أبو أمين
09/05/2010, 11:05 PM
السلام عليكم ورحمه الله وبركاته :-
في الحقيقة ما ادري من وين أبدا ,
هذا دعو وكراوين على الماشي اول الوقت في الساحل الشرقي وجرت حبارى ما كتب لنا الله فيها
ثلاث يبون يعزلونه من الشفقه على التعليم هههههه لكن ما في فايده
http://www.mekshat.com/pix/upload04/images164/mk80854_ayaf.jpg
,,,
http://www.mekshat.com/pix/upload04/images164/mk80854_krawan.jpg
,,,
http://www.mekshat.com/pix/upload04/images164/mk80854_kraween.jpg
,,,
نخش في الموضوع
http://www.mekshat.com/pix/upload04/images164/mk80854_marweh.jpg
,,,
http://www.mekshat.com/pix/upload04/images164/mk80854_hadad sultan.jpg
هذا يوم من الأيام في شهر 11 سنه 1430 ه اتفقنا أنا والعضو سلطان 1 على نقنص
يوم الجمعة سرحنا الفجر بدري وطبينا ديره المقناص وكلن همته عاليه ويقول الله كريم
طبعا كنا على موتر واحد ومعنا اربعه طيور 2 جير 2 حر
المهم دوجنا ودجنا وما خذينا شوي الا وهذا واحد من معارفنا نطحنا بموتره ,
نزلنا سلمنا اخذنا العلوم وقاله سلطان1 روح على فالك وحنا على فالنا وبينا الجهاز
المهم روحنا جنوب وهو روح شمال وما اخذ نص ساعه الا فايف منت
الا وهو ينادي طبعا الرجال لكم عليه بالصقاره : يا سلطان1 ياسلطان 1
[سلطان1 : ارسل]
[الرجال: عندي جره مدري هي حبارى ولا كروان ]
[سلطان1: خلك محلك وحنا جايينك ]
وحنا متوجهين له وانا عيني على الارض اتشوف والا هذا جره الخرب العود الي يهول قاطعه علينا
قلت لم سلطان1 وقف وقف , [قال : علامك ] لانني دائما اروعه بلكنتي الحاده والعاليه [ft]
[قلت: هذي الجره قاطعه عليك ]
http://www.mekshat.com/pix/upload04/images164/mk80854_jorah kerb.jpg
اللهم تأكدنا ان الجره هالي عند خوينا للخرب هذا
ويوم اقبلنا على خوينا وهو محول على رجليه لا حول ولا قوه الا بالله
قال سلطان1 : اركب موترك لا يطير مخالفك وانت ما تشوفه ركب ابو الشباب وحنا نقطعله
الا هذا الموتر الي مقبل علينا وقف جنبنا وقال انتو مطيرين خرب قبل شوي لاني كنت وراكم في حزم ومرني الخرب طيار وهديت وابشركم صاد طيري ,
سبحان موزع الارزاق اثر خوينا طيره له والخرب هذا حايس الشعيب الي هو فيه له حوالي 4 ايام لا اله الا الله
وحنا نباركله ونروح وكانت الساعه حوالي الحاديه عشر صباحا وحنا نظحي تحت ذيك الطلحه
ونناظر في وجيه بعض وكل واحد يقول لو ان الخرب الحين في الخرج معزول حي ولا كابسينه ظغط
هذا والله الحظ الاقشر ونتقهوى ونعين من الله خير ونجي معودين .
,,,
جا يوم السبت ودوامات وسلطان1 قانص وكل شوي ادق عليه هاه بشر اجيب حبتين شوايه واجي هههههههههه .
يقول لي لا ما عينت شئ وعلى هذا الحال لين جا يوم الخميس ونسرح كل واحد على موتره ونطب الديره ونقنص ويوم تجي الساعه 8 و 45 دقيقه صباحا
الا هذا الزول راع البل يكلم معزبه سلطان1 ويقول : الحبارى شوف العين قدامي طيرتها ثلاث مرات
ويقفل من عنده وتجيك الجيوب تقطع بثلاثه هههههههههههههههه
ويوم وصلناه وهو يقول خليتها الين راحت حول 300 متر واتقت عني ,
زين وكلن يفرع عن طيره انا معي طيري الجير يطلع وسلطان معه طيره حر يطلع لكن كان توه طالع من الربطه ماله يومين والطير ماهوب جاهز لا رخصه ولا استماره ,
ونقطعلها ونعين مطيرها الاول والثاني والثالث وندوج وندوج وانا قلت ابغى ابعد لعل الله يجيبها وانا اروح عن محلها حول 2 كيلو ولا كيلو ونص
والا الارض توعرت وما عاد تعطي قصص واجي مع هاك المسيل والا والله هذي جرتها هريب
وانادي على سلطان عجل الجره عندي وهو يجيني ويوم شرفنا مع هاك الضليع الا والله كفخت الطيور الي تطلع كنها كفخت طير واحد .
