اتمنا والله امنيه انه يشارك في هذا المنتدي من كل ديره وقريه وهجره ويجبون الاخبار

[خالد العوض]

اتمنا والله امنيه انه يشارك في هذا المنتدي من كل ديره وقريه وهجره ويجبون الاخبار اول باول
والله يحقق الامنيه وشكراً

[العنبري1]

أخوي خالد العوض السلام عليكم

الفكرة جيدة وأنا أول المؤيدين

[wazan]

لو قدر لهذا أن يحصل راح يكون الموقع خطير جدا جدا,ولكن للأسف في كثير من المناطق لاندري عنها شي.

[أبو يحيى]

المشكلة يا اخوان إن بعض الأعضاء من هجر وقرى بس ماسكتهم الأعمال في المدن. والناس الي ساكنين هناك ما عندهم وسائل اتصال. يعني عندنا شرق المدينة وفي قرية النخيل أودية وسدود مليانه من الخير كلها منحدره من الحرات الي فوق يعني جايه من الطايف وما حولها وفيه مناظر جميلة جدا وصيد حتى في موسم الصيف, لكن من يجيب أخبارهااااااا.

أما عن الفكرة فهي أكثر من رائعه, يعني الي بيسافر لأي مكان لازم يدخل مكشات حتى يشوف أحوال الجو وكل شي عن المكان الي هو رايح يمه.

والله يوفق الجميع لما يحب ويرضى

[خالد العوض]

والله الحين الاتصالت في كل مكان والله اني اتمنا انه كل واحد يكتب عن ديرته ولا يحقر الموضوع و يقول وش اكتب ديرتي
مافيه شي ياخي حنا ما نعرف عن ديرتك اي معلومة اذكر مثلاً الامطار او الربيع والامكان الاثارية و موقع والصيد
واذ فيه اماكن غريبة او حلوة تنصح الناس يرحون هناك ويكون ذلك مدعوم با الصور افضل انا مثلاً الافلاج ووداي الدوسر
والطريق الساحلي ما اعرف عنه شي كثير وكذلك عسير ما نعرف منه الا السوده واذا شفت واحد من اهل الجنوب في الرياض
وقلت له اني رحت الى الجنوب يقول وين رحت با الضبط ثم تذكر له الاماكن الي الناس كلهم يعرفونه يقول لك لا فيه اماكن احل من هذي ما تروحون له يا السياح طيب علمنا وها ت صور وشكراً معليش تري متحمس

[تباع المزن]

الفكرة جدا رائعة و أعتقد لو قاموا مشرفو موقع مكشات بعمل دعايه لمنتدى مكشات في المنتديات الأخرى والمواقع الأكثر زيارة ... يمكن بها الطريقة تزيد المشاركة بشكل كبير جدا وبالتالي تزداد الزيارات وبالتالي تزداد الاشتراكات في هذا المنتدى .. وبالتالي ((( صرنا رياضيات و بما أنه فإن الناتج ... !!! ))) وبالتالي تزداد أخبار الطقس والأمطار ... ألا توافقوني ؟

[خالد العوض]

الله الله كيف

[اسيزو 4x4]

أنا من مؤيدين الفكرة جزاك الله كل خير يا خالد العوض

[راعي الحزم]

ياليت تلك أمنية قديمة خذ عندك المناطق التي نتمنى نسمع أخبارها
1- حفر الباطن
2- رفحاء
3- الزلفي
4- ضرية
5- الساحل الغربي تجي أخباره بس بوقت الحمام
6- المحافظات التي تقع على خط الطائف الرياض السريع ماعدا القويعية
7- وادي الدواسر وحصاة قحطان
8 - حائل أحيانا تاتي أخبارهم وانتشرت في بداية الوسم هذا العام ثم اختفت
9 -مناطق الشمال بعامة أخبارها قليلة وهي منطقة واسعة جدا
10- تبوك أهلها لايظهرون الا عند تساقط الثلوج
11 - عقلة الصقور والروضة بمنطقة حائل ياليتهم معنا

[تباع المزن]

راعي الحزم ... ليش ما عدا القويعية ؟؟؟ مستغرب جدا من هذا الاستثناء !!!

