كم يسوى النيسان يا أهل النيسان ..

[الوزير2]

مساكم الله بالخير ...
لاهنتوا يالربع عند واحد من الشباب ويبي يبيعنياه بس مادري كم يسوى مواصفاته الآتي
سفاري 2006
اللون الخارجي عودي الداخلي بيج
القير توماتيك
الممشى 220000ك تقريبآ
المحركات نظيفة جدآ استخدام رجل ثقل مشترية من صاحبه الي فاكه وكاله
البدي نظيف ماعدا خدوش بسيطة في الصدامات
استمارة وفحص جديد وكفرات لها سنة .

شاكرآ لكم .

[الغرابيM]

اخوي موديله 2006 وتوماتيك بس ..

اخوي اسرد المواصفات كامله وابشر نسأل عنه ونردلك خبر

[نفود حائل]

حسب علمي يسوى من 70 - 75 الف

وبفرق التماتيك 3000 تقريبا عن العادي

[الوزير2]

بارك الله فيك وجزاك الله خير أخي نفود حائل .
المدهش مادري ويش بقى من المواصفات .

[عاشق الكمب]

الشباب يفيدونك

[الوزير2]

شكرآ ياعاشق الكمب ولكن وين الشباب ...............
المشكلة أن رفيقي يبين أشري بالي معي ولا عنده مشكله بس ماودي أظلمه أو أظلم نفسي .
والمعارض مارحنا يبي على الصداقة .

[بن عيد1]

أفضل شي لك وده للمعارض انت وصاحب الجيب والشريطيه بيعطونك سومه
وسومة الشريطي طايح فيها 4 الاف عن سعره الحقيقي
يعني اشتره على سومة الشريطي افضل لك

[عمري قطر]

من 70 الى 75

والله يباركلك في

[الوزير2]

شكرآ للأخوة : عيد1 وعمري قطر ولكل من ساهم في مساعدتنا ودعاء لنا ولمنتدانا الرائع .

يغلق الموضوع تم شراء السيارة على تسعيرة الأخوة السابقين .
الله يبارك لنا فيها .