تخيلوا لو اقوووول التكمله الحلقه الجايه ههههههههههه بيجي ذبح ودمان للركب, عموما نكمل معكم
ويطلع طير سلطان الحر الغير مجرود نهائيا ونسوق معه
وانا ابتلشت في الموتر طيري كسرني وكسر التكايه وعجزت ابرقعه واخليه واسوق مع الطير
الا والله هذا المنظر الي يسر الحبارى طيار ويوم شافت الطير وقعت وتكوبر له
وهو يطقها وتخالف وتطير ذيك الساعه
قلت راحت على الطير الحبارى ويصيح على سلطان1 : يابو امين لحق يابو امين لحق لا ابو من علمك الصقاره
هههههههههههههههههههه طبعا انا ما لحقت عشان طير سلطان في السماء
وطيري لو هديته ممكن يصير جنجال على قولت اخوننا الهنود هههههههه.
وهو يقول احذف لطيري وانا ما معي لا حمام ولا شلو هذي والله البلشه
وسلطان يسوق مع الحبارى ويحذف الجير الشاهين ساعت حذفها من الشباك ولا الحبارى هافه مع الضلع
بحكم حنا في وعر وحتى السواقه صعبه لما فيها من خطوره وتروج الجيره ولا شافت الحبارى لا حول ولا قوه الا بالله ونجذب الحر ونقضبه وسلطان شابن فيني وانا مسكين ضعيف البنيه قصير الطول
لكن سلطان يمون وهو لا جا وقت الهدد على طول اذني تكون خارج من نطاق الخدمه
عشان انا عاذره والله يلوم الي يلومه في هذي المواقف
يعني لو انا كنت الامير على ناس اصغر مني وحصل هل الموقف جا تلطيش على كيف كيفك ههههههههههههههه
الله يستر لا نتلطش حنا بعد هذا الموضوع ههههههه
ونقضب الجيره ونروح على وجهت الحبارى وابرقع طيري وقلت ما عاد ابغاك تطلع لا شفتها انا هديتك
http://www.mekshat.com/pix/upload04/images164/mk80854_burgu.jpg
وسلطان يرد طيره الي يطلع ويحط برزان على التكيه ولا فرعبه
وحنا ندوج وسلطان كان يبعد عني حوالي النص كيلو والا هذا الحبارى طيار قدامي
طارت لحالها من خمسين متر وانا اخذ الريشه واصيح : الحبااااااااااااااااااااارى طيار قدامي
ويقولي سلطان تحتري اذن اقلاع هد ,
لكن للاسف كنت رابط طيري بعد ما قضبنا الطيور لعدم يقيني باننا سنراها مره اخرى
لكن جابها الله وانا اكلت(####) هههههههههه وهي تهف مره اخرى من ورا الضلع وتختفي عن الانظار
جاني سلطان وقالي حل طيرك وفرعبه والي تطير من قدام طيره الاول يهد سمعت ,
حااااااضر سيدي هههههه
ونحنا ناخذلنا حول 7 كيلو لفه لوعوره الارض وندوج
وما اخذت شوي الا سلطان تراني هديت برزان والحبارى طيار بعيد
وهو يرقى ويرقى والحبارى داقه زورها بالقاع وتتلوى كنها فنجال يهزه رجال اكتفى من القهوه
وتاخذ شوي وهي تهف وانا كنت اقرب واحد لبرزان
الا يوم برزان برد وقالي سلطان برزان برد انت تشوفه يابو امين قلت صبر صبر
وهو يورد عليها ما شاء الله واخفيه ورا الضلع ويناديني سلطان انت تشوفه قلت لا اخفيته
وهاك الضلع ونشغل الجهاز وندور وندور الا يوم الجهاز يضرب فوق هاك الضلع
وحنا ندورلنا درب نرقا ونرقى بالصعوبه الا الصيحه في الجهاز
ابشربه صااااااااااااااااااااااااااااااااااااااايد
ويوم اطل ولا هذا برزان يعافر الحبارى وانزل واخلي الموتر ويدحدر الموتر يم سلطان وموتره
وانا انقز بسرعه من الربشه ما ضغط الفرامل دقيت بوري عشان يوخر هههههههههههههههه
وهو يقول لي فرامل فرامل وانا اضغط الفرامل واسحب الجلنط واحول .
