وزن الاذرعة والمقصات الصح بلا عضيب بلا خرابيط

[prof2]

السلام عليكم
المهم نخش في السالفة:
رحت للعضيب ووزنت عندهم الاذرعة والمقصات وجربو السيارة وطلعت معاهم والي بان لي شغلهم ممتاز وهوكذلك لكن وبعد فترة احس الموتر كأن فيه حذفة خفيفة يالله تميزها
مريت بعد فترة الصناعية القديمة وكنت متجه لقطع غيار باقادر ابي قطع منه
لمحت ورشه مقابل باقادر وانت متجه شرق المحل الاول على يسارك لان فيه محلين لباقادر الاول على يسارك والثاني على يمينك المهم لقيت ورشه فيها ميزان الكتروني سألتهم لقيت شغال عليه باكستاني اسمه محمد قالي جرب وشوف قام ركب اجهزة على الكفرات وطلع موديل السيارة ونوعها على الكمبيتور ووراني
ظهرت بلاوي عندي قام ووزنها على الكمبيوتر وزن بالملي وبدون ما يجرب السيارة كل شي واضح حسب معطيات المصنع للسيارة يعني وزن ماهو بالنظر والا بالمتر شي رهيب و150 ريال
صراحة الحين موتري ماشاء الله هذا الشغل والا بلاش والله ما ماهو القصد دعاية للورشة ولكن علشان ما تخسر على الفاضي ويكون شغلك على نفس برمجة الوكالة
وشكرا

[عا سبيل بر]

وعليكم السلام ورحمة الله وبركاته

أخوي / prof2

الله يعطيك العافية ويجزاك الخير


ممكن رقم الباكستاني أو وصف للورشة من عند الأشارة إلي عند السالم للزجاج ( الله لا يهينك )

[خيال النفود]

السلام عليكم
المهم نخش في السالفة:
رحت للعضيب ووزنت عندهم الاذرعة والمقصات وجربو السيارة وطلعت معاهم والي بان لي شغلهم ممتاز وهوكذلك لكن وبعد فترة احس الموتر كأن فيه حذفة خفيفة يالله تميزها
مريت بعد فترة الصناعية القديمة وكنت متجه لقطع غيار باقادر ابي قطع منه
لمحت ورشه مقابل باقادر وانت متجه شرق المحل الاول على يسارك لان فيه محلين لباقادر الاول على يسارك والثاني على يمينك المهم لقيت ورشه فيها ميزان الكتروني سألتهم لقيت شغال عليه باكستاني اسمه محمد قالي جرب وشوف قام ركب اجهزة على الكفرات وطلع موديل السيارة ونوعها على الكمبيتور ووراني
ظهرت بلاوي عندي قام ووزنها على الكمبيوتر وزن بالملي وبدون ما يجرب السيارة كل شي واضح حسب معطيات المصنع للسيارة يعني وزن ماهو بالنظر والا بالمتر شي رهيب و150 ريال
صراحة الحين موتري ماشاء الله هذا الشغل والا بلاش والله ما ماهو القصد دعاية للورشة ولكن علشان ما تخسر على الفاضي ويكون شغلك على نفس برمجة الوكالة
وشكرا

الله يهنيك ياذيب وانا مثلك العضيب معطينه اكبر من حجمه وشغلهم من تالي صاير خرابيط
تكفى ياذيب دلنا على محله بالتفصيل ورقم البااكستاني واسم الورشه
انا موتري جي اكس ار رافعه باياي استرالي وسويت له وزن عند العضيب بس احسه فيه طقطه وفيه حذفه بعد
تكفى اسعفنا ياذيب

[العبله]

ياليت لو تكرمت توصف موقعه من مخرج 17 من الدايري الشرقي.
ولك وافر الشكر

[حزوبر]

السلام عليكم
الله يجاك خير ، ويبارك لك في حلالك، والله انك إبن حلال، واجودي ، لأنك ببساطه تحب لأخوانك الخير، جعله في ميزان حسناتك
أخي أنا لاحظت سيارتي سوبر بان فيه حذفه بسيطه على اليمين
ودي توصف لنا هالباكستاني وصف دقيق
ياليت ترسم كروكي لورشته خلينا نروح له
لأنك لو تعطينا رقم تلفونه يمكن يرفع سعره، ويصير يطق للعضيب بإصبع:D
نبي منك وصف مكشاتي، أو إحداثيات ورشته
تكفى:good2:

