باترول 90 خليجي للبر مكمل

[ابو شجاع]

السلام عليكم ورحمة الله وبركاته:

للبيع باترول خليجي صالون


اللى يبيه للبر عز الله مهوب تعبان عليه

مواصفات السيارة........

1_اللون ابيض داخلي رصاصى
2_مكيفين وثلاجتين
3_مكينة وقير ودبل على الشرط اللهم لك الحمد
4_درايش ومرايات كهرب
.
.................................................. ................

الآضافات للسيارهــ......
1_تانكى بانزين(140 لتر)
2_بطاريتين
3_محول كهرباء(1000 واط)
4_افياش كهرباء داخل السيارة عدد(3)
5_فررات للدفرنس
6_مراوح كهرب(سوبارو)
7_ثلاجة الطمرة موصله بقاعدتها
8_لمبات كبوت عدد(2)
9_قاعدتين شواحن مع الusb
10_تمديد اريل وكهرب كنود مخفى
11_كتاوت انوار من افضل الكتاوتات مع انوارها
12_دينمو كهرب جديد (مكسيما بقوة /110امبير)
13_ اديتر جديد اردنى
14_مسجل كاسيت وسيدى jvc من احدث الموديلات
15_ هدرز خليجي مع دبة يوكون وطنية
16_ طقم كفرات جديد مع الاستبنة مامشت 3000 كيلو
17_ طقم مساعدات مع يايات استرالي امامى وخلفي ماركبتها الا قبل شهر
18_ تجهيز الموتر كان من عند سوافى
19_ اي صيانه للسيارة كانت فى ورشة التركي تخصص باترول


http://www10.0zz0.com/2010/05/10/04/685482692.jpg


http://www10.0zz0.com/2010/05/10/04/793930084.jpg


http://www10.0zz0.com/2010/05/10/04/709706093.jpg

[llonely]

ما شاء الله تبارك الله يعطيك خيره ويكفيك شره
اخوي بسالك انت وين حدد موقعك ؟
وكم سيمت السيارة ؟ وحدك المطلوب فيها ؟
وهل السيارة مجددة ومفحوصه ؟

تراني اعجبت بالسيارة والله ييسر اللي فيه الخير

[][ســهم][]

ماشاء الله
بكم سيم يالغالي

[ابوسعودد]

وين موقعك يالغالي

[كايد]

ما شاء الله تبارك الله

موتر طيب الله يعطيك البيعة الطيبة

اخوي راجع ايميلك بغيتك في شغلة لاهنت .....زز

[ابو حمد 3]

ماشاء الله انشهد انه شيخ
ابسئلك الموتر مرشوش ولا مارش يابو شجاع فيه صدوم او شد بلد
دفلك ولا بدوم مكينه بخاخ ولا كلبليتر
واخر سوال لاهنت ورشة التركي وين موقعه لك جزيل الشكر

[اميرالصمت]

الله يرزقك البيعه الطيبه

[صويااان]

اللله يرزقك000

[ابوجبر]

اخوي الخطوط شد بلد
ولا انت مركبها؟

[ال حمزه]

ما شاء الله تبارك الله
,,
هل سيم الجيب وكم حدك؟؟
,,
وين موقعك بالتحديد
,,
الله يرزقنا واياك
..

[اللل]

اسوم انا 14000
والله يرزق الجميع

[ابو شجاع]

عليكم السلام ورحمة الله وبركاته:

اللل/ سومة طيبة من وجه طيب

[ابو شجاع]

ال حمزه/ الموتر سيم فى هالموظوع من اخونا( اللل)وخارج الموقع

موقعى الرياض
وماحديت الموتر وماجابه بنقبله من الله

[ابو شجاع]

ابوجبر/ انا مركب الخطوط وفاك خطوط وكالته

صويااان/ الله يجزاك خير
اميرالصمت/ امييين ويجزاك خير

[ابو شجاع]

ابو حمد 3/ الموتر مرشوش والحمد لله خالي من الصدوم لاكن مع اللي قبلي ما ادرى عنه...؟
صحيح الموتر (دفلك) المكينة (كلبليتر)

ورشة التركى فى صناعية الرياض القديمة

[ابو شجاع]

كايد / ياهلا ومرحبا ابشر طال عمرك

[ابو شجاع]

ابوسعودد/ موقعى الرياض

][ســهم][ /فى المنتدى ماسيم

[ابو شجاع]

llonely /الله يجزاك خير

موقعى / مدينة الرياض

السيارة ماسيمت ولا لي حد فيها
نعم السيارة مفحوصة ومجدده ومئمنة

[nan9]

اخوي بغيت حدك من الاخرلوتكرمت وتراني صامل وشراي على الرقم 0532662819

[ابو شجاع]

nan9/ ياهلا ومرحبا السيارة مانيب حادها وعطنى سومتك ومايخارجك

[ابو شجاع]

للأتصال رقم الجوال:

مع مراعات اوقات الصلاة

[ابووليد63]

السلام عليكم
اسومه ب 14500

[ابو نايف00]

هذا غرض البر وبس..........................
اسوم ب 18000 الف ريال بعد الفحص.........

