حبيت أستشيركم في جيب Fxr قبل مااشتريه [الأرشيف]

!! أبوتركي !!

11/05/2010, 12:49 PM

كيفكم يالغالين

حبيت أسئلكم يااهل الخبره

ليوم عرض لي جيب FXR ... 2002

فل كامل .. خلفية لكزس .. ونــش .. اللون أبيض .. ماشي 75000 الف فقط .. هدروليك ( بالعربي مخزن )

اعرف الشخص نفسه حتى في المطر مايطلع به :D كبير في السن .

يقول بأنه مسيوم منه بـــ113000 الف ريال ... والله يجزاكم خير

النفيظ

11/05/2010, 12:52 PM

تأكد هو تانكي ولا تانكيين يالغالي
لان 2002 يجي منه تانكي

بس احس انه غالي شوي
السعر هذا يجيب لك 2004

ولك تحياتي

السنع كله

11/05/2010, 12:54 PM

اشوفه غال جدا حتى لو مامشى الا اقل انا شايف موديل 2006بميه وعشرين ونظيف
المهم لا تستعجل

علي1221

11/05/2010, 12:55 PM

الله يوفقك بس نصيحه ابتعد من الموتر الي فيه الهايدرولك

ابوعبدالله 22

11/05/2010, 12:57 PM

الظاهر قصدك Vxr .. على العموم الموتر مايحتاج كلام ولو ان سعره غالي شوي

اذا انت بتستخدم فتوكل على الله .. اما اذا انت بياع بعد سنه وسنتين فترى الموتر بيطيح منه واجد .. وسلامتك

!! أبوتركي !!

11/05/2010, 01:04 PM

الله يجزاكم بالجنه ياسرعكم ههههههه الله يوفقكم

( تو اتصلت عليه يقول .. تانكيين 2 )

وانا بشتري وماراح ابيع ان شاء الله ...

محمد506

11/05/2010, 01:05 PM

اشتر وتوكل على لله

مع انه غالي شوي بس ما عليه مخزن توكل على الله

انا توني بايع 2003
فكس ار ماشي 220000
ب 100000 االف ريال

اشتر يارجال

!! أبوتركي !!

11/05/2010, 01:06 PM

يقول اللي سايمه مني جايني يشوفه في البيت وماوديته المعرض .

وش رايكم يالغالين ؟

والله كان بودي 2006 بس بكم بيكون سعره نفس المواصفات ؟

!! أبوتركي !!

11/05/2010, 01:07 PM

محمد 506

يعني عادي يفرق 20000 الف ريال ؟

لأني اتوقع بيبيعه بها السعر ؟

النفيظ

11/05/2010, 01:13 PM

والله كان عندك عادي الموديل
ون كان ودك في ارفع شوي راح تحصل 2004 بإذن الله

واهم شي الاستخاره

ابوعدي

11/05/2010, 01:24 PM

اولاً لا تنسى الأستخارة
وبعدين سعره غالي بالحيل
حاول لا تستعجل دور واتعب وتبي تلقا موديل اجد من2002 حيث انك وصلت مبلغ فوق الميه تبي تلقا وانت مرتاح وعلى قولة الشيبان اشتر موديل .....يعني انا شباب:D
وشف رد النفيظ :good: ولا يهونون البقية
وموفق خير
ترى وجهة نظر وانت طلبت الراي

!! أبوتركي !!

11/05/2010, 01:28 PM

ماقصرتم الله يجزاكم بالجنه ..

تتوقعون الاقي نفس المواصفات 2004 بنفس السعر ولو انه ماشي أكثر عادي ؟

الشقردي

11/05/2010, 02:24 PM

ابو تركي

الموتر انت تقول أعرف راعيه, واذا مافيه صدوم, وباسم راعيه وكاله فالموتر على كذا بيكون أنظف من موديلات أجد لأنك نادر تلقى نفس الفرصة يعني 2004 بنفس هالظروف
والنظيف ما يحكمه الموديل وانت رجال بتستخدم
صح انه غالي بس مقابل راحة البال
وشف متى مسيوم هالسومة من زمان ولاقريب عشان تحاول تفاوضه
وفي الأخير اذا بيبيع بهالسومة
افحص واستخر وتوكل على الله.

موفقين

جيب شراع

11/05/2010, 02:42 PM

خذه منه ونزله المعارض وشف كم يسوى ؟

لاني اشوف السعر مبالغ فيه شوي

قدامي البرواز

11/05/2010, 06:31 PM

ابو تركي الله يمسيك بالخير
من جدك بتدفع ها المبلغ بقيمة سيارة مضى على موديلها ما مضى يا خي والله لو هي ماشيه اربعه ك ما اشتريها بها المبلغ

الحين بعد نكبة اليورو بس لو تستمر قليل فقط وانخفاض سعره راح تنزل قيمة السيارات الالمانيه من اصغر فئة الى اكبر فئة , وبتنزل معها كل الكديش الياباني والامريكي وبتأثر على السوق ((سوق المستعمل )) وان ما اثرت على سوقنا اسوقنا المجاورة راح تتفاعل مع النزول لذا لا تستعجل
والله من وراء القصد

ابو سعد التميمي

11/05/2010, 07:16 PM

غاااااااااااااااالي ياابو تركي حتى لو انه ماشي 75 الف تراه 2002

بقيمته بتلقى لك 2004 نظيــــــــــف او 2005

هــبــص

11/05/2010, 08:43 PM

السلام عليكم
ابو تركي المووتر .. تقل غاالي شوووي ..
لاكن انت استخر ووشااور..

