اهل الأرساليات..............

[ابو فاد]

السلام عليكم ورحمه الله وبركاته

حبيت استفسر عن الصيد بلارساليات بواسطه فلين لو كيس ..... والطعم سلس.....

هل في صيد اذا حطيت مع الطعم ثقل .......عشان يثبت الطعم ما يروح ويجي مع الامواج
ولا لا ؟؟؟؟ او اسماري بدون ثقل مع العلم في امواج.....؟؟؟
******************************
والثاني::: هل ينفع الصيد بطعم((سمك)) صار له اسبوعين في الفريز؟؟ :d
******************************
واسمحو لناا على الاسئله ........
في امان الله.

[A B D U L L A H]

الأفضل ثقال علشان إذا في مد أو تيار يكون ثابت مكانه ولايصخر ويشعب عليك

ولو السمكه لها سنه بالفريزر تنفع مو مشكله بس الأفضل الطازج بنسبه كبيره

[حياتي البحر]

ابو عابد ما قصر واعطاك المفيد

[كنعد]

عادي ثقل ولا بدون عادي بس خلي الثقل بعيد عن الطعم مسافة متر ولا متر ونص

لو حصلت سمك خايس ريحته معفنة وعيونة موموجدة ارسلة ولا تترد السمك مزاجه غريب عجيب

والله يوفقك

[نمط]

عليكم السلام ورحمة الله وبركاته
مثل ما تفضل الأخ عبدالله

أنا أفضل غالباً "السماري" بدون بلد
بس أنا أرسل "للشعري" في الجبيل .. يعني غالباً تكون الجيمة خثاق بخمسة سنارات مثلاً
والمكان يكون طينة أو رملية
اما اذا كان فيها شعب او صخر فما راح ينفع ترسل بدون بلد
لأنه بيصخر عليك

حتى لو ما كان في موج , خد بالاعتبار ان بالأسفل في تيارات وراح يجرف الجيمة وراح تصخر معك
ركب لك ثقال أضمن
والجيمة يفضل تكون طازجة بس ما تضر لو كانت في لفريز
واذا المكان اللي تحدق فيه تشوف فيه ميد فاحدق بميد أفضل
وللإرساليات أنا أفضل "التونة" و "الباغة" لان حجمهم مناسب للإرساليات
وتجيب لك شي يسوى ان شاء الله

[مشاغب السقالة]

ماعندى كلام ازيد بيه
الشباب قالوا كل شىء

[ابو فاد]

تسلمو شباب على تفاعلكم الحلو......
وان شاء الله اول صيد لي بثقل بسوي لكم تقرير عنه
وفي امان الله

[طير شلوى 999]

الاخوان ما قصروا افادوني وافادوكـ ،،،،،،،،

[حظي الي بكاني]

الثقل افضل

[white_angel]

التجربة خير برهان

البحر كله تجارب

جرب وعطنا النتيجة

[accentkool]

تركب الثقل افضل عشان مايروح خيط مع التيارات
ينفع الطعم اللي بالفريزر

[adooli]

يسلمووو على المعلومات

دمتم بود

[مكشتاني]

بلا ارساليات بلا 00000
ياجماعه والله حرام عليكم دمرتوا البحر والبيئه البحريه, والله لو تعرفون كياسكم هذه شتسوي بالاحياء البحريه وبالذات السلاحف وانها تستقر في قاع البحر وممكن تجلس عشرات السنين وما تتحلل :mad:
هذا غير تسببكم بخراب مكاين خلق الله لما يلتف الخيط والا الكيس على بروانة احد من هالمساكين
وعلى ايش هذه الانانيه علشان سمجه تدمر بيئه بحريه وفي الاخير نجلس نقول والله بحرنا شحت فيه السمجه :mad:
وانا عن نفسي واقول واحذر لما امر وفي طريقي ارساليه تراني قاصها قاصها :mad:

[كنعد]

بلا ارساليات بلا 00000
ياجماعه والله حرام عليكم دمرتوا البحر والبيئه البحريه, والله لو تعرفون كياسكم هذه شتسوي بالاحياء البحريه وبالذات السلاحف وانها تستقر في قاع البحر وممكن تجلس عشرات السنين وما تتحلل :mad:
هذا غير تسببكم بخراب مكاين خلق الله لما يلتف الخيط والا الكيس على بروانة احد من هالمساكين
وعلى ايش هذه الانانيه علشان سمجه تدمر بيئه بحريه وفي الاخير نجلس نقول والله بحرنا شحت فيه السمجه :mad:
وانا عن نفسي واقول واحذر لما امر وفي طريقي ارساليه تراني قاصها قاصها :mad:



اذا انت عندك طراد غيرك ما عنده ومايقدر يشتري والله يهنيك ما احسدك ولله

واذا انت تشوف واحد يرسل لا تمر على خيطة علشان مكينتك لا يلتف عليها الخيط

وبنسبة للارسال بلأكياس هو الي يدمر البيئة بس الفلين بلعكس يكون طافح ويطلع على السيف

وما الوم الي يرسل لان الصيادين البنقالية ماخلو شي بالبحر يجرفون الطيب والرخيص

والله يقسم الارزاق

[مكشتاني]

اذا انت عندك طراد غيرك ما عنده ومايقدر يشتري والله يهنيك ما احسدك ولله

واذا انت تشوف واحد يرسل لا تمر على خيطة علشان مكينتك لا يلتف عليها الخيط

وبنسبة للارسال بلأكياس هو الي يدمر البيئة بس الفلين بلعكس يكون طافح ويطلع على السيف

وما الوم الي يرسل لان الصيادين البنقالية ماخلو شي بالبحر يجرفون الطيب والرخيص

والله يقسم الارزاق

الاخ كنعد
انا ماقول الكلام هذا لان عندي طراد لا والله ولكن والله مو عذر ان ماعندي طراد ارسل كيس او حتى فلين بعدين على فكره تقدر تقولي شلون بعرف اذا انا مار على الخيط او لا اذا الكيس طايفك وانا مار قريب من السيف
مره ثانيه ارجع واقول هذه انانيه وابدا مو عذر لتلويث البيئه البحريه واذا البنغاليه خربوها هذه لانها مو بلدهم ولكن العتب والشرهه علينا حنا اهل البلد :mad:

[كنعد]

الاخ كنعد
انا ماقول الكلام هذا لان عندي طراد لا والله ولكن والله مو عذر ان ماعندي طراد ارسل كيس او حتى فلين بعدين على فكره تقدر تقولي شلون بعرف اذا انا مار على الخيط او لا اذا الكيس طايفك وانا مار قريب من السيف
مره ثانيه ارجع واقول هذه انانيه وابدا مو عذر لتلويث البيئه البحريه واذا البنغاليه خربوها هذه لانها مو بلدهم ولكن العتب والشرهه علينا حنا اهل البلد :mad:

كلامك صحيح 100 / 100

طيب لما ينقطع الطعم من الكيس خلاص الخيط ينزل تحت

وبنسبة للارساليات انا انصح الاخوان يرسلون بلفلين لانه ما يوصخ البحر الهوا يطلعة على السيف وتنتهي السالفة



وما اعتقد اخيوط الارسالية هي الي تشربك المكينة بس في اشياء واجد مثل حبال القراقير والاخشاب الي تكون طافحة بس ماتبين

الواحد ما يقدر يسوي شي وانا اخوك الا انه يتوكل على الله ويقول دعاء الركوب قبل مايمشي بالطراد وربي يحفظك

وما انصحك تتمشى قريب السيف اقرب من 500 متر

والله يوفقنا وياك