[ظل الماء]

قد سويت وزن لسيارة لي وقلت لصاحب الميزان لو اروح لميزان ثاني هل احتاج وزن قال إيه !!
يا ليت ترسل رقم الباكستاني او تضع وصف مفصل أكثر وما قصرت

[ابو محمد الزهراني]

مشكور اخوي

ونصيحة يااخوان الي يبغى وزن يروح مراكز اي سي ديلكو السعر فقط 100 ريال وليزر

ابو يمن يوزنون ب250 وطالع

[المميـز]

فعلا الميزان اللي على الكمبيوتر ادق من اليدوي

انا مجربه عند فايرستون بالمدينه :good:

جزاك الله خير على الموضوع

[prof2]

تروح من مخرج 17 متجه للصناعية القديمة حلو تمشي لين يجيك الكبري حق الصناعية
الي اذا رحت يمين منه يوديك على الغرابي زين عرفنا الكبري الحين طيب تديور يسار عكس سيرك الي جيت منه بعد حوالي 500 تلقى شارع على اليمين يدخلك داخل الصناعية امش لين تلقى تلقى تقاطع كبير الي الا رحت يمين منه يوديك لبنك الراجحي خذ يسار اعتقد العلامة شارع كله قطع غيار واذا ضيعت
اسأل اي واحد يعرف محل قطع غيار باقادر اول محل لباقادر على يسارك الورشة على يمينك وجنبهم حقين شكمانات وفيه بعد جنبهم بقاله او بوفيه واضح هو الوحيد الي عنده ميزان
الرقم ما عندي والورشة نسيت اسمها بس والله انصحكم فيها والباكستاني والله ابن حلال
اتمنى الوصف زين لإني بعد تراني مضيع شوي بس علامنتك محل باقادر وجنبه التقوى

[رسمال]

جزاك الله خير
ياليت تذكر السعر حتى نقارن الأسعار مع ذكر تفاصيل العمل

[prof2]

السعر 150
العمل:
وزن الكتروني على كمبيوتر متصل بإجهزة تركب على الكفرات الاربع
بداية العمل يتم تحديد نوع سيارتك وموديلها على الكمبيوتر حتى يستطيع الكمبيوتر قراءة معطيات السيارة
يظهر عدة شاشات في الكمبيوتر متنوعة شاشة للمقصات وشاشة للإذرعة وعمود التوازن وتتم القراءة حينما يحرك الدركسون عدة مرات
ثم تظهر النتائج على الشاشات تكون مثل العدادت ويوزن بناء عليها

[ابو سلطان1234]

اخوي والله وصفك ما فهمت منه شي اوصف لنا من كبري الامير سلمان ( الشارع اللي فيه المطابخ) أو شارع العويضه اللي فيه قع الغيار وزجاج السالم في زاويته عند الاشارة

[قطب 999]

هل تعلمون ان سعر الميزان حسب الزبون واحد اطنخ دراهم ب250 وفوق وثاني يكاسرهم والسوق بارد ب50-70

[prof2]

وانت جاي من طريق الخرج تلقى اشارة تقاطع شارع العنوز تعدى الاشارة لين يجيك بنك الراجحي كانك رايح للكبري يعني لسكة الحديد !!
يجيك المدخل الي عند بنك الرجحي خش من الدخلة الثانية رح على طول لين يجيك التقوى على يسارك تعداه تلقى محل باقادر القديم على يسارك امش شوي تلقى الورشة على يمينك تقريبا مقابل محل السبيعي لقطع الغيار مقابلها وصف واضح واذا ما عرفت واسأل عن محلات باقادر!!

