الله لا يهينكم عندي استفسار عن الجيب الهدد

[صياد المجمعه]

السلام عليكم ورحمة الله وبركاته

عندي استفسار يا قروم مكشات بكم سعر

الجيب الهدد موديل 2007 ونش ودفلوك

وكذلك بدون ونش ودفلوك

طبعا النظيف مره بالسوق كم يسوى لاني والله ناوي على واحد

ولكم مني جزيل الشكر والدعاء لكل من رد على الموضوع....

[صياد المجمعه]

وين الردود يا شباب وللمعلوميه الي اسال عنه خلفية لكزس....

[abumohammad99]

الموتر يستاهل بس أغلوه غلى فاحش.

لدرجة انه تعدى سعر الوكالة النضيف منهن.

وان لقيت نظيف 2007 خلفية لكزس فل كامل وممشاه مهوب واجد.
فدون 130000 منتب لا قي الا واحدن جايه جور والا فيه عله من صدم أو غيره.

هذا الكلام من دوران في المعارض ونشده حول شهرين وآخرتها رسينا على جديد والله يبارك لنا فيه.

واللي خلاني أشري جديد أنك تفك واحدن على يدك ما ساقه أحدن قبلك وعارفن وش فيه وش ما فيه.

تحيتي لك,,

[ذيب زلفاوي]

نصيحتي تشتري 2005 وتركب له خطوط واصطبات 2006 هذا هو الحل الوحيد اما اني اشتريه 140 الف معصي ياخي الجديد ابوي شاريه 165 الف قير عادي بدون ونش ودفلك

[علي عليوه]

قبل فترة بسيطة جدا كان فيه اعلان عن واحد أبيض فل

وخلفية ما شي بحدود 50 الف يقول يسام 143 ألف

لكن اللي يبي يوسع صدره يطيح بالفرصة الطيبة والموتر الطيب ولا يهمك الممشى إذا كان المستخدم واحد

وعموما دون 135000 لايمكن تحصل 2007 فل أبيض نظيف

[صياد المجمعه]

للررررررررررفع

[صياد المجمعه]

وش دعوه يا شباب 91 مشاهده ولا فيه ردود تشفي الغليل...

[علي عليوه]

وش دعوى يا صياد ليه ما تشفي الغليل

أنا راح أكون معاك لآخر الخط بس عطني أسئلة محددة

لكن لو قلت لي كم يسوى هدد 2007 أبيض فل نظيف ماشي 60000 ألف وارد اليحيى أقول لك

من 135000 إلى 140000 وكل ما نقص الممشى كل ما زاد السعر شوي

لكن ممكن يجي واحد ويدفع فيه 145000 لسبب معين مثل يكون الموتر معروف

أو رجال منحد على المشترى

المطلوب منك عطنا موتر يكون موجود وشفته أنت وعطنا وصفه ومواصفاته وأبشر بستين ذيب يفزع لك

بتحديد السعر بشكل شبه دقيق

[abofahd55]

قبل فترة بسيطة جدا كان فيه اعلان عن واحد أبيض فل

وخلفية ما شي بحدود 50 الف يقول يسام 143 ألف

لكن اللي يبي يوسع صدره يطيح بالفرصة الطيبة والموتر الطيب ولا يهمك الممشى إذا كان المستخدم واحد

وعموما دون 135000 لايمكن تحصل 2007 فل أبيض نظيف

:good: :good: :good: :good: :good: :good: :good: :good: :good: :good: هذا الكلام

[Mohammed_S]

والله من عندي واللي أشوفه


دام أني وصلت لموديل 2007 بقيمة 140 ألف فعز الله أزيد فوقهن شوي وأخذ لي جديد ولا أدري عن واحد يبيع له موتر موديل 2007 ويقول فيه ويمدحه لأن هذي سلعته لازم يروج لها
هذا وأحنا الحين في 2010 يعني موتر له ثلاث سنوات
الا أستخر ربك وشيء تفكه جديد بيدك أبرك وأريح لك بعد من موتر ما تدري عنه
هذا ان كانك تسأل عن الردود والرأي


والله يوفقنا وياك لكل خير

[النايف999]

خذلك جي اكس من الشكل الجديد ممتااااااااااااز جدا

واسعاره مثل الــــــــــــــــــــــــ2007

[صياد المجمعه]

الله لا يهينكم يا شباب انا فلوسي من 115 الى 120 الف وش يجيب لي هل يجيب لي 2007 بونش ودفلوك ولا بدون وهل اقدر اشري بالفلوس هاذي جكس 2008 ولا لا الله يبيض وجهيكم كل من رد علي وجعل وجهيكم محرمه عن النار ووالديكم يا رب..

[علي عليوه]

الله لا يهينكم يا شباب انا فلوسي من 115 الى 120 الف وش يجيب لي هل يجيب لي 2007 بونش ودفلوك ولا بدون وهل اقدر اشري بالفلوس هاذي جكس 2008 ولا لا الله يبيض وجهيكم كل من رد علي وجعل وجهيكم محرمه عن النار ووالديكم يا رب..

هالحين خليتنا نتوازن الله يجزاك خير ,,

مادام فلوسك 120000 كحد أقصى ممكن تحصل 2007 ماشي بحدود 100000 سياحي أو بفتحة فقط لكن ما يكون يملأ العين بالحيل يمكن يكون فيه رفرف أو رش بسيط

وبالنسبة لـ 2008 لو بغيت 6 سلندر تحصل بالراحة يكون فيه بعض المواصفات مثل فتحة ودفلوك لكن ما أنصح فيه
والـ 8 سلندر ممتاز جدا بس غالي دون 135000 سياحي ما تحصل يعني احسب حساب 140000 وطالع
هذا ما أراه ويمكن يتخلله بعض الأخطاء لعلك تعذرني فيها
وربي يوفقك دنيا وآخره