ما هو الفرق بين الاستكوزا وأم الربيان

[الهوى الصافي]

السلام عليكم
دخلت سوق السمك ولقيت نوع فيه لون اخضر وزعانف واجد وقالوا هذا الاستكوزا،،،،
ولقيت نوع ما فيه زعانف ابد بتاتا البته ولونه يقرب للبرتقالي او الاحمر وقالوا الهنود هذي أم الربيان هل هذا الكلام صحيح يا أهل البحر ؟؟
ارجو ان يكون التوضيح بالصور ولا عليكم امر للاهمية

[فش-أندرتيكر]

و عليكم السلام و رحمة الله و بركاته

أن شاء الله الأخوان يفيدوك

و ما بيقصروا معاك

تحياتي لك

[حياتي البحر]

والله ما افرق بينهم وان شاء الله الشباب يفيدوك

[hgvdl]

أخوي الهوى الصافي
مساك الله بالخير
على حسب علمي ، كلام الهنود صحيح
الاستاكوزا هي اللي لها أطراف كثيرة وغالباً تجي بلون أخضر وأطرافها بلون أزرق أو بنفسجي وهي الأكبر جماً و الأغلى ثمناً والألذ طعماً ولها قرون استشعار في رأسها و أسمها بالعربي صرطان البحر .
أما أم الربيان فهي تقريباً ما لها أطراف غير الأرجل والذيل والرأس وتجي دائماً بلون بني وليس لها قرون اسشعار .
أتمى لك وجبة لذيذة مع ( السي فود ) الرائع .
شكراً

[المحبوب (ابو مشعل)]

ان شاء الله الاخوان يفيدونك

[A B D U L L A H]

ام الربيان يجي لونها آقرب للبني

والآستكوزا يجي آقرب للآسود وله ( زي الشنبات طويله )

[نمط]

تفضل هذا الموضوع يفيدك

http://www.mekshat.com/vb/showthread.php?t=123598

[مشاغب السقالة]

الرابط السابق كفى ووفى واختصر كل كلامنا
واعتقد انه افادك ورد على سؤالك

[accentkool]

حقيقة ماعندي خبرة فيهم لاني ولا مرة قابلتهم

[الهوى الصافي]

مشكورين مشكورين ألف شكر يارجال مكشات هذي عوايدكم نقل العلم والمعرفة والإفاده والله بردودكم والرابط اللي حطيتوه استفدت فائده كبيره وصرت أتكلم في المجالس اللي يصير فيها طاري لهذا الموضوع وكأني راعي بحر !! :D
ولو من يمر على مكشات يصير خبير بجهود أعضائه اهل الشهامة والكرم
قولوا آمين
الله يرزق كل واحد ما يتمناه في الخير وأكثر ويرزقكم مع كل طلعة الصيد الوفير المبارك آآآآآآمــيــــــــــــــــــــن