اخواني القائمين على مكشات والنداء موجة لكل واحد يكتب في مكشات وخصوصا ابو عمر

[ممدوح المسمار]

اخواني القائمين على مكشات والنداء موجة لكل واحد يكتب في مكشات وخصوصا ابو عمر

اريد كيف اتعلم على الاحول الجوية وشلون تعرف ان بمشيئة الله تعالى ستمطر على مثلا جنوب المدينة الفلانية او سيكون هناك موجة غبار

اريد صور متحركة ابي تفصيل ممل وخصوصا على مدينتي الغالية حائل وما جاورها لاني والله متعطش لفهمها

ــــــــــــــــ (ـ اسمعوا سالفتي الحزينة) ــــــ

كنت الاسبوع الماضي جنوب حائل عند الاهل وجاء اتصال من زميلي الغالي ابو عمر لاحد الشباب انه سيكون هناك حالة عدم الاستقرار على جنوب حائل وان احط الموضوع براسي يوم تغديت وانا اقوم انقل كمرتي ( ادودله ) وكل سحابة اطرده وانطحة مسوي فيها ابو عمر و كل ما اوصل لسحابة ياهي غبار يطيرك .

ورجعة للبيت دون تقرير ومن ذلك اليوم وانا ما ارتحت الين اعرف كيفيت التعامل معها .

[H M O D]

ههههههههههههههه

[مخروع]

في ذمتي أنك حزنتني بسالفتك :d

أشتي اساعدك لكن مابليد حيلة :d

كلنا بالهوى سوا

[ممدوح المسمار]

في ذمتي أنك حزنتني بسالفتك :d




أشتي اساعدك لكن مابليد حيلة :d



كلنا بالهوى سوا

هذي حول سالفة ابيك يا عبدالمعين تعين لقيتك يا عبدالمعين تعان

لكن كلي امل بالاخوان ما اظنهم يخلونا عقب سالفتي الحزينة

[Ra3e aljeep]

اجل انا احسن منك شوي بس ما ابعت :D
كل ما شفت خيال في السماء اطمر على الموتر وافلل البنزين
خذ يا مشاوير بس الحمد لله احصل عراميش :D
واصيد كم سحابه وكم برق وكم مطر وسيل واصور ويالله من فضلك
وارجع لمكشات مبسوط .. ويافرحه ماتمت
اجي احمل الصور واكتب التقرير بس للاسف ما اقدر
لاموقع مكشات للتحميل ولا غيره يفلح معي :( :(
يعني على قولت المثل ( كنك يا ابو زيد ما غزيت ) :D
تقبل مروري

[مخروع]

أشوفكم قلبتوها حكم :D
الاول عبدالمعين والثاني ابو زيد خخخخخخخخخخ

تدرون خلوني اكملها ( كل حركة فيها بركة ) :D

دور بقوقل اشلون تقرى الخرائط القطس يكن تمشي معك

[ثلبوتي]

اخوي انا من اكثر المتابعين لمواقع الطقس وتعلمت من المنتديات والخبراء والا اول ما اعرف عنها شي وكنت مرتبط بالمنتدى الا اسئلهم عن التوقعات ام الآن ولله الحمد صرت اخدم نفسي بنفسي ولا ادخل لمعرفت التوقعات ادخل فقط شوف تقارير الشباب عن الامطار ..

بالنسبه انك تبي تعرف مواقع اللي تهطل فيها الامطار عشان ماتخسر الرحله صدقني هذه

صعبه لأنه من الصعب يقولك ان الديره الفلانيه يبي يجيها مطر لكن هناك تحديد وتراه ماهو دقيق مره يمكن المطر يصير جنوب المنطقة المحدده او شمالها لكن مايكون بعيد
يعني لو قلت لك في احتمالية غدا امطار على مدينة الروضه جنوب حائل ماهو شرط ان تسيل مدينة الروضه لكن بقدرة الله يمكن يصير جنوبها شمالها ولا يصير بعيد عنها يعني اذا صرت حول الروضه تبي تستمتع في مناظر السحب الممطره وانت وشطارتك وعرفك لسحب بأمكانك تحدد اجمل سحابه وتنطلق لها وان شاءالله تطلع في صور حلوه هذا حسب علمي المتواضع جدا عن التوقعات وتحديد الامطار بالنسبه للخميس والجمعه القادم انصحك يا راعي حائل تبقى في حائل او تصير حول الغزالة اهم شي خلك في حائل وجنوب وشرق جنوب

[مرفــأ]

بإذن الله بالمتابعة المستمرة للمنتدى والتعلم من الطرح المقدم من مشرفنا ابو عمر ومن خبراء المنتدى ستتكون لديك الخبرة الكافية

وعليه يقفل الموضوع