رد لي على الخاص .وتراي صامل.......... وشكرا

[ابو شجاع]

ابووليد63/ سومة طيبة من وجه طيب

ابو نايف00/ سموة طيبة من وجه طيب
والمعذرة السومات والردود بتكون فى نفس الموظوع

[مسافر وحداني]

ابو شجاع حياك ربي

كم وصل السوم

[ابو نايف00]

اسوم ب 20000 ريال تراي صامل شرط الفحص...
والله يرزقك البيعة الطيبة

[انسان كويس]

السلام عليـــكم

توكلنــا على الله

واســوم 20500 ريال ..

على الفحــص وخفة نفس الموتر ..
ترا يمكن ابطي ما دخلت المنتدى .. إذا لديك رغبه اتصل بي لا هنــت ..
0554155004

الله يكتب الخــيرهـ


.:.

[قناص خلاوي]

اخوي ابو شجاع
وشلون نشوف الموترعلشان نسومه على نظر ؟؟

[ابونواف القلا]

كم وصل السوم ابو شجاع خابر 20500 عند انسان كويس بعت ولا لا وكم حدك خلاص تراى الموتر وصل حده
والله يرزقك وكيف الدبلات والعضلات والمكينه وهل فيه تهريب زيت اسفل بطن الموتر ولا لا وشكرا

[ابو شجاع]

مسافر وحداني/ حياك الله تابع الموظوع وتعرف كم وصل السوم......

[ابو شجاع]

ابو نايف00/ سومة طيبه من وجه طيب ومافيه بيع بدون فحص حقك وحق كل من يشترى

[ابو شجاع]

انسان كويس/ سموة طيبة من وجه طيب اشرط لك الموتر على الفحص

[ابو شجاع]

قناص خلاوي/ اتصل بي علشان انسق معك الشوفة....

[ابو شجاع]

ابونواف القلا/ صحيح واقف السوم على 20500
وانا ماحديت الموتر بعدين الرزق من عند الله يا افرق السومات ولا خل العالم ترزق الله.......
الموتر مابعد وصل حده السومات هذى للموتر بدون تجهيزات

[ابو حمد 3]

ابو شجاع لا هنت دق علي بجي اشوف الموتر 0566791444

[ابو نايف00]

اسوم والله يرزقنا ويرزقك بــــ21000
وهل الموتر مرشوش؟


وشكرا

[انسان كويس]

توكلت على الله
21300 ريال

0554155004

[ابو شجاع]

ابو نايف00/ سومة طيبة من وجه طيب

انسان كويس/ بيض الله وجهك سومة طيبة لاكن ماعطيتو الموتر حقة




افحصو ياعالم بعدين سومو الموتر

[ابرق المستوي]

ماشاء الله
اخوي ابو شجاع نزلته المعارض ولا لا

[ابو شجاع]

ابرق المستوي/ ياهلا ومرحبا لا ياخوى مانزلته للمعارض لان الشريطية ماتهمه التجهيزات

[البتار2011]

ما شاء الله تبارك الله ..الله يرزفك بالسعر الطيب

[المقيرش]

السلام عليكم اخوي
انا شراي وصامل جدا اجيك الي ديرتك بس نبي منك توضح حالة السيارة كم الممشى والمكينة زينه او تنقص والكفرات جدد او نص عمر والبدي جاية رش وصدوم او لا وكمان المكيف شغال او متعطل الاستمارة والفحص والتامين وش وضعهن
اذا انت بياع وسومتي سومت شراي تبيع بـ16000 الف بعد الفحص اتمنىاذا ناسبتك او ادع لي بالتوفيق ورقمي بعد اذن الادارة0594124727ابوحلا والله يوفق الجميع ناطر ردك باسرع وقت لاني ادور موتر بالمعارض ويمنك القا هاليومين عجل على الله يحفظك

[ابو شجاع]

المقيرش/ وعليكم السلام ورحمة الله وبركاته....

