تكفون يالربع اللي فاهم في الباترول يساعدني

[stewrd]

السلام عليكم ورحمة الله وبركاته
اخواني انا عندي جيب 94 باترول وكانت الحراره ترتفع وكلن شار عليه بشوره اللي يعرفه الحاصل اني غيرت الرديتر من الوكاله وانخفضت الحراره في الخط الطويل ولكن داخل البلد ترتفع بصوره ملحوظه ارجوا اللي عنده معلومه لا يبخل علينا

[ابومعاذالنجدي]

الى وين تاصل الحراره مع المكيف او بدون مكيف وهل حساس الحراره اصلي او يباني ؟؟

[ابو سلطان1234]

اخوي ركب مروحة تبريد اذا موية الرديتر حقت الوكالة

[ابوصالح77]

الرديتر حط فيه ماء تايوتا الأحمر من دون تخفيف
شيك على تماتيك المروحة ، والسير يمكن مرتخي ،
إذا كانت الحرارة تصل الثلث أو زود شوي من غير بلف فطبيعي مع الزحمة

[طير البر99]

غير بلف الحراره وان شالله بتنزل الحراره
كانت معي نفس المشكله وغيرت بلف الحراره وضبطت الحراره

[stewrd]

الله يكرمكم جميع لاكن الحراره توصل مع المكيف داخل الزحمه الثلث مع الخط الطويل اقل من الربع بالنسبه لموية الرديتر اصلي بالنسبه للمروحه مركب له واحده مع المكيف بالنسبه لكلتش المروحه سليم حسب كلام المهندسين بالنسبه للبلف البلف مشيول من السياره وبالنسبه لحساس الحراره حق بلده انكان تقصد الساعه
ولكم جزيل الشكر

[روزفلت]

مع الزحمه والحر عادي النيسان يوصل حتى النص
انا اشوف ان موترك طبيعي وركب بلف الحراره افضل للموتر

[أبو أسامة]

وعليكم السلام ورحمة الله وبركاته

لا والله ما هو عادي أن الحراره تاصل النص في النيسان وبالذات الباترول .... فأقول لخوي صاحب الموضوع ..... بما أن الحراره في الخط ما ترتفع فشيك على كلتش المروحة والسيور والمروحة نفسها ......... وإن شاء الله ما تشوف شر .....

[خلاوي3]

اذا كان المكيف شغال والحرارة ما تعد الثلث الآخير او الأتش برد على عمرك وأتوقع ان السيارة شارية مستعمل اذا كان كلامي صحيح فلا تتعب حالك بالبحث عن مصدر أرتفاع الحرارة لأني سبق أن كان معي باترول 2002 مافي شي ماغيرته عشان الحرارة من دون فائدة ولكن أتوقع أني شد من في المأساة لأن المكيف كان يفصل عند أرتفاع الحرارة