ويجي حب خشوم ما ادري ليه ههههههههههه.
كان معنا طيور ما تعرف الحبارى وسلطان يبي يخلص الحبارى حيه
واحلف عليه ان يخلي برزان يتعشى منها والطيور كل ابوها واحد وانا اسلقيها لبرزان
http://www.mekshat.com/pix/upload04/images164/mk80854_ala alhobara.jpg
,,,
http://www.mekshat.com/pix/upload04/images164/mk80854_with hobara.jpg
,,,
http://www.mekshat.com/pix/upload04/images164/mk80854_sead.jpg
وأخليه يتعشا من ثناديها والراس ماشاء الله عليه الظاهر ان هذا الطير وهو فرخ رابي مع جيره هههههههههههه
المهم ويحصل هرج ومرج ونستانس ونظحي احلا مظحا وكانت الساعه تقريبا الواحده والنصف ظهرا
شوفوا كم الوقت من يوم عيناها الين صدناها والحبارى هاذي طلعت اروحنا واتعبتنا بالحيل
ونعود الرياض ويكبسها لنا سلطان ونتعشاها ولا كفتنا لكن كفانا التعب والهدد الممتع
واليوم الي بعده يدق علي سلطان ويقول غداك وحضر عندي جره حباروين
لكن مالله رزقنا فيها والحمد لله على كل حال
انتظروا مواضيع اخرى لان الصيف طويل وبالقطاره يا معلم .
شاكر على حسن متابعتكم والسلام عليكم ورحمه الله وبركاته
في الحقيقة ما ادري من وين أبدا ,
هذا دعو وكراوين على الماشي اول الوقت في الساحل الشرقي وجرت حبارى ما كتب لنا الله فيها
ثلاث يبون يعزلونه من الشفقه على التعليم هههههه لكن ما في فايده
http://www.mekshat.com/pix/upload04/images164/mk80854_ayaf.jpg
,,,
http://www.mekshat.com/pix/upload04/images164/mk80854_krawan.jpg
,,,
http://www.mekshat.com/pix/upload04/images164/mk80854_kraween.jpg
,,,
نخش في الموضوع
http://www.mekshat.com/pix/upload04/images164/mk80854_marweh.jpg
,,,
http://www.mekshat.com/pix/upload04/images164/mk80854_hadad sultan.jpg
هذا يوم من الأيام في شهر 11 سنه 1430 ه اتفقنا أنا والعضو سلطان 1 على نقنص
يوم الجمعة سرحنا الفجر بدري وطبينا ديره المقناص وكلن همته عاليه ويقول الله كريم
طبعا كنا على موتر واحد ومعنا اربعه طيور 2 جير 2 حر
المهم دوجنا ودجنا وما خذينا شوي الا وهذا واحد من معارفنا نطحنا بموتره ,
نزلنا سلمنا اخذنا العلوم وقاله سلطان1 روح على فالك وحنا على فالنا وبينا الجهاز
المهم روحنا جنوب وهو روح شمال وما اخذ نص ساعه الا فايف منت
الا وهو ينادي طبعا الرجال لكم عليه بالصقاره : يا سلطان1 ياسلطان 1
[سلطان1 : ارسل]
[الرجال: عندي جره مدري هي حبارى ولا كروان ]
[سلطان1: خلك محلك وحنا جايينك ]
وحنا متوجهين له وانا عيني على الارض اتشوف والا هذا جره الخرب العود الي يهول قاطعه علينا
قلت لم سلطان1 وقف وقف , [قال : علامك ] لانني دائما اروعه بلكنتي الحاده والعاليه [ft]
[قلت: هذي الجره قاطعه عليك ]
http://www.mekshat.com/pix/upload04/images164/mk80854_jorah kerb.jpg
اللهم تأكدنا ان الجره هالي عند خوينا للخرب هذا
ويوم اقبلنا على خوينا وهو محول على رجليه لا حول ولا قوه الا بالله
قال سلطان1 : اركب موترك لا يطير مخالفك وانت ما تشوفه ركب ابو الشباب وحنا نقطعله
الا هذا الموتر الي مقبل علينا وقف جنبنا وقال انتو مطيرين خرب قبل شوي لاني كنت وراكم في حزم ومرني الخرب طيار وهديت وابشركم صاد طيري ,
سبحان موزع الارزاق اثر خوينا طيره له والخرب هذا حايس الشعيب الي هو فيه له حوالي 4 ايام لا اله الا الله
وحنا نباركله ونروح وكانت الساعه حوالي الحاديه عشر صباحا وحنا نظحي تحت ذيك الطلحه
ونناظر في وجيه بعض وكل واحد يقول لو ان الخرب الحين في الخرج معزول حي ولا كابسينه ظغط
هذا والله الحظ الاقشر ونتقهوى ونعين من الله خير ونجي معودين .