ولله ياخوى لو ادرى ان رزقى عندك من بعد الله مابعتك لانك ماتعرف اصول البيع والمشترى

المعذرة اخوى على الرد القاسي لاكن شف الاعضاء وش وقفو علية من سومات

ولا تبينى اتصل عليك بعد

ناس غريبه الحاجه لك ماهى لى اتصل انت او تدرى لاتتصل


ولله مشكله

[بواردي ضباء]

ابو شجاع .. ماشاء الله تبارك الله

اسوم ب 22000 بشرط الفحص

[المقيرش]

السلام عليكم اخوي ارجو الرد ارسلت لك على الخاص اتمنى ترد علي

[برق شمالي]

السلام عليكم
هل هو عادي ام تماتيك
هل هو بخاخات ام لا
كم ماشي
وهل صرف البنزين عادي يعني الفل كم يكفيك ممشى كيلو بدون استخدام التانكي الاضافي

[ابو شجاع]

ابو شجاع .. ماشاء الله تبارك الله

اسوم ب 22000 بشرط الفحص

سومة طيبة من وجهه اطيب

[ابو شجاع]

السلام عليكم اخوي ارجو الرد ارسلت لك على الخاص اتمنى ترد علي


المعذرة اخوى لم يصلنى شيء على الخاص واذا كان بخصوص السيارة بامكانك طرحة فى نفس الموظوع

او ارساله على ايميلي الخاص:D
ياهلا ومرحبا

[ابو شجاع]

السلام عليكم
هل هو عادي ام تماتيك
هل هو بخاخات ام لا
كم ماشي
وهل صرف البنزين عادي يعني الفل كم يكفيك ممشى كيلو بدون استخدام التانكي الاضافي

القير عادى

المكينة كلبليتر

تانكى الوكاله يمشيني 400 الى 430 كيلو بسرعة ثابتة وبعد تركيب التانكى الجديد يمشينى تقريبا 750 كيلو

[بدوي جنوبي]

السلام عليكم اخوي
انا شراي وصامل جدا اجيك الي ديرتك بس نبي منك توضح حالة السيارة كم الممشى والمكينة زينه او تنقص والكفرات جدد او نص عمر والبدي جاية رش وصدوم او لا وكمان المكيف شغال او متعطل الاستمارة والفحص والتامين وش وضعهن
اذا انت بياع وسومتي سومت شراي تبيع بـ16000 الف بعد الفحص اتمنىاذا ناسبتك او ادع لي بالتوفيق ورقمي بعد اذن الادارة0594124727ابوحلا والله يوفق الجميع ناطر ردك باسرع وقت لاني ادور موتر بالمعارض ويمنك القا هاليومين عجل على الله يحفظك


حصلت على مخالفه
قد تحرمك من المشاركه بمنتديات مكشات
أقرا شروط البيع والشراء
اذا تكرر منك اى مخالفه سيتم ايقاف عضويتك

[المقيرش]

السلام عليكم اخوي المعذرة انا شفت الصفحة الاولى للاعلان وغلطت عليك واكرر اسفي واسحب السومة وتراه غلط عرضي مايستاهل كل الانفعال يابو والرزق على الله ترا العذر مايعيب الرجال بسلمنا ولا عاد سلم غيري ابخص به والله يجزاك خير وبحفظ الله وجعله يجيب لك قيمة جديد والحمدلله اذا على قولك الرزقة اذا انا سببها ماتبيه الحمدلله موا قفة على احد الارزاق بيد الله ومشكور وماقصرت على الشكوى

[بواردي ضباء]

السلام عليكم اخوي المعذرة انا شفت الصفحة الاولى للاعلان وغلطت عليك واكرر اسفي واسحب السومة وتراه غلط عرضي مايستاهل كل الانفعال يابو والرزق على الله ترا العذر مايعيب الرجال بسلمنا ولا عاد سلم غيري ابخص به والله يجزاك خير وبحفظ الله وجعله يجيب لك قيمة جديد والحمدلله اذا على قولك الرزقة اذا انا سببها ماتبيه الحمدلله موا قفة على احد الارزاق بيد الله ومشكور وماقصرت على الشكوى


كفووو ومني انا تراك مسموح ولا يهون الربع.

[الكرينكوف]

كم ماشي الموتر ياليت توضح

وياليت صور الموتر من الداخل وصورة الديفلوك على وجه الخصوص

[abdurahman12]

الله يوفقك ويسر امرك يبوشجاع وعز الله انه موتر لومامعي جيب ان كان اخذتة يستاهل الموتر الله يرزقك على نيتك.

