تكفون الفزعه صوت الهواءفي الربع ازعجتني

[ثلبوتي]

يا شباب افزعوا لي صوت الهواء ازعجني في الجيب الربع التايوتا مع الزاوية اللي
فوق حقت الباب اللي يمين واللي يسار كلهن و فكرت احط قطن او سفنج بس نصوحني
بعض الشباب يقولون يوسع عليك الباب وتزيد المشكله ماتنقص قمت ومسكت الباب من تحت وخليت احد الشباب يشدها من فوق لداخل خفت ان الباب في طعج او شي لكن ما نفعت طريقتي
مع اني سحبته لدرجة ان خفت يطعج الباب ولكن ما فيه فائده

الحين ابغى نصايحكم يا شبااااااااب

[حبل الوريد]

وانا بعد نفس الطريقه

صرت انزل القزازه قدر ملي وخف الصوت بنسبه 60%

لكن ما راح

[ذيب زلفاوي]

فيه لزق باسفنج يحطونه حقين القزلز يمكن ينفعك

[جساس5]

شف ونا اخوك
فيه لي ابيض نحيف جداً يستخدم لنقل الماء للمكيف الصحراوي
اكيد انك عرفته
هذا طول الله عمرك على طاعته
دخله مع وسط الجلده السوداء حقت الباب بحيث يكون مبطن لها وان شاء الله انها وحده بوحده

[ثلبوتي]

سفير المذنب يعطيك العافية على مرورك وتوجيهك
لكن انا ابغى حل بفتك من الصوت لو فتحت القزاز يمكن يدخل هوا



........

اخوي ذيب طريقتك يقولون انها توسع الباب والضرر اكثر من النفع
محتار انا اسويها او لا

[ثلبوتي]

شف ونا اخوك

فيه لي ابيض نحيف جداً يستخدم لنقل الماء للمكيف الصحراوي
اكيد انك عرفته
هذا طول الله عمرك على طاعته

دخله مع وسط الجلده السوداء حقت الباب بحيث يكون مبطن لها وان شاء الله انها وحده بوحده


اي هذا اعرفه وبحصله متوفر على ما اعتقد
ونبي نشوف نصائح اخوانا الباقين اذا ما احد عطانا فكره جيده ومجربه
بسوي اللي انت قلت

ومشكور ورحم الله والديك على النصيحه

[طايش 06]

انا موجوده عندي المشكله
وأسوي مثل ما قال سفير المذنب ويخف الصوت عندي سواءً بالديره ولا ماسك خط انزل الدرشيه ملي ويخف واجد بس ما يروح
وبعدين ترى مهب جيب انفنتي تبيه ما يهرب :D
تراوه جيب شركات :p
وتقبل مروري

[رفيع المقآم]

يالغالي رح محلات الزينه وقلهم يعطونك اسفنج لونه اسود لا صق من جهه وحده بس بعشرين ريال 10 متر دوره واذا لقيته حطه على الجهه المقابله لربل الباب حق الوكاله يعني حطه الاسفنج ذا على بدي الموتر مقابل الربل وراح تدعيلي وانا اخوك كل المواتر اللي تنسم اسوي زي كذا وانساه ولله الحمد واذا ما عرفت الطريقه راسلني على الخاص ومايصير بخاطرك الا الطيب واللي يقولك يخرب ترى ما عنده سالفه

[آل زايد502]

منوتي شاص يقولون انها توسع الباب ومادري وش وواحد مركبها يقول ماتفدت منها اي شي

[رفيع المقآم]

يالغالي ما تسوي اي شي ابدا انت رح لمحلات الزينه واساله تخرب وشف وش يقولك يالربع والله ماتندمون

[تناهيت]

لي مكيف الصحراوي ما يضر ان شاء الله مجربه شخصيا على موترين ونتيجته فعاله .بس خذ النوعيه الساده الشفافه موب اللي في بطنه خيط

تحياتي

[ثلبوتي]

شباب ما اقول الا جزااااااكم الله خير ورحم الله والديكم عزالله انكم ماقصرتم
و رايح اجرب كل نصائحكم لو اخرب الجيب كله

[سوبر VTC]

