جاكم السيل من دون توقعات

[راعي الحزم]

الله واعلم ان الشباب اللي كاشتين بالصمان ان عليهم او حولهم امطار غزيرة من سحب صغيرة الحجم

الان السحاب ينشي على طريق الرياض القصيم وينحدر شرق يبرق ويرعد ويمكن المجمعة وماحولها
الله اعلم ان عليهم مطر وياليت اللي بحريملا او المجمعة او تمير يوافوننا بالأخبار السارة

الحالة الجوية عندنا بالرس نشو متوسط ورشت جنوب الساعة السابعة صباحا ونسمع برق بالرادو شرق

[عبدالرحمن العمر]

السلام عليكم ورحمة الله وبركاته

حياك الله اخوي راعي الحزم .....

ابشر بالخير الان بالغاط الساعه(11) صباحا عندنا الجو مغيم من اللليل وهي ترش وفيه بعض الشعبان جاها سحاب ومشت لكن مشيها ضعيف الساعه (8) اليوم..

وابشر بالخير انشاء الله .....


تحياتي،،،،،،،،،،،،،،،،،،،

[خالد العوض]

مشكورين والله يجزاكم خير على ها البشائر وانت يارعي الحزم لاتقطع عن تري امبسط اذ قريت لك مقال
http://www.uparab.com/Images/1111135550-1752963004.jpg
صورة السماء في الريا ض يوم الجمعة الساعة 1 ظهراً و فيه سحابة شمال
http://www.uparab.com/Images/1111139765-1800625515.jpg

[أبــوريـــان]

مشكور اخي راعي الحزم
وهاذي صورتين للجو في بريدة الساعة3:00والغيم صاك
والخير جاي انشاء الله
http://www.mekshat.com/pix/upload/images7/mk11673_e34535.jpg


http://www.mekshat.com/pix/upload/images7/mk11673_3e46.jpg


تحياتي ابوريان

[النسري]

قبل الظهر يوم الجمعة مرت سحابه بين ام سدره وام حزم وكان مطره غزير والعهده على احد الاخوة جاي من الرياض لهذا اليوم

[راعي الحزم]

الان الساعة اربع العصر بدأت البروق بالرادو قريبة والسحاب اللي شمال بصور الاقمار ماحد جاب لنا علم منه هو مزن والا سحب عالية

[بن عبدان]

الله يجيب الخير الي مابه شر
مشكورين على المجهود الطيب
اذا فية طاري طلعه علمونا؟؟؟؟؟؟؟

[برقاوي]

يا اخ خالد العوض لو تكرمت ابي الموقع اللي تاخذ منه الصور هذي والله يجزاك خير

[خالد العوض]

بفلوس تدفع

[راعي رامه]

الأخ خالد العوض السلام عليكم ورحمة الله وبركاته أمل منك التكرم في وضع الموقع أو الرابط لصورة السابق التي تبين السحب على الكرة الأرضية مع جزيل الشكر والتقدير

[برقاوي]

لا لو تكرمت يعني
(والله يا الرجال اقشر:D :D)

[فتى المشقر]

السلام عليكم ...
أهلا يا راعي الحزم....
أنا أكلمك من المجمعة جانا مطر قوي جداً الساعة 3.30فجراً اليوم الجمعة
أستمرت حوالي 10دقائق أو أكثر
اللهم صيباً نافعا

[راعي الحزم]

ماشاء الله تبارك الله اللهم انفع به البلاد والعباد
جاني خبر من الدوادمي يفيد بسقوط امطار جنوب الديرة الشعاب مشت هناك

[السفاري]

كنت بالمنطقة اللي بين عريرة وحنيذ من مساء الاربعاء وحتى ظهر الجمعة مشاء الله جانا مطر من يوم وصلنا حتى ظهر الخميس والمطر متوسط سحب متفرقة كل شوي تجي سحابة ترعد وتبرق وتروح سحابة وتوقف المطرحتى فجر الجمعة وجانا مع صلاة الجمعة مطر غزير مشت المشاعيب الصغيرات اللي حول الخط قبل حنيذ بعشرين كيلو

[abo_nasir]

الساعه 8,25 دقيقه مساء يوم الجمعه سقوط امطار متوسطه وبرق ورعد على طريق الرياض القصيم جنوب المجمعه بحوالي خمسين كيلو ..

[خالد العوض]

قصدك عريعره . طيب ممتاز الارض هناك فيه ربيع عجيب والله ينفع به العباد
الحقيقة انا اسأل عن نفس المنطقة ودي اعرف اخبار الامطار والحمدالله انت جبت الخبر
والله يعطيك العافية و (دربك خضر) قل امين