ابومهند

[فتك vtc]

ماشاء الله ياابو شجاع يستاهل الموتر والله يرزقك بالبيعه الطيبه

بخصوص السومه انا السومه 25000 الف ريال

[المعرقب]

موتر ابو شجااااع يسوى 35 الف
امس في معااارض النسيم مديل 93
وحاااالت الموتر وسط بيع 30000 الف
والله يرزق عبااااده
ولو لي نضر والله لفتح بابه بثلاثين
ويستااااهل

[ابو شجاع]

السلام عليكم اخوي المعذرة انا شفت الصفحة الاولى للاعلان وغلطت عليك واكرر اسفي واسحب السومة وتراه غلط عرضي مايستاهل كل الانفعال يابو والرزق على الله ترا العذر مايعيب الرجال بسلمنا ولا عاد سلم غيري ابخص به والله يجزاك خير وبحفظ الله وجعله يجيب لك قيمة جديد والحمدلله اذا على قولك الرزقة اذا انا سببها ماتبيه الحمدلله موا قفة على احد الارزاق بيد الله ومشكور وماقصرت على الشكوى

ياهلا ومرحبا بأخوى المقيرش: مايحتاج تعتذر وتراك تمون :D وتامر امر الله يجزاك خير

[ابو شجاع]

كفووو ومني انا تراك مسموح ولا يهون الربع.

لاهنت وبيض الله وجهك ماقصرت :good2:

[ابو شجاع]

كم ماشي الموتر ياليت توضح

وياليت صور الموتر من الداخل وصورة الديفلوك على وجه الخصوص

الموتر ماشي 400الف وكسور
الصور ابشربها بس اصبر بالغالي

[ابو شجاع]

الله يوفقك ويسر امرك يبوشجاع وعز الله انه موتر لومامعي جيب ان كان اخذتة يستاهل الموتر الله يرزقك على نيتك.

ابومهند

الله بجزاك خير ومشكور على مرورك

[ابو شجاع]

ماشاء الله ياابو شجاع يستاهل الموتر والله يرزقك بالبيعه الطيبه

بخصوص السومه انا السومه 25000 الف ريال

الله يجزاك خير
سومة طيبة من وجة اطيب

[ابو شجاع]

ماشاء الله ياابو شجاع يستاهل الموتر والله يرزقك بالبيعه الطيبه

بخصوص السومه انا السومه 25000 الف ريال


موتر ابو شجااااع يسوى 35 الف
امس في معااارض النسيم مديل 93
وحاااالت الموتر وسط بيع 30000 الف
والله يرزق عبااااده
ولو لي نضر والله لفتح بابه بثلاثين
ويستااااهل

الله يجزاك خييير
وعز الله انك صدقت كسر مواتر وتنباع بقيام الجديدة
بس تراى مانيب طماع :D يفرقون السومات ولانيب بعيد للي يستاهلونه

[ابو شجاع]

السلام عليكم ورحمة الله وبركاته:

السوم واقف على ابوحمد3 بـــ27 الف بعد فحص السيارة وتجربتها وينكم يا اهل الباترول

[ابو شجاع]

up up up up up
up up up up up up

[ابو شجاع]

للرفع..... للرفع
للرفع.... للرفع
للرفع..... للرفع

[SGL]

الله يرزقك البيعه الي ترضيك

[ابو حمد 3]

ابو شجاع وينك ماترد على جوالك

[ابو شجاع]

الله يرزقك البيعه الي ترضيك

الله يجزاك خير

[مشاغب السقالة]

الله يرزقك البيعة الطيبة

[خالد الفالح]

السلام عليكم اخوي المعذرة انا شفت الصفحة الاولى للاعلان وغلطت عليك واكرر اسفي واسحب السومة وتراه غلط عرضي مايستاهل كل الانفعال يابو والرزق على الله ترا العذر مايعيب الرجال بسلمنا ولا عاد سلم غيري ابخص به والله يجزاك خير وبحفظ الله وجعله يجيب لك قيمة جديد والحمدلله اذا على قولك الرزقة اذا انا سببها ماتبيه الحمدلله موا قفة على احد الارزاق بيد الله ومشكور وماقصرت على الشكوى

اسمح لي يالمقيرش تجاوزاتك في موقع حراج وبنفس المعرف وتكسير سلع الناس وغفلة المراقبين عنك هناك تحسبه تمش هنا .
هنا ونخوك سوم رجال وعرض ارجال واداره واعيه واللعب يابابا خله في حراج هناك وسبحان الله نفس صيغة اسالتك بس باقي تنسيم الهواء

[ذgggق]

^

تعرف خالد الفالح حق ارامكو <-- شطح


السومه طيبه والله يرزق الشاري والبايع

[القمة العالية]