[خالد الزومان]

مشكوور على المعلومات ويا ليت تبين لنا وين الموقع زين

[sarab88]

الله ييلبسكم العافيه انتم احلى نااااااااااااس والله تفكووون ازمة ويعطيكم مليوووووووووووووون عافيه وتقبلووووووووووا مرورري

[محمد آل مغيرة]

أحسنت الله يرضى عليك كلامك صحيح
والآن أغلب وكالات الكفرات حطت لها منافذ بيع راقية في أغلب أحياء الرياض
مثل فايرستون وهنكوكو و بيرجستون وغيرها
تجد فيها مكان نظيف وجلسات حلوة وخدمة متميزة على يد فنيين فلبينين
ومن ضمن خدماتهم الوزن بالكمبيوتر
فهو دقيق جدا
بس لا تجيهم في آخر الشهر العالم مطنوخة توهم مستلمين الرواتب
وزحمة وزيادة في السعر
عليك بالذهاب في منتصف الشهر

[السيف الاول]

مشكور اخوي

ونصيحة يااخوان الي يبغى وزن يروح مراكز اي سي ديلكو السعر فقط 100 ريال وليزر

ابو يمن يوزنون ب250 وطالع

وين القى مراكز اي سي دلكو في الرياض

[ابوعبدالعزيز2220]

بصراحه قبل كم يوم كان حديثي مع احد الاخوان بهذا الموضوع ويقول لزم كفرات جديده والرجال يمدحه الكمبيوتر عموما الله يعطيك العافية مقصرت

[خيال النفود]

تروح من مخرج 17 متجه للصناعية القديمة حلو تمشي لين يجيك الكبري حق الصناعية
الي اذا رحت يمين منه يوديك على الغرابي زين عرفنا الكبري الحين طيب تديور يسار عكس سيرك الي جيت منه بعد حوالي 500 تلقى شارع على اليمين يدخلك داخل الصناعية امش لين تلقى تلقى تقاطع كبير الي الا رحت يمين منه يوديك لبنك الراجحي خذ يسار اعتقد العلامة شارع كله قطع غيار واذا ضيعت
اسأل اي واحد يعرف محل قطع غيار باقادر اول محل لباقادر على يسارك الورشة على يمينك وجنبهم حقين شكمانات وفيه بعد جنبهم بقاله او بوفيه واضح هو الوحيد الي عنده ميزان
الرقم ما عندي والورشة نسيت اسمها بس والله انصحكم فيها والباكستاني والله ابن حلال
اتمنى الوصف زين لإني بعد تراني مضيع شوي بس علامنتك محل باقادر وجنبه التقوى


بيض الله وجهك واسكنك فسيح جناته ورزقك من اكبر ابواب رزقه يارب ياكريم

[العبله]

ايييييييييييييييييييه...عرفته هذا ذاكره لي واحد عنده ورشه مهيب بعيده عن خويك الباكستاني
توي اتذكره لكن الوصف ما اذكره بالضبط لكن على خبري انك لا جيت من مخرج 17 امش لين تجيك الاشاره اللي عقب النفق رح يسار امش لين يجيك علي يمينك التقوى ادخل بعده يمين لانه على زاويه امش لين يجيك تقاطع تعده وبالماريه تراه صغير يجيك التقاطع الثاني كبير هو في هاك الجهه..
وصراحه الرجال يمدحه لي لكن ما خذت برايه لاني كنت مغتر بالعضيب اللي يمحطونك بسعار غاااليه وترا لو تتعدا هالتقاطع وتمشي شوي بيجيك العضيب على يسارك..

[صقر20]

وانت جاي من طريق الخرج تلقى اشارة تقاطع شارع العنوز تعدى الاشارة لين يجيك بنك الراجحي كانك رايح للكبري يعني لسكة الحديد !!
يجيك المدخل الي عند بنك الرجحي خش من الدخلة الثانية رح على طول لين يجيك التقوى على يسارك تعداه تلقى محل باقادر القديم على يسارك امش شوي تلقى الورشة على يمينك تقريبا مقابل محل السبيعي لقطع الغيار مقابلها وصف واضح واذا ما عرفت واسأل عن محلات باقادر!!

الحين وصفك واضح :D
لاتصير الورشة لك وأنت كفيل الباكستاني :p الله يرزقنا وياك
شفت الجهاز هذا بعيني بصناعية الثقبة- القريبة من الخبر قبل سنتين
وكانوا مركبين حساسات على كفرات التويوتا
وبيني وبينك العضيب والشله اللي حوله عطوهم الناس أكبر من مستواهم وكفائتهم
مشكور

[عش حياتك]

مثل ماقلت العضيب معطينه اكبر من حجمه

خسرت 2800 ريال واخرتها خرطي


لكن مثل ماقلت ايضا عندك الصناعيه القديمه وخاصه عندك
الدرع شغلهم ممتاز

[الخِيال]

الله يبيض وجهك على هالخبريه

[عريدان]

العضيب دخل بتجارة إفتح فرع وجهزه ويعطيك إسمه برسوم يعمني زي محلات أبو يالين ومخابز التميس... وممكن الشريك من أي جنسيه أجنبيه.. يعني الرجال ناوي يخليها أسهم ويطلع منها... مسوي فرنشايز العضيب...