,,,
جا يوم السبت ودوامات وسلطان1 قانص وكل شوي ادق عليه هاه بشر اجيب حبتين شوايه واجي هههههههههه .
يقول لي لا ما عينت شئ وعلى هذا الحال لين جا يوم الخميس ونسرح كل واحد على موتره ونطب الديره ونقنص ويوم تجي الساعه 8 و 45 دقيقه صباحا
الا هذا الزول راع البل يكلم معزبه سلطان1 ويقول : الحبارى شوف العين قدامي طيرتها ثلاث مرات
ويقفل من عنده وتجيك الجيوب تقطع بثلاثه هههههههههههههههه
ويوم وصلناه وهو يقول خليتها الين راحت حول 300 متر واتقت عني ,
زين وكلن يفرع عن طيره انا معي طيري الجير يطلع وسلطان معه طيره حر يطلع لكن كان توه طالع من الربطه ماله يومين والطير ماهوب جاهز لا رخصه ولا استماره ,
ونقطعلها ونعين مطيرها الاول والثاني والثالث وندوج وندوج وانا قلت ابغى ابعد لعل الله يجيبها وانا اروح عن محلها حول 2 كيلو ولا كيلو ونص
والا الارض توعرت وما عاد تعطي قصص واجي مع هاك المسيل والا والله هذي جرتها هريب
وانادي على سلطان عجل الجره عندي وهو يجيني ويوم شرفنا مع هاك الضليع الا والله كفخت الطيور الي تطلع كنها كفخت طير واحد .
تخيلوا لو اقوووول التكمله الحلقه الجايه ههههههههههه بيجي ذبح ودمان للركب, عموما نكمل معكم
ويطلع طير سلطان الحر الغير مجرود نهائيا ونسوق معه
وانا ابتلشت في الموتر طيري كسرني وكسر التكايه وعجزت ابرقعه واخليه واسوق مع الطير
الا والله هذا المنظر الي يسر الحبارى طيار ويوم شافت الطير وقعت وتكوبر له
وهو يطقها وتخالف وتطير ذيك الساعه
قلت راحت على الطير الحبارى ويصيح على سلطان1 : يابو امين لحق يابو امين لحق لا ابو من علمك الصقاره
هههههههههههههههههههه طبعا انا ما لحقت عشان طير سلطان في السماء
وطيري لو هديته ممكن يصير جنجال على قولت اخوننا الهنود هههههههه.
