحليتها والتفاصيل على هالرابط

http://www.mekshat.com/vb/showthread.php?p=8418144#post8418144