[بحر الموده]

ورشة العضيب عنده عماله اكبر نصابين بالذت الي يستقيلك اذا جيت الورشه الي ترزز باللطو الازرق ودفتر النصب في يده

[الموسيقار6]

يعطيك العافية على المعلومة ,,

[سيد القصر]

ايضا محلات ون ستوب لديهم جهاز وزن اذرعة بالكمبيوتر
شغل ولا أحسن منه
السعر 200 ريال

[شعيب المسمى]

واحد من العيال وزن موتره بـ 20 ريال بصناعية اللي حول حراج ابن قاسم ههههههه

[لبرتي]

عرفت المحل من الوصف
هو على شارع الجمعية إذا جاك مطعم المكلا على يمينك وباقادر على يمينك الورشة المذكورة تكون على اليسار

واللي يسأل عن ورش اي سي ديلكو / فيه لهم فرع على مخرج 15 وفيه لهم فرع في الشفاء وفرع لهم على امتداد طريق عثمان أبن عفان وأنت حي الازدهار

[بدر الصحراء]

الله يعطيكم العافية


يمكن نحتاجهم والله يجعلنا ما نحتاجهم واياكم

[فهد773]

موضوع قديم
لكن الي عنده رقم المحل لايبخل علينا ياشباب وندعي له

[prof2]

ابشروا اجيبه لكم ان شاء الله اذا سمحت لي الادارة بوضع الرقم انتظروني

[prof2]

اخيرا لقيت فاتورة الضمان وضمانهم شهر
اسم الميزان : ميزان الخطوة
الصناعية القديمة - شارع الجمعية - مقابل باقادر
طبعا لا تربطني بهم اي علاقة لا من قريب ولا بعيد والله شهيد ولكن العمل الطيب محمود ومرغوب
هامش الخطأ عندهم تقريبا من 1 ملم الى 2 ملم اي بحجم شعرة راسك على عكس الميزان اليدوي الي يعتمد على الميزان المائي للمقصات والمتر للإذرعة وهامش الخطأ الله اعلم به

[حسين السبيعي]

مشكور وجزاك الله عنا جميعاً بكل خير

[التل الصامت]

مشكووور يا اخوي صاحب الموضوع وجاء في وقته والله يوفقك وتستاهل دعوة في ظهر الغيب والله يوفق الجميع

[سيف رعدة]

عرفت المحل من الوصف
هو على شارع الجمعية إذا جاك مطعم المكلا على يمينك وباقادر على يمينك الورشة المذكورة تكون على اليسار

واللي يسأل عن ورش اي سي ديلكو / فيه لهم فرع على مخرج 15 وفيه لهم فرع في الشفاء وفرع لهم على امتداد طريق عثمان أبن عفان وأنت حي الازدهار


:good2::good2::good2:

[سيف رعدة]

اخيرا لقيت فاتورة الضمان وضمانهم شهر
اسم الميزان : ميزان الخطوة
الصناعية القديمة - شارع الجمعية - مقابل باقادر
طبعا لا تربطني بهم اي علاقة لا من قريب ولا بعيد والله شهيد ولكن العمل الطيب محمود ومرغوب
هامش الخطأ عندهم تقريبا من 1 ملم الى 2 ملم اي بحجم شعرة راسك على عكس الميزان اليدوي الي يعتمد على الميزان المائي للمقصات والمتر للإذرعة وهامش الخطأ الله اعلم به

:good2::good2::good2::good2::good2::good2:
هالحين جبتها

[السلمان2010]

جزاك الله خير

[WWS]

ألف شكر أخوووي
عنذك برضووووه القحطاني للكفرات اللي في خريص عندهم ميزان ليزر يطلع وزن الموتر من وكالته و يضبطه لك :good2::good2:.. و برضوووه مثل مااقااالو بعض الأخووان الله يطول بأعمارهم و اعماركم ع الطاعه مراكز Ac Delco عندهم ليزر :good::good:
هذا والله اعلم
والله يوفق الجميع لما يحب و يرضى