الله يرزقك البيعه الطيبة

[ابو شجاع]

السلام عليكم ورحمة الله وبركاته:
اخوى/خالد الفالح الموظوع مايحتاج تعليق وانتهى مشكور على مرورك

[ابو شجاع]

^

تعرف خالد الفالح حق ارامكو <-- شطح


السومه طيبه والله يرزق الشاري والبايع

الله يجزاك خير

[ابو شجاع]

الله يرزقك البيعه الطيبة

مشكور على مرورك والله يجزاك خييير

[ابو شجاع]

الله يرزقك البيعة الطيبة

امين والله يجزاك خير

[ابو شجاع]

نقفل الموظوع ياشباب مافية شراي

[برق لاااح]

الله يرزقك بالبيعة الي ترضيك يابو شجاع

[سااااااكت]

انا اسوم 15 والله يوفقك ت 0551382054 وياليت توافيني باخر السومات لوزاد اولو بعت علي ع الرقم السابق لاني بعيد على النت

[رآعي شآص]

آنا اسوم 14500 وان كان لك نظر باللبدل ددسن 93

[رآعي شآص]

وهاذي الددسن:
http://www.haraj.com.sa/userfiles4/2010-04-30/10043021100846479459dreebnogw3.jpg

[كسول]

اسوم بمبلغ 15000 الف
بشرط المعاينة

[ابو نايف99]

الله يعينك يابو شجاع
على بعض السومات
والله يرزقك البيعه الطيبه

[الكرينكوف]

الاخوان في الاداره - الرجاء متابعة الموضوع

السيارة سيمت بـ 25الف وابو حمد 3 سامها بـ 27 الف

وبعدين صار السوم على تحت

سيمت بـ 15 من العضو ساكت وياليت لو انه كان ساكت وجاك الثاني راعي شاص مطفي النور ويقول بـ 14500
مين ينقص ياشباب

ياخوان عيب عيب

لايؤمن احدكم حتى يحب لاخيه مايحب لنفسه

[سوبر مكشات]

لاتبخسون السلعه يامسلمين




راعي الموضوع مكشات مليان شريطيه تبي تعرض شي اعرض اوقات الصيد الغفير

او اذا قرب الشتاء تبدا الناس تدور بالمواقع عن الجيوب

الحين محد يبي الجيوب

لابران ولامراقى ولاشي

لييه يدورون جيب


اصبر الين الشتاء الجاي يجيب لك سعر حلو خاصه ان الجيب متعوب عليه


ارسلي حدك عالخاص ورقم جوالك


اباحاول ادور لك زبون


لان شغل هالخيمه ماجازلي

[ابو شجاع]

الله يرزقك بالبيعة الي ترضيك يابو شجاع


الله يجزاك خير

[ابو شجاع]

انا اسوم 15 والله يوفقك ت 0551382054 وياليت توافيني باخر السومات لوزاد اولو بعت علي ع الرقم السابق لاني بعيد على النت


اذا انت محتاج السيارة تابع الموظوع زين
انا اقول اقفل الموظوع يعنى مانسبتنى السومات مع العلم ان السيارة واصله 27الف ريال سعودى

ولا بعت فهمت:mad:

[ابو شجاع]

آنا اسوم 14500 وان كان لك نظر باللبدل ددسن 93


راعى شاص انت قاري الموظوع قبل لا تسوم ولا ماقريته...........؟

وبعدين ماقلت ابي بدل

وتبيني ابدل باترول بددسن ولاهوب دفرنسين بعد

قيمة موترى تجيبلي 3 دداسن مثل ددسنك
ولاتزعل من الصراحه

[ابو شجاع]

اسوم بمبلغ 15000 الف
بشرط المعاينة

الضاهر من الكسل اللي فيك ماقريت الموظوع

سومتك اشتربها ددسن (راعى شاص)

[ابو شجاع]

الاخوان في الاداره - الرجاء متابعة الموضوع

السيارة سيمت بـ 25الف وابو حمد 3 سامها بـ 27 الف

وبعدين صار السوم على تحت

سيمت بـ 15 من العضو ساكت وياليت لو انه كان ساكت وجاك الثاني راعي شاص مطفي النور ويقول بـ 14500
مين ينقص ياشباب

ياخوان عيب عيب

لايؤمن احدكم حتى يحب لاخيه مايحب لنفسه

الله يجزاك عنى 1000 خير وماقصرت صحيح ناس غريبه او انها ماتقراء الموظوع كامل

[ابو شجاع]

