قصه قصيره عن الشايب والحراج [الأرشيف]

مشاهدة النسخة كاملة : قصه قصيره عن الشايب والحراج

فهد الهلالي

16/05/2010, 12:23 AM

اليكم هذه السالفه القصيره
في احدى مدن المملكه
كان هناك شايب يشتغل محرج في سوق الحراج
وفي يوم من الايام لم يجد مايحرج عليه
وهو متعود على الحراج يوميا

فاخذ يحرج بالسوق باعلى صوته فكان يقول خمسه وعشرين خمسه وعشرين
مر عليه شخص فقال له ياعم انت تحرج على ايش لم ارى عندك بضاعه وانت تحرج فقال سته وعشرين
سته وعشرين
انصرف ذلك الرجل دون ان يعلم ماهي بضاعته
وبعد قليل اتاه رجلا اخر واخذ ينظر على ماذا يحرج فلم يجد شي عنده
فقال له ياعم على ماذا تحرج لم ارى عندك شي فقال سبعه وعشرين سبعه وعشرين فذهب ذلك الرجل ولم يعلم ماهي بضاعته اللي يحرج عليها
وبعد قليل اتاه رجل ثالث فقال له ياعم على ماذا تحرج لم ارى عندك بضاعه
فالتفت اليه الشايب وقال ثمانبه وعشرين ثمانيه وعشرين
فقال الرجل وماهي الثمانيه والعشرين ولم ارى شخص زاد بالسعر ريال واحد وانا لم اسوم بزياده
فقال له الشايب
له انا لم احرج على شي
فقال الرجل اجل على ماذا تحراج

فقال الشايب
انا لم احرج على بضاعه ولكن اعد الملاقيف اللي مثلك والا وش دخلك فيني وماذا احرج عليه فانت اكملت الثامن والعشرين من الملاقيف الذين يسالون عن بضاعتي
انتظر قليل سوف ياتي ملقوف مثلك سوف يكون التاسع والعشرين
صحيح من قال
من راقب الناس مات هما
انتهت ارجوا ان تكون اعجبتكم

ابوحمزة 2009

16/05/2010, 12:29 AM

هههههههههههههههه حللوة

فهد الهلالي

16/05/2010, 01:33 AM

هههههههههههههههه حللوة

هلابك يابو حمزه
والحلو تواجدك الله يحفظك

منصور بن محمد

16/05/2010, 01:58 AM

عليكم السلام ورحمة الله وبركاته

حياك الله اخوي فهد

ههههههه

من راقب الناس مات هماً :good2:

قصه ممتعه الله يجزاك خير

شكلي بسويها :D <--- عنده حراج ههههه

فهد الهلالي

16/05/2010, 07:03 AM

عليكم السلام ورحمة الله وبركاته

حياك الله اخوي فهد

ههههههه

من راقب الناس مات هماً :good2:

قصه ممتعه الله يجزاك خير

شكلي بسويها :D <--- عنده حراج ههههه

هلابك اخوي عقاب
المتعه في حضورك
شكرا لمرورك العطر
تحياتي

محمد الظاهري

16/05/2010, 11:32 AM

قصه حلوه
تزداد دوما في الابدعات الجميله
يعطيك العافيه يابو محمد

اخوكـ..الصغير محمد الظاهري

الجرح الحزين

16/05/2010, 05:43 PM

السلام عليكم ورحمة الله وبركاته
اسعد الله اوقاتكم بكل خير
الله يعطيك العافيه وجعلك سالم على طرحك الطيب لهذا القصه ،، والواحد مننا يحتاج انه يضحك بين فتره وثانيه بمثل هذا القصص اللي فيها طرافه وايفاده..
الله يزيد من فضله ،، ويجزاك الجنه..

