المساعد الشخصي الرقمي

مشاهدة النسخة كاملة : تركيب خرائط جارمن نوفي nuvi 205 (( عطوني الحل قبل اكسره ))


swelem
16/05/2010, 01:16 AM
السلام عليكم ،،


قدر الله علي واشتريت جارمن nuvi 205 من دار موجه ببريدة


والغلط الأكبر اني ركبت خرائط الشرق الاوسط من نفس المحل بـ400 ريال ؟؟

بزعم من صاحب المحل ان الخرائط الغير اصلية تؤثر على الجهاز !! واكتشفت العكس !



القارمن ممتاز من جميع النواحي لكن العيب الوحيد فيه الخرائط !!


خرائط قديمه وانا مشتريها على اساس انها 2010 !!!


فيه شوارع رئيسية لها اكثر من سنتين خالصه وغير موجودة بالخريطه !! هذا غير المحلات وغيرها وغيرها !


والمشكلة الثانيه هي عند البحث عن قرية او حارة او حي مايجيب نتائج !


مع العلم انها موجودة اذا بحثت عنها يدوي بتحريك الخريطه وموجودة احياناً اذا بحثت عن المدن القريبة !!


مثال : ضغطت على ( المدن) يطلع لي من المدن القريبة ( البصر) لكن إذا جيت اكتب تهجئة (البصر) مايجيبها !!



المشلكة الاكبر اني يوم جيت اغير الخرائط حاولت انزلها للقارمن بشتى الطرق لكن مانفع معي ولا طريقة !


يعني اشتريت خرائط بـ400 ريال نسخة 2010 وطلعت ماتسوى ريالين :D


ويوم جيت اغير الخرائط نزلت من الانترنت خرائط خاصة لـnuvi205 وماقدرت انزلها بالقارمن !



اعرف ان البعض راح يرد علي مشكوراً ويعطيني حلول


لكن للمعلومية تراي جربت أغلب الحلول عشان انزل الخرائط بالجهاز ومانفع شيء


بحثت بمكشات وبمواقع ثانية مختصه بجارمن وبحثت بقوقل عن حل لكن مانفع شيء !



ياليت الي يبي يساعدني يطول باله علي لأن بيني وبينكم الجارمن جابلي المر وشكلي ابكسره :D


الي جايب لي احباط ان واحد معه جارمن على الجوال ولو يبحث عن (بيت فلان) طلع له نتائج :D


وانا معي جارمن متخصص وبالكاد يجيب مدينة !



تحياتي لكم والمعذرة على الاطاله ..
alnkhlh
16/05/2010, 01:21 AM
نفس المشكله يا بيه

ننتظر الحل
swelem
16/05/2010, 01:36 AM
نفس المشكله يا بيه

ننتظر الحل



شكل المشكلة عالمية :D

ننتظر احد الخبراء يفيدنا عن الطريقة السحرية لتركيب الخرائط قارمن nuvi 205 !!
الجمــــــــــــــل
16/05/2010, 01:48 AM
بالنسبة للخريطه فيه موجود الحين اصدار 2011 فيه مدينة بريدة بالتفصيل
وهذا موضوع عن طريقه تركيب الخرائط وبداخله رابط لخريطه 2011
http://www.mekshat.com/vb/showthread.php?t=296134
عبدالله الجوعي
16/05/2010, 09:03 AM
امسك أعصابك ومافيه مشكلة إلا ولها حل بإذن الله

راجع موضوع الأخ asmj2010

وركز على الكلام التالي

ويجب الانتباه بعدم حذف اي ملف ليس امتداده img وفيه بعد خريطه تسمى خريطه
العالم موجوده في كل جهاز لا تحذفها لأنها مهمه وهي القاعده للخرائط واذا حذفتها
تصير احد الخرائط بالجهاز شغاله على طول وما تقدر تشيل علامه الصح عنها

أما بالنسبة لدفع 400 ريال فلا تتحسف لأنك الآن تعتبر اشتريت الخريطة الأصلية وتكون بريء الذمة من ناحية تركيب الخريطة المكسورة

وإذا كان إصدار الخريطة 2010 حاول إنك تحدث الخريطة عن طريق موقع قارمن

وبالنسبة للملفات الناقصة لديك بإمكانك البحث عن نفس الجهاز مع شخص آخر وتركيب النواقص مثل الصورة التالية

http://www.mekshat.com/pix/upload04/images164/mk88173_560579373.jpg
alnkhlh
16/05/2010, 10:45 PM
سويت الطريقة خطوة خطوة

ولا طلعة لي الخريطة الجديده

ما ادري ايش المشكلة
هارون97
17/05/2010, 09:39 AM
اخوي انا معي نوفي 780 جنن سويت مثل ماقالو الشباب بس ماضبط وبعد ذلك بيت اتخرص في أسماء الخرائظ حتى اكتشفت لازم أشيل img وركب احسن شي وكذلك خريطة العالم هذا ضروورية
swelem
18/05/2010, 01:11 AM
ابشركم لقيت الحل بعد عناء


والفضل بعد الله يعود لرد الاخ asmj2010 الي مسكني بداية الطريق لحل المشكله


* حل مشكلة عدم ظهور ملفات القارمن بعد توصيله بالكمبيوتر:



1- وصل القارمن باللابتوب عن طريق usp


2- انتظر حتى يتعرف القارمن على الجهاز


3- ادخل على جهاز الكمبيوتر ستجد القرص الخاص بالقارمن


اذا فتحت القرص راح تواجهك مشكلة عدم ظهور الملفات الموجودة بالقارمن
وهذي مشكلة عانيت منها وحلها بسيط جداً وهو كالتالي:
- جهاز الكمبيوتر ثم كلك يمين على قرص القارمن ثم اختر (بحث) ،
ثم اضغط على زر بحث ( بدون كتابة شيء في خانة البحث )
راح تظهر لك الملفات الموجودة بالقارمن .



4- الآن تابع موضوع الأخ asmj2010 واتبع الخطوات بدقه متناهيه لأن أي لخبطه ماراح يزبط معك


هذا الرابط : http://www.mekshat.com/vb/showthread.php?t=296134


وإذا ماضبطت معك تأكد من انك سويت التالي :


-تغيير أسم الخريطة لأحد الاسماء الي تنتهي بـ img
- لاتحط اكثر من 3 خرائط بالقارمن
- لاتحذف اي ملف في قارمن غير الخريطة الي بتستغني عنها



للمعلومية انا استطعت اركب الخرائط بالقارمن لكن مشكلة عدم ظهور نتائج لبعض المدن والقرى والأحياء وأماكن مشهورة لازلت أعاني منها ، ويبدوا ان الحل مثل مافهمته من رد الأخ عبدالله الجوعي يتعلق بالملفات المرفقة مع القامن وليس بالخريطه !





وبالنسبة للملفات الناقصة لديك بإمكانك البحث عن نفس الجهاز مع شخص آخر وتركيب النواقص مثل الصورة التالية




ملاحظة : الكلام كله على قارمن nuvi 205 ولاعلم لي بالأنواع الأخرى


تحياتي
طير بريدة
08/08/2012, 02:31 PM
لوسمحتوا اي رابط من ذولي يركب على جهاز ( Garmin nuvi 205w ) ..!!
طير بريدة
08/08/2012, 02:36 PM
..


معليش برد على موضوع خرائط 2013 ورديت هنا ..
هارون97
09/08/2012, 03:54 AM
وش صارعليك