غثني الموتر بالتقطيع

[ملهوي]

السلام عليكم ورحمة الله وبركاته
يأخوان الي عنده حل لايبخل علينا
لاند كلروزر gxr2005 قير تماتيك ابلشني بالتقطيع وخاصه أول ما أحرك
مع العلم أني ماكملت سنه مغير بواجي ومصفي بنزين ومشيك تشييك كامل على الموتر

[VIP-503]

اخوي شف فيه منضف موجود عند شركة موستوبشي الوكاله رح لمهم وقل ابي منضف بخاخات ويعطونك المنضف بثلاثين ريال المهم انه حطة بالتانكي وعب 95 واجلد الموتر خط وشف باذن الله يضبط

[((( الحر)))]

هلا وغلا باخوي ملهوي

نفس الموتر ونفس الموديل ونفس المشكله ... تقطيع وخاصة اذا كان بال D وواقف عند اشاره.

المشكله لها سنه وشريت منظف بخاخات يصب في التانكي ...

راح اجربه هاليومين اواعلمك بالنتايج

اذا حصلت حل للمشكله لاتخلينا من العلوم الزينه

حفظك الله

[سوبر VTC]

عليكم السلام
كد صارت المشكلة لجيب هدد م2002
و صارت المشكلة من حساس اللهاة
تي بي اس سعره ب180ريال
و قد تكون المشكلة من منظم الهواء
تاكد من ضغط طرمبة البنزين


حساس ال تي بي اس
يدور مع نفس دوران اللهاة
يعطي معلومة الى الكمبيوتر
عشان يعشق القير التماتيك من نمرة الى نمرة اعلى
بواسطته يعطي الكمبيوتر امر الى البخاخات
لو كان الحساس خربان
يبدا الموتر يكتم و يقطع



http://www.mekshat.com/pix/upload04/images162/mk53291_t879789876.jpg



افصل اسلاك الكويلات على التسلسل
و المكينه تشتغل
افصل و اشبك
اذا اهتزت المكينه بشكل قوي فالكويل تمام
اذا الاهتزاز ضعيف فعندك خراب كويل يهرب كهرب
تاكد من حساس اللهاة تي بي اس راكب على نفس اللهاة
الاحتمال الاكبر من منظم الهواء خربان و يعطمي معلومه خاطئة
لانه يقيس كيمه الهواء الداخلة و بموجبها تبخ البخاخات بنزين
من اجل الاحتراق
تاكد من لي طرمبه البنزين لي الدفع بنفس التانكي
اخبر موتر مابه عزم اطلاقا
طلعت المشكله من لي الدفع بنفس التانكي مشنق يهرب
يهرب بنفس التانكي


مشكلة في gx.r ....>>>>>> - منتديات مكشات (http://www.mekshat.com/vb/showthread.php?t=261001)


الفزعه ياهل الشيصان - منتديات مكشات (http://www.mekshat.com/vb/showthread.php?t=228088)


ما هي وظيفة حساس ال Tps وحساس ال Idle بالسياره ؟ - منتديات مكشات (http://www.mekshat.com/vb/showthread.php?t=292836)


تقطيع لم اجد له حلا ارجوا الافاده؟؟ - منتديات مكشات (http://www.mekshat.com/vb/showthread.php?t=254169)

[الخالدي 9]

اخوي اسلاك البواجي صارت معي في سيارتي وغيرتها وكلش تمام

[ملهوي]

الله يبيض وجيهكم جميع


بالنسبه لمنضف البخاخات حطيته وعبيت بنزين 95 ومشيت 500كيلو تقريبا أبنص واحد ومافيه فايده نهائياً


بالنسبه للمصفي والبواجي ماأبطيت مغيرهن وكاله وأسلاك البواجي شد بلاده وممتازات مايحتاجن تغيير


لكن حصل معي مرتين أوثلاث يكتم ويطلع صوت من قربة الهوا

[اسهيل]

اخوي تاكد من ليات البخاخ ليصير فيها تهريب وخاصه الي الكبير الي يروح للفلتر

[أبو حرب 111]

انا قد صارت معي غيرت بواجي واسلاك بواجي وسلك الموتر معي
مع العلم انه كان يقطع ويطلع صوت من القربه حقت الهوا

[هوايتي مكشات]

ياجماعه احيانا اسلااك البواجي تكون ضعيفه

[ملهوي]

وديناه لأهل الخبره والإختصاص وقالوعندك البواجي تعبانه أنت مجنون لك حول سنه ماغيرت البواجي والمصفي وماإلى ذلك , قلت على الهحال يبيلنا نشري بالجمله ولاكل سنه نشري موتر ونبيع الأول على أهل الحديدعلى العموم غيرنا


وماشاء الله تحسن الوضع إلى 80% تقريباً


لكن مغطنا المبروك أكثر من1300كيلو ورجع على نفس وضعه السابق


والآن أكيد فيه مشكله بالموترهي سبب خراب البواجي عالماً اني مالاحضت في البواجي القديمه إلا صفاربسيط في أسفل الجزء الأبيض من البوجي


لاتخلونا ياجماعه من النصيحه لأننا دجينا من التجارب

[بدون لوحات]

غير اسلاك البواجى

[راعي النياسين]

ياشين الاندكروزر وغثاه

اذا خرب خرب

الله يعينك يالغالي وييسر امورك

[ملهوي]

كان معي سفاري ماتصخيبه يمناك ليسراك ولاتهديه ولاتبيعه , وجا تقطيع قوي مره
مرينابه على الأجوادأهل الورش نبي علاج للمشكله وكل من مريناه اخترعله عله جديده ولافيه فايده
لين زهدنابه وبعناه بثمن بخس
وصارت مشكلته تافهه ,شوي زيت يطلع على اثنين من البواجي وكل ماغيرو الخبراء البواجي سلك فتره بسيطه ثم رجع له التقطيع , حل هالمشكله تغيير وجه رأس المكينه
غيره راعيه وزان الموتر الله يباركله فيه


المشلكه ماهيب بنوعية السياره المشكله بالي يعتبر نفسه خبير وتتنتهي مسؤليته إذا حط الدراهم بمخباته , لويقول أنا ماأعرف وش مشكلة سيارتك أحسن من أنه يقعد يتخبط ويعدل ويبدل ويدرب عماله على حسابك وان مااستفدت شي