لاتبخسون السلعه يامسلمين




راعي الموضوع مكشات مليان شريطيه تبي تعرض شي اعرض اوقات الصيد الغفير

او اذا قرب الشتاء تبدا الناس تدور بالمواقع عن الجيوب

الحين محد يبي الجيوب

لابران ولامراقى ولاشي

لييه يدورون جيب


اصبر الين الشتاء الجاي يجيب لك سعر حلو خاصه ان الجيب متعوب عليه


ارسلي حدك عالخاص ورقم جوالك


اباحاول ادور لك زبون


لان شغل هالخيمه ماجازلي



صدقت ياخوي وماقصرت وبيض الله وجهك

هذى رقمى لئي استفسار

[ابو شجاع]

سبحان الله وبحمدهـ

لااله الا الله

[ابو شجاع]

للرفع


ياأهل المكاشيت

[vxr99]

اخوي اسوم الموتر ب 18500 شرط الفحص

[الموج الخطير]

كم جاك السوم

[الهرم]

ههههههههه

ابو شجاع

يجيك من يهبلك

الله يرزقك البيعه اللي في بالك

[ابو شجاع]

اخوي اسوم الموتر ب 18500 شرط الفحص



لاتسوم الله يعافيك

السومة واقفة على27
ولابعت لاعاد تسوم

[ابو شجاع]

كم جاك السوم



تبيى السوم فى المنتدى ولا خارج المنتدى

[ابو شجاع]

ههههههههه

ابو شجاع

يجيك من يهبلك

الله يرزقك البيعه اللي في بالك


الله يجزاك خييييير

[المنتهي2000]

الله يرزقك من واسع فضلة

[vxr99]

لاتسوم الله يعافيك



السومة واقفة على27

ولابعت لاعاد تسوم


اولا هذي سومه من 6 اشهر وهي سومة تعليق وين اللي سام هالموتر
قبل 20 سنه بعت نفس موترك ب 40 الف فيبي لك تصبر عليه شوي بيجيب لك الاربعين
وعلى قولت المثل just keep going
ثانيا من انت عشان تقول لاعاد تسوم ترى من الادب انا تختار الالفاظ الحسنه

ومثل ما قلت لك هي مسالئة وقت ويجيب لك 40 الف بالراحه

[ابو شجاع]

السلام عليكم ورحمة الله وبركاته:


vxr99 اولا هذي سومه من 6 اشهر وهي سومة تعليق وين اللي سام هالموتر
قبل 20 سنه بعت نفس موترك ب 40 الف فيبي لك تصبر عليه شوي بيجيب لك الاربعين
وعلى قولت المثل just keep going
ثانيا من انت عشان تقول لاعاد تسوم ترى من الادب انا تختار الالفاظ الحسنه

ومثل ما قلت لك هي مسالئة وقت ويجيب لك 40 الف بالراحه

صحيح السومة لها فتره ولابعت لأنه ماعطى الموتر حقة والله يذكر ذيك 20سنه بالخير ليتها

ترجع كان بعتك 15 الف:D وارجع واعتذر لك

عموما انزل السوق وتعرف اسعار الباترول خصوصا المجهز والمضمون ولاابي 40 مانيب شريطي ابي حق الموتر

[عاشق ونيت]

اخوي سلام عليكم عندي جمس ونيت مصفّح 454 شد بلد موديل 1980 يسام مني بـ 34000
اذا لك بالبدل الموتر مشروط من الى ماشي 237 حق الديوان الملكي ؟؟؟


http://www.mekshat.com/vb/images/misc/progress.gif

[سليل الطيبين]

ماشاء الله تبارك الله
الله يرزقك البيعة الطيبة

[سوف لن انحاش]

اقول يارجال وش صار انباعت السياره والا لا

[ابو شجاع]

اقول يارجال وش صار انباعت السياره والا لا


موجوده ماانباعت

[أجود التميمي]

السلام عليكم
أخوي ابو شجاع هل الموتر موجود وكم حدك تراي صامل .

[سليل الطيبين]

نصيحتي لك يا ابو شجاع انك تحط سومة معينة لان في بعض الشريطية ما يرحمون احد
حط لك سومة معينة عشان ما احد يجي ويبخس الموتر حقة
انا من وجهة نضري والله الموتر يستاهل من 35 الى 40 لانك نادر ما تحصل موتر في هذا الموديل بهذي المواصفات والموتر مجهز تجهيز متعوب علية للبر
ما اقول الا الله يرزقك البعة الطيبة ويفكك ويانا من الشريطية

[ابو شجاع]

السلام عليكم
أخوي ابو شجاع هل الموتر موجود وكم حدك تراي صامل .



