المساعد الشخصي الرقمي

مشاهدة النسخة كاملة : لاهل الخبره


ذيب الهويمل
09/05/2010, 09:41 PM
السلام عليكم ورحمه الله وبركاته


كيف حال الشباب


ياشباب انا من محبي شاهي ربيع وابي اسالكم عنه افضل وش افضل الشاهي العايدي ولا الكسبرس في التلقيمه والاكياس

والسؤال الثاني عن الصاجه وش احسن انواعها وصناعتها الزينه وكم اسعارها وين تباع وانا في الرياض


ارجو الايفاده ياشباب
عاشق السيل
09/05/2010, 10:44 PM
وعليكم السلام ورحمة الله وبركاته ،،

هذا رايي الشخصي : بالنسبة لشاهي ربيع الأكياس أنا أشوف الأكسبرس أفضل وأطعم من العادي ،، أما التلقيمة أنا جربت العادي وطعمه ممتاز جدا بس يحتاج وقت طويل علشان يخدر ويصير صح أما الإكسبرس تلقيمة بصراحة ماقد شفته ولا جربته !!

ومن ناحية الصاجة أنصحك باللي تكون معدن يعني لونها فضي أو على الأقل استيل أما اللي تجي سوداء لا تقربها لأنها تتقشع وبعضها يصدي ،، وتبي تلقاها عند محلات الأواني اللي بمخرج 14 أو محلات الرحلات الكبيرة مثل برق الحيا والسنيدي ،،

هذا اللي عندي والله يوفقك لكل خير ....
رســــــلان الوجه
09/05/2010, 11:15 PM
<<<<<<<< من عملاء شاي الكبوس:good2:


ولكن الربيع على خبر الشباب الاكسبرس والتلقيمه يلزق بالراس يقولون:p


وأعذرنا ع المداعبه والفكاهه
أتمنى ايفيدونك اخواني الاعضاء في المنتدى أكثر
ولكن تبي نصيحتي اسئل العضو عشق وجنون


يقولون شركة ربيع تعطيه الشاي مدى الحياه :D مجاناً وعنده العلم اليقين



تقبل تحياتي


أخوك/مجرهد
راعي المرباع
10/05/2010, 12:08 AM
انا افضل شاهي ربيع العادي بالتلقيمه .
وشف يابعدي ان بغيت الشاهي اللي يخليك تشوف مناير مصر خذ لك شاهي (ابو جبل) شفه منتشر الحين بأكثر المحلات الكبيرة شكل العلبه كرتون زي علبة شاهي ربيع الجديدة بس لونها اخضر مكتوب عليه ابو جبل سعره يبدأ من 24 ريال وفوق .
اما الصاج رح وانا اخوك لمستشفى الشميسي وخله على يمينك ووجهك جنوب لا تطلع الكبري خلك بشارع الخدمة وتعد الاشارة وبعدها اول لفه يسار وادخل هاك الشارع بيكون وجهك شرق لطريق الملك فهد وبنفس الوقت بينزلك على طريق الملك تراه ضيق بالحيل وتلقى كل اللي يمينك محلات جملة ومفرق يبيعون فيه حضارم وبإذن الله بتلقى اللي بخاطرك واتمنى اني افدتك,,,,,,,,
وآسف آسف جداً على الاطاله .
ذيب الهويمل
10/05/2010, 02:03 PM
مشكورين على المرور العطر
رعد الصحراء
11/05/2010, 05:10 AM
بالنسبه لي أفضل شاهي ( شاهي الوزة )

وبالنسبه للصاج موجود بالحله وبشارع السباله

تقبل تحيتي