الجيب رحت عليه مشوار وقفت الا فيه دخان يطلع من الهوب الخلفي مع رائحة حديد محتر مرة

[الربذي]

السلام عليكم
وقفت الظهر من مشورا بحدود 10كم فقط الا والكفر الخلفي يخرج من الهوب دخان حديد محتر جدا والجنط ساخن جدا ويوجد اثر تهريب زيت من داخل الهب براس الدفرنس بس شكله مبطي من فتره طويله لانه ناشف وعليه خبار
ويوم بد قلت يمكن الهوب الخلفي شاقس طبعا هو سوبر سفاري ومثل الهوب الامامي اقمشته واضحه ماهي طبله
ورفت الكفر وحركته الا خفيف وجبت بنزين ونظفت كل الزيت الي بالهوب والجنط وعلى الاقمشه ومارحت عليه
لكن وش تتوقعون يااخوان هل احد مرت عليه نفس المشكلة بالرغم ان الدفرنس قبل شهر مشيك عليه تمام ...
طبعا المشوار قصير تقريبا 10كم او اقل

[الربذي]

سبحان الله.

[نفود حائل]

انا صارت معي بس للكفر الامامي

والمشكلة صارت من فحمات الفرامل كان وزنهن مهو مضبوط وحصلتلي مكانيكي ووزن الفرامل من عند الكليبر داخل الكبوت

[راعي جلمود]

هلا بك اخوي

هذا عندك الجلنط معلق او انك ماشي وهو مسحوب

تحياتي

[ملقاط بن جمر]

يمكن الفحمات عاضة على الهوب ..

قد صار نفس اللي ذكرت لواحدمن العيال .. طبعا وقتها كان توه مغير الفحمات لكن أبو يمن ما ضبط وزنها صح ..

طبعا غيرها خوينا والله يخلف عليه ..

موفق ياغالي ..

[sameer_1798]

إذا كان الطريق التي مشيت عليه متساوي غالباً تكون الفرامل مشدوده يلزمك توزنها
أما إن كان طريقك نازل من ضلع فالمشكله من استخدامك للفرامل بكثره يفضل النزول بالقير

[أبوعسكر]

اخوي هذى صارت مع الولد وكانت المشكله بسيطه يعني ماهي في الدفرنس والموتر سوبر سفاري98
الظاهركان فيه مشكله الهوب او الفحمه وخذت مده وصلحها

[الربذي]

انا صارت معي بس للكفر الامامي

والمشكلة صارت من فحمات الفرامل كان وزنهن مهو مضبوط وحصلتلي مكانيكي ووزن الفرامل من عند الكليبر داخل الكبوت
شكرا لك اخوي نفود حائل .ماقصرت وينه المكانيكي هذا ابي ان شاء الله امره ياجاري العزيز.

[الربذي]

[quote=راعي جلمود;4569142]هلا بك اخوي

هذا عندك الجلنط معلق او انك ماشي وهو مسحوب

لالالا اخوي متاكد من ذلك ماهو مسحوب .ولا جاي ببالي فعلا انه مسحوب شيك عليه الا تمام ..

[الربذي]

يمكن الفحمات عاضة على الهوب ..

قد صار نفس اللي ذكرت لواحدمن العيال .. طبعا وقتها كان توه مغير الفحمات لكن أبو يمن ما ضبط وزنها صح ..

طبعا غيرها خوينا والله يخلف عليه ..

موفق ياغالي ..
الله يغليك اخوي
ماشاء الله عليكم كل ردودكم تنم عن درايه كافيه حول المسببات المحتمله لحدوث هذي المشكلة لاعدمناكم المنتديات كثيرة بس اعضاء مكشات ومكشات غير.......... وانا من شريته وهن مركبات والغريبه اني رفعت الكفر وحركته خفيف مره ... يمكن يشد اا اشتغلت السيارة ماادري..

[الربذي]

إذا كان الطريق التي مشيت عليه متساوي غالباً تكون الفرامل مشدوده يلزمك توزنها
أما إن كان طريقك نازل من ضلع فالمشكله من استخدامك للفرامل بكثره يفضل النزول بالقير
ياهلا بك اخوي الفاضل سمير لاياخوك من الدوام طريق عادي جدا .

[escape_man]

توقعاتي ياطويل العمر وحسب السيناريو الي ذكرته

انه رمان الهوب الخلفي انفرم

او السلندر الي يضغط الزيت للقماس ماسك ويحتاج صيانة او تغيير

لازم يفك الهوب ويشاف وشهي علته وبالطريق غير الصوفة الي كانت تهرب واحرص على الاصلي

[الربذي]

توقعاتي ياطويل العمر وحسب السيناريو الي ذكرته

انه رمان الهوب الخلفي انفرم

او السلندر الي يضغط الزيت للقماس ماسك ويحتاج صيانة او تغيير

لازم يفك الهوب ويشاف وشهي علته وبالطريق غير الصوفة الي كانت تهرب واحرص على الاصلي
اشكرك لمرورك العاطر والافائدة انا رحت عليه الصبح بس نسيت اشوف بعد ماوقفت لكن رايح ان شاء الله اتابع الحالة وابي امر كم ورشة0

[اخوخالد]

يمكن مشدود على الهوب...او رمانه

[الربذي]

اخوي هذى صارت مع الولد وكانت المشكله بسيطه يعني ماهي في الدفرنس والموتر سوبر سفاري98
الظاهركان فيه مشكله الهوب او الفحمه وخذت مده وصلحها


يمكن مشدود على الهوب...او رمانه
مشكورين اخوي الافاضل ابوعسكر واخو خالد
ماقصرتم وافين.
فكينا البارح الهوب ونظفناه من الزيت الي عليه ورحت عليه مشور مالاحظت دخان الحمد لله سبحانه.

[مقلع الرمث]

عندك احد حاجتين

يارمان الهوب ماسك ولا الفحمات فيه شي والله ييسر امرك بالتوفيق

[جلمود الحره]

الاخ العزيز

مشكلتك جلد العكوس تهرب على الهوب ويحتر ومع
الممشى يحتر ويطلع دخان رح لاقرب مكانيكــــــي
والله ييسر امرك.