وعليكم السلام ورحمة الله وبركاته:


مالي حد وانا اخوك


واللي صامل يجي يشوف الموتر


واذا صار خارج الرياض يكلمنى

[ااالعتيبي]

اخوي السياره موجووده ولا
ممكن ترسل رقمك على الخاااص

[هولاكو1]

الله يرزقك بازبون الصامل



(http://www.mekshat.com/vb/newreply.php?do=newreply&p=5904559)

[Aقناص الجنوبA]

الله يرزقك

[راعي العشاير]

الله يرزقك البيعة الطيبة

[سااااااكت]

انا اسومه 16 الف والله يرزقك ياخوي

[2000005]

ا
السلام عليكم
اخويييييييييييييييي ساااكت ياليتك مثل اسمك..................ولا تسوم مثل هالسومة
ولا هي فتح باب للسيارة
استغفر ربك ولا تبخس السلعة

[ابو شجاع]

اخوي السياره موجووده ولا


ممكن ترسل رقمك على الخاااص


تم ارسال الرقم

[ابو شجاع]

الله يرزقك بازبون الصامل




(http://www.mekshat.com/vb/newreply.php?do=newreply&p=5904559)

الله يجزاك خير

[ابو شجاع]

الله يرزقك
الله يجزاك خير

[ابو شجاع]

الله يرزقك البيعة الطيبة



الله يجزاك خير

[ابو شجاع]

انا اسومه 16 الف والله يرزقك ياخوي

الله يكثر خيرك تسوم بــ16 قير ومكينة

ولا بدى وتكاميل الموتر......:D

[ابو شجاع]

اللي يبي يبدل معى يعرض موتره.......

[][الكاشت][]

لك رغبة بالبدل بربع 91 يشبه موترك مرررررة

[ابو شجاع]

[الكاشت][;6128040']لك رغبة بالبدل بربع 91 يشبه موترك مرررررة


اذكر مواصفاته

[راسم الكلمة]

إذا لك نظر بشيروكي سعودي موديل 2000 فل كامل وردة

[ابو شجاع]

إذا لك نظر بشيروكي سعودي موديل 2000 فل كامل وردة


مالى نظر على الشيرووكى الله يرزقك

[الطريماني]

حدك يخوي 0503987541

[ابو شجاع]

مالي حد يالطريمانى لو بحد الموتر كان حطيته باول الموضوع

تعال شف الموتر واحده عليك من وراء جهاز ماينفع

[راعي هياف]

اخوي تبادل بالاند كلوزر 99 اسود خليجي

[omar454]

الله يرزقك بالبيعة الطيبة

[سابح فضا]

السلام عليكم
اخوي ابو شجاع عندي فورد كراون فكتوريا 99 سعودي اللون بترولي (مرغوب)، بودي على الشرط و اذا لك رغبة بالبدل رد علي لو سمحت...
تحياتي لك ...

[ابو شجاع]

اخوي تبادل بالاند كلوزر 99 اسود خليجي

الفرق واجد بيني وبينك

[ابو شجاع]

الله يرزقك بالبيعة الطيبة


الله يجزاك خييير

[ابو شجاع]

السلام عليكم

اخوي ابو شجاع عندي فورد كراون فكتوريا 99 سعودي اللون بترولي (مرغوب)، بودي على الشرط و اذا لك رغبة بالبدل رد علي لو سمحت...

تحياتي لك ...


الله يرزقك السيدان مانيب حريص عليها

[abdulmo]

15000 الله يرزق 0559082080

[ABO-NaiF]

عندي باترول ربع 91 مجدد من الصدام للصدام يسام ب21 الف اذا لك رغبه ردلي خبر

[ابو شجاع]

15000 الله يرزق 0559082080


الضاهر انك ماقريت الموضوع كامل الله يصلحك واصل 28000ولا بعت

[ابو شجاع]

عندي باترول ربع 91 مجدد من الصدام للصدام يسام ب21 الف اذا لك رغبه ردلي خبر


هو اللى تدور له راس مكينه

[كاتلوني]

الله يرزقك

[ابو شجاع]

الله يرزقك


امين وياك وكل مسلم

[ابو شجاع]

للرفع
للرفع للرفع

[عآشق آلهدد]

ابو شجاع الجيب انباع والا لآ

واذا ما انباع ابي اقولك لك اذا لك بالبدل ياطويل العمر

ترى عندي كابرس 2006

[عاشق الفتك 20]

الله يرزقـــك با الزبوون الصامل,,.