ضع الربل هذا
على الباب على 3 جهات فقط من الاعلى
و ان شاء الله تنسى الهواء
تضع الربل اعلى الباب
و ليس على ربل الباب
ارجو ان الفكرة واضحة



http://www.mekshat.com/vb/../pix/upload/images39/mk14425_img_03488.jpg

[راكب الشفر]

حط اللي حق المكيف الصحراوي
راح ترتاج كثير وما يشوه لأنه بيكون داخل ربلة الموتر

[سوبر VTC]

انصحك بالاسفنج اللي فوق
اما لي المكيف فتراه متعب جدا
و ما انصحك به

طريقة تركيب لي المكيف الصحراوي (الكنديشة) على ربل السيارة لاجل تخفيف الهواء (http://www.mekshat.com/vb/showthread.php?t=147470)

[al-wa7eed]

شف ونا اخوك
فيه لي ابيض نحيف جداً يستخدم لنقل الماء للمكيف الصحراوي
اكيد انك عرفته
هذا طول الله عمرك على طاعته
دخله مع وسط الجلده السوداء حقت الباب بحيث يكون مبطن لها وان شاء الله انها وحده بوحده

كلام اخوي جساس صحيح انا مركبه ع موتري الربع والحمدلله له الان 3 سنوات
وانا ما اسمع اي صوت هواء ...

لكن الحين اسمع له صوت لازم اغير اللي واركب جديد ..

بس تراه افضل من الاسنفج .
اتكلم عن طريق تجربه وبالتوفيق

[ثلبوتي]

اشوف الشباب متفقين على لي المكيف لكن مشرفنا العزيز يخالفهم الراي
والله اني احترت زياده لكن عن اذنك يامشرفنا هههه تراني بخالفك وبجرب راي الشباب
هي خربانه خربانه يا انه تصلح والا الخراب هو الحين مزعجني ..

بيض الله وجيهكم يا شباب صراحة مقصرتم دعائي لكم بالتوفيق والسداد
وجزااااااااااااكم الله خير الجزاء

[ثلبوتي]

ركبنا الاسنفج ومافيه فائده .. واعتقد المشكله من المصنع

يعني لو تركب ساتر على زاوية التنده من فوق يمكن يضبط بس هذه

الطريقه ما هي مقبوله شكلياً

[رفيع المقآم]

مشكور اخي سوبر فتك على هالصوره هذا اللي انا اقصده ياخوان ويوضع مقابل ربل الباب حق الوكاله

[سوبر VTC]

نزل صورة لمكان الاسفنج
عشان ممكن نحكم
على المكان الصحيح المناسب لوضعه

[ابوصالح77]

مثل ما قال لك أخونا ( فتك)
حط على مجرى الباب في الغمارة تيب إسفنج (لازاق)
يوجد عن ساكو مقاسات مختلفة في العرض والضغط
وبيروح الصوت بإذن الله

[ثلبوتي]

نزل صورة لمكان الاسفنج
عشان ممكن نحكم
على المكان الصحيح المناسب لوضعه
اخوي انا اشتريت السفنج اللاصق ولصقته على المكان اللي تسكره عليه
جلبت الباب السودا وان اشاءالله اول ما اتفرغ اجيب الصور اعذروني خلال الاسبوع
هذ ا لان عندي اختبارات

[areeen]

السلام عليكم

يقول المثل اذا عرف السبب بطل العجب

الشحن والنقل من المصنع في اليابان أو غيرها الين هنا يؤثر على وزنية الأبواب في كثير من السيارات .

طيب وش الحل :

مرة كنت مسافر مع واحد نشيط وبعد 140 سمعنا وشيش متعود عليه أنا لكن هو لا

كنت أسوق وهو تسمع مصدر الوشيش من بابه وبابي ( السائق )

نزل قزازته وانا أمشي 140 كلها ثم فتح الباب شوي وحط رجليه الثنتين فوق تكاية الباب وتحت مكان نزول القزازة ويديه فوق الباب .

عكف الباب شوي ناحيته كأنه يجر الباب له

صك الباب ثم القزازه وتأكد من الوشيش كرر مع سماع الوشيش مرة ثانية وباب السائق نفس الشيء الين تم الأمر وبعدها ماسمعت للأبواب وشيش نهائيا الين بعت السيارة بعد كم سنة