كساب الطيب

18/05/2010, 02:05 PM

اضحك الله سنك يالشيخ

هههههههههههه
التاسع والعشرين
التاسع والعشرين

بن جعيثن

19/05/2010, 11:01 PM

السلام عليكم
يا كثرهم الي ملاقيف
جزاك الله الف خير
تفبل مروري محبك بن جعيثن

فهد الهلالي

23/05/2010, 10:35 AM

السلام عليكم ورحمة الله وبكاته
اشكرجميع الاخوه الاعضاء على ردودهم الطيبه
تحياتي

رساويxp

23/05/2010, 03:07 PM

والله يالقصهـ فله وينوخذ منه عبره

ويسلمو اخوي فهد على القصه
وصحيح : من راقب الناس مات همـــــاّ

فهد الهلالي

25/05/2010, 02:29 PM

والله يالقصهـ فله وينوخذ منه عبره

ويسلمو اخوي فهد على القصه
وصحيح : من راقب الناس مات همـــــاّ

هلابك يارساوي
والفله حضورك معنا في هذه القصه
تحياتي

ذراع الذيب

26/05/2010, 04:43 PM

السلام عليكم ورحمة الله وبركاته,,
مسيت بالخير يامعشي الذيب,,

عزالله سالفه طيبه واضحك الله سنك وصحيح من راقب الناس مات هما,,
وحنا بأنتظار قصيدة الذيب كامله لاهنت والله يعطيك العافيه ويبارك فيك,,
تحياتي لك,,

ابوزياد99

26/05/2010, 04:55 PM

اسمحو لي : الشايب غلطان لانه بموقع حراج والناس عارفه ان الشايب دلال يحرج وشد انتباهها المبلغ الصغير 26-27 واعتقد انه قال بنفسه لعل الاقي فيها مكسب لان السعر يمكن يكون معه والامر الاخر قد الناس سألت الشايب تتأكد اذا اهو طبيعي ولا لا ولو كل الاشخاص مر عليهم نفس الموقع اعتقد ماراح يمر عليهم ماسالوه بس مو لقافه ولا كان محد خش سوق الحراج ولكم مني جزيل الشكر .

فهد الهلالي

05/06/2010, 11:53 AM

السلام عليكم ورحمة الله وبركاته
اخواني اعضاء وزوار هذه الخيمه
اشكركم على ردودكم الطيبه لهذه القصه
وفقكم الله
تحياتي

عجاج السناف

05/06/2010, 02:13 PM

قصه طريفه جدا
كان ماني وهم هذي السالفه صايره بعنيزه

والله ياعندي سالفه للخيمه
تبي تعجبك يافهد
بس بحاول اسمع السالفه مره ثانيه ضيعته

فهد الهلالي

09/06/2011, 12:45 PM

هلابك ياعجاج السناف
والقصه واقعيه مايحتاج

قوافي ( أم نهار )

11/06/2011, 07:34 AM

حياك الله مشرفنا ابو محمد
سالفه جميله بس على هالحال كم يبيلنا من شايب يحرج مثله
لان سبحان الله بعض الناس مالهم الا تقصي اخبار غيرهم وكانها مهنه
الله يصلح الحال
كعادة قلم ابومحمد لايكتب الا الجميل
مشكور اخوي
تحياتي.اختك
..قوافي..

دلهميز

11/06/2011, 09:04 AM

يا سلام عليك يابو زياد

بالفعل اظن تصرف الشايب هو التصرف الاحمق

وعادة الحراج ان المارة يتجهون الى جهة الصوت وينظرون في البضاعة فان كان لهم بها حاجة والا انصرفوا وبذا يتحقق التجمع والمزايدة

ومن سأل الشايب على ماذا تحرج فهو على حق

وعد الشايب لهم ملاقيف هذا ليس بصواب

لكن بعض الناس اذا ما لقى حراش ومهاوش نبش عنه ,,, سواء كانت القصة صحيحة او ضربت كمثال ,,, لأن لها مثيل في حكايات التراث مع بعض الاختلاف

انسانه؟

11/06/2011, 10:56 AM

:)قصه رائعه وطريفه
اضحك الله سنك واسعدك الله ,.
انا ماعتبرها لقافه بس هي طرافه من الشايب مالقى شيء غير يعدالناس
ويقول ملاقيف بعد >جذبهم صوته يمكن :)
الله يعطيك الف عافيه وربي يبارك فيك

مخاوي ذيابه 9

11/06/2011, 05:05 PM

هههههههههههههههه حللوة

النبهاني

11/06/2011, 05:23 PM

هلا والله وغلا بفهد الهلالي
الشايب ما تعطل واشغل وقته
واشوا انه ما غير المهنه
قصة طريفه وسعة الصدر
الله يشرح صدرك للاسلام ويعمر قلبك بالايمان

سليمان الربيعان

12/06/2011, 10:32 AM