[abdulmo]

14500 0559082080

[ابو شجاع]

ابو شجاع الجيب انباع والا لآ

واذا ما انباع ابي اقولك لك اذا لك بالبدل ياطويل العمر

ترى عندي كابرس 2006


لاولله ياخوى مالي فى الكابرس

[ابو شجاع]

الله يرزقـــك با الزبوون الصامل,,.


الله يجزاك خير ومشكور على مرورك ودعوتك لى

[ابو شجاع]

14500 0559082080



انا ابي اعرف انت تستهبل ولا ماتفهم اول سومة لك 15000 وعلمتك كم واصل السوم


هالحين جاى وتسوم 14500 انت فيك مشكلة
والمشرفين على الخيمة الضاهر من طاح رواقها وهم مايشوفون وش اللي صاير


كل واحد يدخل ويطلع بدون رقيب ولاغيره


اذا ماصار عندك الوقت يامشرف بمتابعة هذى الشاكله كلف غيرك


واعتذر عن الكلام هذا لأنى قريت اكثر من موضوع فية تناقضات ولافيه ضوابط
وبالخصوص فى عرضى هذا

[ابو شجاع]

للأدارة ارجو المتابعه

[ابو زنعاف]

كم موديله الغالي 90 او 95 يعني 28000 قيمة 90 الله اكبر على الي سام الموتر وعلاقك

[ابو شجاع]

كم موديله الغالي 90 او 95 يعني 28000 قيمة 90 الله اكبر على الي سام الموتر وعلاقك

وش تتكلم عنه..........

[T33]

الله يوسع صدرك زي ماوسعت صدري بتعليقاتك على بعض الردود

الله يسهل لك بيعته

[ابو شجاع]

الله يوسع صدرك زي ماوسعت صدري بتعليقاتك على بعض الردود

الله يسهل لك بيعته


الله يوسع صدرك بطاعة الرحمن والعافية:D

والله يجزاك خير

[أبن ثعلي]

الله يكتب لك التوفيق



الموتر ممتاز جداً ما شاء الله تبارك الله وتعديلاتك للأقتناء ماهو للبيع لاكن الله يكون في عونك


وييسر امرك لكل خير


للرفع ...

للرفع ...

[ابو شجاع]

الله يكتب لك التوفيق



الموتر ممتاز جداً ما شاء الله تبارك الله وتعديلاتك للأقتناء ماهو للبيع لاكن الله يكون في عونك


وييسر امرك لكل خير


للرفع ...

للرفع ...

بيض الله وجهك :good2: وعزالله انت اللى عارف للمواتر

رفع الله قدرك واجرك قولو امين

[YUKON_GMC]

بالتوفيق والله يرزقك بالزبون الصامل ..

بالنسبه للمشاركات المخالفه استخدم هذه الايقونه http://www.mekshat.com/vb/images/buttons/report.gif بنفس رد المخالف

[ابوسرى]

اخوي حده علي وارسلي بكم تبيه

0530233982

[ابو شجاع]

[QUOTE=safare2;6220809]بالتوفيق والله يرزقك بالزبون الصامل ..

بالنسبه للمشاركات المخالفه استخدم هذه الايقونه http://www.mekshat.com/vb/images/buttons/report.gif بنفس رد المخالف[/QUOTE

الله يجزاك خير مشكور على مرورك

[ابو شجاع]

اخوي حده علي وارسلي بكم تبيه

0530233982


هلا اخوى (ابوسرى)

وشلون احده وارسلك بكم ابيه

(الحد نفس اللي ابيه) افرق السومة باللي يناسبك اذا انت صامل

ورقمى تحصلة فى الموضوع ماعمر المحتاج دقو علية راعى الحاجة ينجز عمره:D

[كشوتي]

طلع الموسم يابو شجاع

انجز بع

الله يكتب الخير للبايع والشاري

[هماليل البرد]

الله يرزقك البيعة الطيبه

[ابو شجاع]

طلع الموسم يابو شجاع



انجز بع



الله يكتب الخير للبايع والشاري


الله يخليلي موترى :D وسم ومربعانية وربيع وايام النزل (الصيد) مكفى وموفى اللهم لك الحمد:good:

بس عندى موتر غيره قلت اعرضة اذا جاب القيمة حقته بعتة ولاشوفته وقعدتة ابرك لى
ويجي له لزوم الفزعات:eek:

[شكواي لله]

الله يرزقك البيعه اللي ترضيك وتطيب خاطرك ..

بعض السوامه ودك تغطسه بالكبليتر له نص ساعه وتطلعه يمكن يعرف يسوم :) ..


يستاهل الطيب وانت تستاهل , الله يرزقك ع قد نيتك

[ابو شجاع]

الله يرزقك البيعة الطيبه



الله يجزاك خير