وين افضل ورشة قير اوتوماتيك بالرياض ؟؟

[قناص خلاوي]

السلام عليكم ورحمة الله وبركاته

يالربع وين افضل ورشة قير اوتوماتيك بالرياض

مع واحد من الشباب فورد (صغيرة) والقير ما يعشق ريوس نهائيا ؟؟

دلونا لاهنتم على الورشة المميزة بالقيور

وبيض الله وجيهكم مقدما

[سعود الحربي]

رح للقصيم لورشة الشيبان وريح راسك من كذب العماله وزيفهم

هناك شباب سعودي يبرد على قلبك

والله ماعرفهم ولا يعرفوني الا بالسمعه وصلحت سيارتي جيب لاند كروزر عندهم وماشاء الله تبارك الله

[ابوزياد 11]

ولا تخلي ورشة العثمان والصمعاني بالتشاليح لهم بالمريكي معرفه

[قناص خلاوي]

الله يجزاكم خير ولا يهينكم
الروحة للقصيم صعبة السيارة ماتساعد والدوام اقشر
ياليت بورشة بالرياض ؟؟

[شلفا تبوك]

السلام عليكم
عليك بورشه القحطاني صناعيه بن علي في ام الحمام ورشه رقم 11
عماله فلبينيين وهنود

[قناص خلاوي]

وعليكم السلام
بيض الله وجهك اخوي
انت مجرب الورشة بالقيور ؟؟
او تعرف احد مجربهم ويمدح شغلهم ؟؟

[سوبر VTC]

لا تستعجل مر على 5ورش
كل واحد يعطيك من راسه


هذي ورش من الاخ ماجلان :good2:





اقتباس:
اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه :good::good2:

وفي عندك صناعية ام الحمام ورشة القحطاني رقم 11 سوداني فلته في الكهرباء





رد من عضو اخر



اقتباس:
السلام عليكم يا اهل الجموس , نصيحه لوجه الله لا تغيرون اي قطعه الا بعد فحص الكمبيوتر , انا سيارتي الجمس ذوقتني الامرين سنه كامله حتى هداني الله الى مركز فيه كمبيوتر متخصص بالجمس 100 ريال و 10 دقايق ويقول هذي المشكله و10 دقايق والسياره 100 % الحمدلله .
موقعه : صناعية العاصمه مخرج 28 الدايري الغربي . اول شارع من الشمال ( ورشة الشباب )

بالنسبه للقير العادي هذا جوال مهندس قير نصوح بالصناعيه القديمه استفسر منه ( ابو عمار 0508229600)
ارجو التوفيق للجميع



موفق