المساعد الشخصي الرقمي

مشاهدة النسخة كاملة : استفسار عن تيدر


Nasser
17/03/2005, 11:30 AM
السلام عليكم ....

حبيت اعرف اسعار تيادر بنسبة لطراد 23قدم نوع ضاعن بدون سطحة

السؤال موجه الى شباب الشرقية اللي هم قريبين من دولة قطر ولهم نفس الهواية


وبعد ابي اسأل عن مكاين ياماها yamaha 55 hp هوورس باوور 55

انتبهموا يالربع ^^هوورس باور horse bower ^^ موب ^^باوور هورس bower horse^^

:director: تكفووون يالربع ابي ردوود وأبي اجوبة

مخاطبكم / من قطر
SRDAL
19/03/2005, 09:21 AM
السلام عليكم ورحمة الله وبركاته ...

تحياتي لك اخوي / Nasser وحيالله اهل قطر الشقيق جيرانا .

اولاً اخوي بالنسبه للتياذر لازم تحدد اذا تبيها حديد عادي والا مقلفن يعني مدهون قلفنايز ضد الملوحه او المونيوم كل

واحد له سعره . بالنسه لنوع الطراد مايهم كثير اهم شي حجمه وانت قلت ان حجمه 23 قدم .طبعاً الكلام على

جديد . انا بكلمك عن المقلفن لأنه هو المتوسط في السعر ويعمر وياك احسن من الحديد والألمونيوم غالي تقريباً

تتراوح اسعاره من 4500 ريال الى 6000 ريال على حسب نوع التيذر اذا رولات والى حاملات عاديه .

اما بالنسبه للمكاين ال 55 ياماها بصراحه عندنا ماحد يستعملها لأن مشكلها وجد ومالها قطع غيار وماتمشي في

السوق وانا بنصحك اذا اننت تبيها حق نفس الطراد ال23 الظاعن عليك بال75 ياماها ولاتفكر بعد .

انشاء الله قدرت افيدك .

تحياتي لك . اخوك / srdal
عابر البحار
19/03/2005, 10:09 AM
حياك الله يا اخ Nasser
السئوال موجه لأهل الشرقية .. بس انا بتلقف بمعلومة طيبة
الحقيقة انا قبل شهرين اشتريت مكينة جديدة سوزوكي 70 حصان For-Strock ب 19.500 ريال سعودي
ووجدت فرق كبير بين النوع القديم ثنائي الشوط في توفير الوقود .. فالجديدة توفر بنزين بنسبة 50% تقريباً وهذا اللي ندور علية
ارجو ان تكون اللقافة طيبة
مع التحية
gulfhunter
19/03/2005, 11:47 AM
االسلام عليكم ورحمة الله وبركاته

حياك الله ياناصر في منتديات مكشات ..... ماشاء الله عليك ياسردال ........
بالنسبه إلى حجم الطراد 23... أعتقد بيكون 22 أو 24 إذا كان الظاعن هامور ....... وأعتقد ان اللى معاك هو 22 .... ومن تجربه ... يفضل أنك تستعمل مكينه 75 ...... ,

أنا مع أخوي عابر البحار... خل عنك المكاين القديمه وجرب الجديده ...... سوزوكي ممتازه ومجربها بنفسي ...ممتازه .... وأقتصاديه بالنسبه إلى البنزين... ومافيه أي صوت..... وقويه...... الي عندي 140 ومركبه على الظاعن 24....

الزبده 22 قدم________مكينه 75
24 قدم________مكينه 140 او 75+57... طبعاً مكينتتين أزين.......

GULFHUNTER
Nasser
21/03/2005, 07:55 AM
مشكوووووووووووووووووووووور
والله يرحم والدييييييييك
Nasser
21/03/2005, 08:01 AM
تسلم يا اخوي عابرالبحار بس هل المكاين غالية وعمرة قصير وقطع غيارة غالي وماحصل مستعمل في هل وقت
وشآآآآآآآآآآآآآآآآآآآآآآآكرلك حسن ردك وسرة استجابتك
......................
اخوك Nasser
من قـــــــــــــــــطـــر....
Nasser
21/03/2005, 08:07 AM
مشكووووووووووووووووووووووووووووووووووووووووووووووو وور
على هل المعلومات
ماقصرت يا GULFHUNTER .

وتسلمون يالربع على هل النصايع , اخووووووووووووووووووووكم من قطر.....
Nasser