[راعي الحزم]

لاتستغرب ابدا افتح الروابط التالية وسيزول هذا الاستغراب

1- http://www.mekshat.com/vb/showthread.php?t=29602&highlight=%C7%E1%DE%E6%ED%DA%ED%C9

2- http://www.mekshat.com/vb/showthread.php?t=28605&highlight=%C7%E1%DE%E6%ED%DA%ED%C9

3- http://www.mekshat.com/vb/showthread.php?t=29382&highlight=%C7%E1%DE%E6%ED%DA%ED%C9

[رعد الضحى]

الأخ خالد ..كلامك في محلة

والمنتدى يحتاج لدعاية أكبر ..

على العموم ( إزهل ) أخبار المناطق الشمالية الغربية لمنطقة القصيم

خصوصا الفويلق ( تبعد غرب بريدة حوالي 90 كلم ) وضواحيها والشعبان اللي حولها

بإذن الله أوافيكم بأخبارها ..نسأل الله أن يسقينا الغيث

[راعي الحزم]

رعد الضحى شكرا لتجاوبك مع ندا ابو محمد واليوم حنا نتمنى أحد يشارك من القريات يعلمنا عن الخيال مافيه أحد

[صوت المطر]

فكروة رائعة جدا أخوي خالد ... وليت تلقى الفكرة صداها للأعضاء ..

الحقيقة فرحت اليوم لما سمعت أخبار البرووووق على الدوادمي وعفيف من مراسلينا هناك ..

عشان الواحد يدري وين موقع السحب وبالتحديد البرق لأن السحب أحيانا تغطي جزء كبير من المملكة ..

وألف شكر لك ...

[خالد العوض]

ممتاز والله يعطيكم العافية

[تباع المزن]

يجب أن لا نقف عند هذا الحد ... فقط ردود ... يجب أن نفعل الفكرة ... يجب علينا ذلك يا شباب ... لكن تسألوني كيف أنا نفسي مدري كيف !!! اطرحوا أفكاركم وأرائكم يا شباب.

[خالد العوض]

وبعد هذا المشوار والعطاء والسنوات الثلاث
هل تحققت هذه الامنيه
الاجابه لديكم
ملاحظه هذا الموضوع قديم واعتقد وقته ان عدد الاعضاء المتواصلين معنا في الطقس لم يتجاوز 32 عضو
شكراً لكم ولك عضو ساهم في انجاح هذا المنتدى وعلى وجه الخصوص هذه الخيمه

[افلاجي مميز]

والله الحين الاتصالت في كل مكان والله اني اتمنا انه كل واحد يكتب عن ديرته ولا يحقر الموضوع و يقول وش اكتب ديرتي
مافيه شي ياخي حنا ما نعرف عن ديرتك اي معلومة اذكر مثلاً الامطار او الربيع والامكان الاثارية و موقع والصيد
واذ فيه اماكن غريبة او حلوة تنصح الناس يرحون هناك ويكون ذلك مدعوم با الصور افضل انا مثلاً الافلاج ووداي الدوسر
والطريق الساحلي ما اعرف عنه شي كثير وكذلك عسير ما نعرف منه الا السوده واذا شفت واحد من اهل الجنوب في الرياض
وقلت له اني رحت الى الجنوب يقول وين رحت با الضبط ثم تذكر له الاماكن الي الناس كلهم يعرفونه يقول لك لا فيه اماكن احل من هذي ما تروحون له يا السياح طيب علمنا وها ت صور وشكراً معليش تري متحمس
حياك الله اخوي خالد العوض والله لك فقده
واللي تبيه من معلومات واي شي عن الافلاج ترانا حاضرين والله ما جا شي ذا السنه ولا كان ابشر بالصور والشلالات
واماكن خياليه في الافلاج
ما فيه الا حقت العام
الله يجيب الخير وابشر بالسعد

[Storms Hunter]

http://www.mekshat.com/vb/showthread.php?t=69462

بارك الله فيك