(( انا ابنصحك لا شريته .. لاتعلم احد بمشتراااك... لان فيه ناااس يحسووفون .. وبعدها بتكره المووتر ))

عسجد1

11/05/2010, 09:03 PM

ابو تركي حبيت انبهك لشغله

ترا 2002 ...................... يختلف عن 2003 و2004 و5 و6و7

الديكور والجنوط والأنوار والشبك والتخشيب

فحبيت انبهك قلت يمكن ماعندك خبر

وقبل اسبوع واح من الشباب اخذ 2005 رقم 2 بدون ونش ب120 ...............ماشي 120000

استخر والله يكتب اللي فيه الخير لك

علي عليوه

11/05/2010, 09:42 PM

ذيب الريان

11/05/2010, 10:36 PM

الله يسلمك ترا طول الوقفه ياثر على جلد البلوف لو ان الموتر مخزن ومامشى انتبه من مكينته تاكد وبالله التوفيق .....

فيصل الذيب

11/05/2010, 11:30 PM

ولله انا اشوف ان سعره مبالغ فيه لانه 2002 يعني الديكور القديم والشكل مثل ال98 الا الخطوط فقط يعني انا اتوقع ما يتعد الميه مره مره 113 تجيبلك 2003 او او2004 نظيف ماشي في بحر الميه على ما اظن انت الحين في 2010يعين له 8 سنوات تزيد 60 الف وتاخذ 2010 ثمانيه سرندر بعد وكاله

!! أبوتركي !!

12/05/2010, 01:21 AM

مشكورين يالغالين .. وجزاكم الله خير .. ماقصرتم والله .. وابشركم صرفت النظر عنه ..

بحاول اني احصل على 2007 GxR فل كامل .. تتوقعون بكم الاقي سعر ؟

ابوعبدالله 22

12/05/2010, 02:15 AM

ابو تركي .. فيه جي اكس ار 2005 ذهبي فل كامل ماعدا دفلوك ماشي 225 الف.. الموتر نظيف ولا طقه شاكوش والموتر قريب .. والرجال حاده 105 الاف .. ان كان لك رغبه انك تشوفه راسلني عالخاص .. وبالتوفيق

!! أبوتركي !!

12/05/2010, 04:34 AM

اهم شي اللون عندي يالغالي .. ابيه ابيض .. ماقصرت يالغالي ..

الشقردي

12/05/2010, 09:07 AM

ابو تركي

ترى الفرق شاسع بين الفكسار والجكسار!!

انت حدد بالضبط وش تبي

اذا انك استخرت عن هذاك الموتر دور لك 2005 فكسار على حسب ميزانيتك

وبالتوفيق.

حمايهن

12/05/2010, 10:30 AM

الله يكتب لك الي فيه الخير

رحال99

12/05/2010, 10:44 AM

والله أنكم سنافيه بهالردود:good: :good: :good: والمشاركة الفعالة مع أبو تركي :) :) :)

!! أبوتركي !!

12/05/2010, 12:02 PM

رحال 99 .. صدقت والله الشباب ماقصروا الله يجزاهم خير . وساعدوني والله . واذا كنت بشتري اي سياره بأستشيرهم فيها .

الشقردي : لا ابشرك ان شاء الله اني رسيت على ( جكس آر ) بريمي .. اللون أبيض .. فتحه وقير توماتيك أهم شي .

لأن 2006 يختلف عن 2005 .. وماقصرت يالغالي . وبيض الله وجهك

SRAAAB

12/05/2010, 02:07 PM

السلام عليكم
حبيت اشارك معكم
شف أخوي الممشى يغري الصراحة بس بتلقى موديل 2004- 2005
بنفس السعر حتى لو ماشي أكثر الموديل له دور
أنا لاقي والله قبل فترة موديل 2001 أبيض فل نضيف الموتر مسيوم 78.000 ويقول قريب حسب مكالمتي له
لكن إذا كان معجبك فتوكل علىالله ما أغلاه إلا عشان ممشاة
وهذا حسب علمي
والله يرزقك اللي مثله وأحسن منه
وان شاء الله الاخوان مو مقصرين معك

المزيدي4

12/05/2010, 06:25 PM

أنا أنصحك تاخذ Vxr ت2006 تراه أفضل من الـ Gxr
أريح وأكثر مواصفات وأكشخ و أخف صوت وأكثر قيمة عند البيع

HAS5SAN

12/05/2010, 07:39 PM

ياشيخ هذا يعتبر جديد
وهذا سعره المنصف وانت بنفسك روح للمعارض واحكم
اقول دام هذى نظافته وهذا راعيه استخر الله وتوكل عليه
وخذه