[VXR.2007]

اكبر نصاب العضيب والعماله مايعرفون يشتغلون حتى الفلبيني اجل اقوله اوزن الجلنط يجي يرخيه مره ثم جيت اكلم السوري ولا ويتكلم من طرف خشمة و يجب عامل فلبيني ثاني افهم منه ويشد عليه لين طلع ريحة الاقمشة حسبي الله عليه واقرب ورشة يضبطه لي
وجزاك الله الف خير

[ramy asiry]

يوم جيت ازن اذرعة لاندكروزر قلت للفلبيني ماعندكم وزن بالكمبيوتر قلي لا اهم شيء مخ موجود وطلع وزنه 100 ب100 ومعاي سياره اخرى يوم طلعنا جده وحنا مروحين الديره مرينا وزنا اذرعه بنفس الجهاز اللي تقوله يطلع لك موديل السياره وغيرها دوبنا طلعنا من عنده الا وفيه حذفه ونرجع له ويعيد مره اخرى وبرضه نفس المشكله فقلت الفلبين صادق اهم شيء مخ موجود

[سرطوقا]

مشكور لاهنت اخوي الله يبيض هالوجه

[ابو احمددد]

الله يعطيكم الف عافيه...

اهم شي ياجماعه نشر الوعي فيما بيننا بمثل هالاشياء اللي قد تخفا على الكثير

قبل كم اسبوع كنت بالصناعيه ووقفت عند ورشه (طبعا عماله يمنيه) عندهم ميزان قلت بغير مساعدات واوزن بعد التغيير فنزل تحت السياره و طلع كذا عيب (ركب , مقص , وغيرهم) المهم شكيت بالوضع قلت لا خلهم بعدين بس بغير مساعدات خلفيه فقط وبعدها وزن قال مو مشكله والسعر وزن ب 200 والمساعدات ب350 طبعا كنت صايم على طول عطيته ضهري ومشيت بدون ماتكلم معه لانه كذااااااااب بقوه وانا امشي بدون مبالغه ياجماعه كل شوي ينزل 50 لين ركبت السياره وصل السعر 150 وقبل لا امشي قلت له والله لو تقول ببلاش ما صلحت عندك لان انك مو صادق.
ومريت كذا ورشه بعده ولا طلع فيها ركب ولا مقصات وتبديل المساعدات من 100 الى 150 والوزن نفس الشي من 100 الى 150 حسبي الله ونعم الوكيل

[تركي الضرغام]

السلام عليكم
يا جماعة أنا مريت الميزان وحصلت الباكستاني للي يشتغل عليه
وأنا روحتي لهم بوزن أذرعه ومقصات بس للأسف الميزان عطلان يقول يبيله بطاريات وطالبينها من عقب عيد الفطر وإلى هالحين ما جت الطلبيه بس راح عن بالي أخذ رقمهم عشان أتابع معهم بدال العنوه

[الشنه]

يالربع
راعي المطاريش
والكشتتات لا بد من الحذفه في موتره
مطارد هالصياهد والردميات والبطانيج وين يروح
لابد ان يؤثر على وزنية السياره
والي بتصلحه اليوم راح يرجع بكره خساير على الفاضي

[عاشق ورق]

مشكور على الفائدة
تحياتي

[الحرالاشقر]

مشكور يالغالي على النصيحه


يالربع
راعي المطاريش
والكشتتات لا بد من الحذفه في موتره
مطارد هالصياهد والردميات والبطانيج وين يروح
لابد ان يؤثر على وزنية السياره
والي بتصلحه اليوم راح يرجع بكره خساير على الفاضي

انا معك 100%
الا اذا في الموتر حذفه واضحه

[Rapture]

يا اخوان انا مرة رحت مركز ريد كاب عشان اسوي وزن اذرعة بالكمبيوتر قال لي العامل ما نوزن الا سيارات موديل 2000 وفوق

هل صحيح كلامهم ولا صرفوني ؟؟

[البهلول]

هذا إلكتروني كنت في جدة وغيرت كفرات في كيلو2 , ووزنت عندهم قال أول شي 300 ريال وقعد يحدد لي إن المقصات فيها تداخل وهذا يطول الشغل عليه .
وزن السيارة 200 ريال . ومضبوط .
يحدد السيارة على الشاشة ويوزن الكفرات بكميرات تضبط التداخل وخروج الكفرات ومحاور الدوارن بوقت واحد , لان يقول أحياناً تكون المشكلة في المقص وليست في الذراع .