وهو يقول احذف لطيري وانا ما معي لا حمام ولا شلو هذي والله البلشه
وسلطان يسوق مع الحبارى ويحذف الجير الشاهين ساعت حذفها من الشباك ولا الحبارى هافه مع الضلع
بحكم حنا في وعر وحتى السواقه صعبه لما فيها من خطوره وتروج الجيره ولا شافت الحبارى لا حول ولا قوه الا بالله ونجذب الحر ونقضبه وسلطان شابن فيني وانا مسكين ضعيف البنيه قصير الطول
لكن سلطان يمون وهو لا جا وقت الهدد على طول اذني تكون خارج من نطاق الخدمه
عشان انا عاذره والله يلوم الي يلومه في هذي المواقف
يعني لو انا كنت الامير على ناس اصغر مني وحصل هل الموقف جا تلطيش على كيف كيفك ههههههههههههههه
الله يستر لا نتلطش حنا بعد هذا الموضوع ههههههه
ونقضب الجيره ونروح على وجهت الحبارى وابرقع طيري وقلت ما عاد ابغاك تطلع لا شفتها انا هديتك
http://www.mekshat.com/pix/upload04/images164/mk80854_burgu.jpg
وسلطان يرد طيره الي يطلع ويحط برزان على التكيه ولا فرعبه
وحنا ندوج وسلطان كان يبعد عني حوالي النص كيلو والا هذا الحبارى طيار قدامي
طارت لحالها من خمسين متر وانا اخذ الريشه واصيح : الحبااااااااااااااااااااارى طيار قدامي
ويقولي سلطان تحتري اذن اقلاع هد ,
لكن للاسف كنت رابط طيري بعد ما قضبنا الطيور لعدم يقيني باننا سنراها مره اخرى
لكن جابها الله وانا اكلت(####) هههههههههه وهي تهف مره اخرى من ورا الضلع وتختفي عن الانظار
جاني سلطان وقالي حل طيرك وفرعبه والي تطير من قدام طيره الاول يهد سمعت ,
حااااااضر سيدي هههههه
ونحنا ناخذلنا حول 7 كيلو لفه لوعوره الارض وندوج
وما اخذت شوي الا سلطان تراني هديت برزان والحبارى طيار بعيد
وهو يرقى ويرقى والحبارى داقه زورها بالقاع وتتلوى كنها فنجال يهزه رجال اكتفى من القهوه
وتاخذ شوي وهي تهف وانا كنت اقرب واحد لبرزان
الا يوم برزان برد وقالي سلطان برزان برد انت تشوفه يابو امين قلت صبر صبر
وهو يورد عليها ما شاء الله واخفيه ورا الضلع ويناديني سلطان انت تشوفه قلت لا اخفيته
وهاك الضلع ونشغل الجهاز وندور وندور الا يوم الجهاز يضرب فوق هاك الضلع
وحنا ندورلنا درب نرقا ونرقى بالصعوبه الا الصيحه في الجهاز
ابشربه صااااااااااااااااااااااااااااااااااااااايد
ويوم اطل ولا هذا برزان يعافر الحبارى وانزل واخلي الموتر ويدحدر الموتر يم سلطان وموتره
وانا انقز بسرعه من الربشه ما ضغط الفرامل دقيت بوري عشان يوخر هههههههههههههههه
وهو يقول لي فرامل فرامل وانا اضغط الفرامل واسحب الجلنط واحول .
ويجي حب خشوم ما ادري ليه ههههههههههه.
كان معنا طيور ما تعرف الحبارى وسلطان يبي يخلص الحبارى حيه
واحلف عليه ان يخلي برزان يتعشى منها والطيور كل ابوها واحد وانا اسلقيها لبرزان
http://www.mekshat.com/pix/upload04/images164/mk80854_ala alhobara.jpg
,,,
http://www.mekshat.com/pix/upload04/images164/mk80854_with hobara.jpg
,,,
http://www.mekshat.com/pix/upload04/images164/mk80854_sead.jpg
وأخليه يتعشا من ثناديها والراس ماشاء الله عليه الظاهر ان هذا الطير وهو فرخ رابي مع جيره هههههههههههه
المهم ويحصل هرج ومرج ونستانس ونظحي احلا مظحا وكانت الساعه تقريبا الواحده والنصف ظهرا
شوفوا كم الوقت من يوم عيناها الين صدناها والحبارى هاذي طلعت اروحنا واتعبتنا بالحيل
ونعود الرياض ويكبسها لنا سلطان ونتعشاها ولا كفتنا لكن كفانا التعب والهدد الممتع
واليوم الي بعده يدق علي سلطان ويقول غداك وحضر عندي جره حباروين
لكن مالله رزقنا فيها والحمد لله على كل حال
انتظروا مواضيع اخرى لان الصيف طويل وبالقطاره يا معلم .
شاكر على حسن متابعتكم والسلام عليكم ورحمه الله وبركاته