ارجو من صيادين المنطقه الشرقيه الدخووول وخاصه اصحاب الطرادات

[سداح الاول]

صباحكم ومسائكم عسل

اممم ما ادري يمكن ما عندي اسلوب في فتح المواضيع بس بقول الي في خاطري

انا صراحه صاحب طراد وكنت انسق رحلات صيد الي حاب يصيد في الجبيل وكان عندي اغلب ارقام اصحاب الطرادات الي موجوده في الجبيل وكنت اذا مشغول او كان وقت طلب الزبون ما يناسبني ادق على بعض الصيادين وانسق معاهم عشان يطلع الزبون في الوقت الي هو يحب

اكثر اصحاب الطرادات اكيد عندهم وظايف واكيد بعضهم ما يناسبه الوقت الي يحدده الزبون

اوكي راح ادخل في الموضووع:

انا اقترح <<<< يا كثر اقتراحاتك انت ووجهك

اقترح ان اي شخص يملك طراد نزهه للاجار في رابطة الشرقيه ( الدمام + الخبر+ سيهات + القطيف ) وحاب انه نكون مجموعه متعاونه ارجو انه يراسلني على الخاص
لان بصراحه كان طرادي تحت الصيانه شهرين واعتذرت لاكثر من 15 شخص ولكن مع الاسف ما كان عندي رقم شخص عشان اعطيهم رقمه

على العموم

انا اسمي شريف وطرادي اسمه سداح الاول امريكي 19 قدم مكينه يماها 150 وجميع معدات السلامه والملاحه متوفره وانا حاليا طرادي في الدمام وراح يكون جاهز للرحلات من الاسبوع القادم

هذا رقمي للتواصل : 0532287778

[أبويوسف 2010]

الله يرزقك
بس ياليت تحط لنا صوره للطراد
واذا فيه امكانيه الاسعار توضع

[نمط]

بالتوفيق يا سداح
والله يعوضك بدل وقفتك لشهرين واكيد انها صلاح لك
خصوصاً مع الاجواء المتقلبة اللي حصلت

كم شخص يحمل طرادك ؟

وبكم بتحسب لنا الطلعة خصوصاً بعد هالرجعة يكون لنا سعر خاص بما ان حنا مكشاتية

وعلى نص الشهر ان شاء الله نطلع معك للشعري اذا ناسبنا السعر

[سداح الاول]

امممممممممممم يعني ضروري تحرجوني وتقولو حط اسعااار ههههههه

طيب اسمعوني انا كنت في الجبيل اطلع بــــ 800 ريال 6 ساعات لان كان الصيد وفير وكانت المسافه بعيده بين سكني في الخبر الى الجبيل اما الان بما ان الصيد في الدمام اقل من الجبيل والمسافه اقل راح تكون الاسعار كالتالي ويمكن اطمع بعدين خخخخخ

المهم الاسعار:

ايام الاسبووع 5 ساعات بـ 500 ريال يشمل فقط العده اما الطعم والوجبات والثلج مستعد اوفرها بس راح تتقسم على الموجودين وبما فيهم انا

وبما اني منافس لشركة الاتصالات السعوديه راح اعمل بدل 4 قيقه بـ 4 اريال راح اسويها 4 ساعات بـ 400 ريال

اما يوم الخميس والجمعه : فالصيد مفتوح لان ما عندي دوااااااام
يعني : 4 ساعات بـ 400
و5 ساعات 500 وهكذا يعني كل ساعه تزيد تزيد 100 ريال فقط والحسابه بتحسب



ملاحظه جدا جدا مهمه:

اعزائي المكشاتيه انا خبرتي في بحر الجبيل 5 سنوات ,,,,,, وتوني منتقل الى الدمام يعني ما عندي خبره في المناطق الي يتاكثر فيها الاسماك في الدمام بس الحمد لله الصيادين ما قصرو وعطوني كم احداثيه يعني انا اعتبر غشيم في منطقة الدمام بس عطوني كم اسبوع وراح اكون حوووات الدمام هههههههه عشان كذا اسعار الرحلات مخفضه ههههههه يعني بجرب فيكم الاماكن كلها واهم شي الوناسه

اففف تعبت وانا اكتب بروح اشرب شاي وبرجع اكمل ههه<<< تكفا لا تكمل كل شي واضح

[مشاغب السقالة]

الله يجزاك الخير
ماقصرت
واسعارك كتير مناسبة

[hannhonn]

عرضك ممتاز ياصاح
بارك الله لك فى طرادك ورزقك الخير
نحسبك كذلك ولا نزكي على الله أحد

[SNIPER07]

الله يرزقك و زيدك من فضله

تحياتي

[accentkool]

عروضك مغرية ودي تجرب فيني ههههههههههههههه (((يحب التجارب)))
واذا ماصدت ترجع لي نصف المبلغ (((الاخ يتشرط))
امزح معك يا اخوي اسعارك فلة وودي اطلع معك بس الهوى ضدي

[سداح الاول]

يعطيكم العافيه على ردودكم الحلوه

[NZ Diver]

بالتوفيق ياسداح الاول...الله يرزقك من واسع فضله

[أبويوسف 2010]

ياسداح الاول ياريت تحط لنا صوره للطراد اذا امكن

والاسعار حلووه ومناسبه

[حياتي البحر]

الله يبارك فيك وياليتني من الشرقية حتى اطلع معاك والله انك ذيب وما قصرت ياغالي