معقول لكن غالي شوي

[تناهيت]

يالربع
راعي المطاريش
والكشتتات لا بد من الحذفه في موتره
مطارد هالصياهد والردميات والبطانيج وين يروح
لابد ان يؤثر على وزنية السياره
والي بتصلحه اليوم راح يرجع بكره خساير على الفاضي



:good2::good2::good2:


بيض الله وجهك هذي اعتبرها حكمه أهل المكاشيت :lr

[الكونترولCONTROL]

هل تعلمون ان سعر الميزان حسب الزبون واحد اطنخ دراهم ب250 وفوق وثاني يكاسرهم والسوق بارد ب50-70

حصل و كنت عند ميزان مشهور و رأيت كلامك رأي العين 100 %
و المتهندس المشرف داق سواليف و ضحك مع اللي دفع 200 ريال و مشى له موتره بأقل من 10 دقايق
بينما الآخر رفض إلا بــ 80 ريال المهتندس ما قرب منه أبدا !!! لأنه ما عنده كلام فاضي و لا يلعب !!
و قعد لهم أكثر من ساعة حتى طلع راضي عن الشغل !!
العجيب أن المتهندس قال للي دفع 200 أن هذا سعر الشركة !! طبعا يخوفه !!

[عبدالعزيزف]

حصل و كنت عند ميزان مشهور و رأيت كلامك رأي العين 100 %

و المتهندس المشرف داق سواليف و ضحك مع اللي دفع 200 ريال و مشى له موتره بأقل من 10 دقايق
بينما الآخر رفض إلا بــ 80 ريال المهتندس ما قرب منه أبدا !!! لأنه ما عنده كلام فاضي و لا يلعب !!
و قعد لهم أكثر من ساعة حتى طلع راضي عن الشغل !!
العجيب أن المتهندس قال للي دفع 200 أن هذا سعر الشركة !! طبعا يخوفه !!

مشكـــوور ياprof2 على خدمتك لنا
اخوي الكونترول والله مايقهرني
الا اشكال ابو200 هذا اللي خل العمال يتلاعبون
وفالينها العمال معاه يدفع وهو يضحك !!!!

[S.Guard]

مشكـــوور ياprof2 على خدمتك لنا
اخوي الكونترول والله مايقهرني
الا اشكال ابو200 هذا اللي خل العمال يتلاعبون
وفالينها العمال معاه يدفع وهو يضحك !!!!


:good2: :good2: :good2:

[محمد الحبهي]

وزن اذرعه + مقصات +سحب مقصات +دركسون + تعديل الحذفيه +جميع السيارات تركيب عضلات = مساعدات +مسامير توازن +مقصات +عكوس+مسامير عجلات + قماشات مع خرط هوبات مع الضمان (((الموقع )))(تــــبــــوك شارع الملك فهد بن سلطان حي سلطانه مـــركــز تـــبـــوك :)

[محمد الحبهي]

صرفوووك او ان العامل مايعرف يشتغل احنا نوزن اي سيارة واي مديل وباسعار معقوله

[ابو سعد gm]

السيارات القديمه افضل وزن لها اليدوي بس وين تحصل الي يوزنها مزبوط انا معي جمس 99 فيه حذفيه يمين وزنت هنا وهناك ماش ورحتت شارع الحج طبعا انا من سكان مكه المهم وزنت عند واحد ورجعت له وزاد وزن قصاته والاذرعه وقالي روح وتمام اخذت اسبوعين ورجعت تحذف برايكم وش المشكله طبعن بعد ماوزنها قلت له شدد المسامير مزبوط لاني عارف مع مطبات وحفر والشوارع عندنا الله يكفينا شرها

[yukon99]

ميزان الليزر هذا متوفر باغلب محلات الكفرات بس اسألهم قول ابي ليزر وتشوف الارقام قدامك بالشاه يفك ويربطرحتى تصير الارقام باللون الاخضر