أفضل الفياض اللي ينصاهن الواحد على طول

[برقاوي]

السلام عليكم
يا شباب الربوع الجاي بإذن الله أباصل الصمان وتخبرون أربعاء وخميس وجمعة ونص الوقت طريق لأننا من الرس والطريق طويل شوي بس أبي الله يجزاكم خير
أفضل طريق أمشي معه ويكون يمر على أفضل الفياض والأماكن المربعة
وأنا ودي تكون المحطة الأولى التنهات وبعده الأماكن الأخرى ولا وش رايكم
وودي آصل شعيب محارق
الله لا يهينكم عطون أفضل طريق وبسرعة لآن مشيتي يوم الأربعاء

وأيضا يكون الموضوع عام لكل الإخوان ومرجع للي يبي أحسن الأماكن
ومشكورين :light: :light: :light:

[مراويح الصيف]

عزيزي برقاوي .................................................. .......................مساك الله بالخير
وانا صراحة مثلك نا وي على الصمان هالاسبوع بس ياليت الشباب يزودونا بالطريق الواضح واسماء الفياض المربعه واحداثياتها

[((( الحر)))]

اما من ناحية الطريق ياخوي برقاوي على مايلي

طريق القصيم السريع حتى مخرج تمير واذا كان قبله مخرج لبوضاء فهو اقرب ثم مبايض ثم الشعب ثم ام رجوم بعد ام رجوم طريق بري روعه مسافته 24كم صياهد خضر وبعده تحول على التنهات واحداثية التنهات تدلك على طول وتنزل على التنهات من جهة الشمال الغربي .
واذا بغيت تطلع للصمان من التنهات امسك الازفلت الي شمال الروضه ويلف على الروضه من شرق ثم يتجه جنوب وروح حتى دوار العتش ، يسار الصمان وعلى طول تروح لمحارق وجهاته
من ناحية افضل الفياض بالصمان فالبخراء ورديفتها وروضة نوره من افضل الفياض وحسنا السبق وردايفها وقراينها روعه ولا تنسى تمر على جويات السبق عن حسنا السبق شمال غرب 5كم تراها زينه وتستاهل من يمرها

الطريق الثاني للتنهات الي مع رويغب اوالطوقي اطول من الي وصفتلك.

واذا فيه اي استفسار او تبي اي احداثيه انا حاضر

تحيتي ...اخوك....((( الحر)))...!!!

[المنصف]

إخواني برقاوي وجي اكس آر
السلام عليكم ورحمة الله وبركاته
انا رحت الإسبوع اللي فات واللي قبله
اللي قبله رحت لروضة ام المصران واللي حولها ولكن ام المصران مليانة ماء
واللي حولها زين بس متعب شوي
ولكن اللي أحسن منهن كلهن جيته الإسبوع اللي فات
ولكن ماكان معي الجهاز لأني معزوم هناك عند صاحب إبل
ولكن الطريق سهل جدا والأرض ليست كأراضي الصمان وعر وروضات
ولكنها أرض مستويه خضراء تسر الناظرين وتفتح النفس وعندما تجلس فيها لاترى إلاأرض خضراء
وطيور القرقس تحوم حولك وللأسف ليس معي شوزن
وترى وأنت جالس وسط الخضرة الكثبان الرملية الجميلة أمامك
والمكان وصفه كالتالي :
بعد رماح وقبل ماتاصل شويه تقريبا عشرون كيلو تجد محطة بنزين على يسارك
وهي المحطة الثاني وأنت جاي من شويه
المهم إلى جيت المحطه عب بنزين واتجه باتجاه الغرب 26 كيلو تقريبا ودور لك مكان واجلس
وابن خيمتك

[برقاوي]

الله يجزاكم خير على الوصف الطيب يالنشامى
والله يا مشرفنا الحر الصراحة كفيت ووفيت بس ممكن تعطين خارطة توضح المواقع علشان أضبطه زين والإحداثيات لو تكرمت
ويمدين آصلهن كلهن بخميس وجمعة ؟؟؟
مشكور يا خوي المنصف بس أنا أبتمشى بالفياض مانب مخيم

[برقاوي]

لو تكرمت يا مشرفنا الحر ما فيه رد

[((( الحر)))]

اخوي برقاوي اسف يالغالي على تاخري بالرد
هذي خريطه مصغره للوصف
http://www.mekshat.com/pix/upload/images7/mk1112_546456.JPG
وهذا رابط لموضوع لمشرفنا المبدع محب البر فيه جميع خرائط المملكه هنــــــــــــــــا (http://www.mekshat.com/vb/showthread.php?t=20188&page=1&pp=15)

الخريطه الي فيها وصف الطريق الخريطه رقم 8 مع طريق القصيم الرياض السريع حتى مخرج جلاجل والرويضه اطلع معه وخذ يسار متجه للرويضه بعد الرويضه تجيك بوضاء ثم مبايض ثم الشعب ثم ام رجوم ثم طريق صحراوي الى التنهات , والتنهات وام ارجوم في الخريطه رقم 7 الخاصة بمنطقة الرياض

اذا فيه اي استفسار انا حاضر

تحيتي

[برقاوي]

تسلم والله يا مشرفنا الغالي
ولكن الظاهر إنه ما يمدي آصل فياض الصمان لآن الوقت يبيضيع والربع قالوا لي أوصل التنهاة ومحارق والشوكي والمناطق اللي حوله ويكفن
لكن ما أدري هل روضة الخفس تستاهل من يجيه وأيضا روضة نورة اللي حول الخفس مربعة ولا لا؟؟؟
والله يجزاك خير ليش وادي محارق ما يكتب بالخرائط
كثرت عليك لكن تحملن يا بعدي وتقبل مني أجمل تحياتي

[شاهد عيان]

هلا ببرقاوي
رحلت للصمان الأسبوع الماضي ( من بريدة ) وجازلي ما يلي :

1- الطريق الترابي بين أم رجوم والتنهات ( أرض رملية متواسية تمشي سرعة 120 فيها ربيع وربله مد النظر ) لكن لا تصلح إنك تعني لها .
2- روضة التنهات ( فيها أزهار وموية وجاها سيل يوم الجمعة ) بس فيها ماء كثير .
3- فيضة خبراء البخراء بالصمان ( ربيع جيد وأرى إنها أحسن الفياض ) .

تحياتي

[برقاوي]

بس يا أخ شاهد الوقت خميس وجمعة الواحد إما يروح للتنهات والمحارق والطوقي وياخذ راحته بهن
أو ينصى الصمان على طول صعبه إنك تروح للتنهات وتاصل محارق وتقعد بهن ثم للصمان يروح الوقت بالمشي
حتى الصمان إذا نصيته لحاله باليومين ذولي يالله تلحق على أطرفه
وأنا اللي مدحوا لي الناس اللي جوا من الديار ذولي قالوا رح لم التنهات ومحارق واللي حوله أزين لك ربيع يستاهل وتستغل وقتك
بس أنا أبي المكاشيت والفياض اللي حول التنهات ومربعات ويصلحالواحد يجيهن مثل فيضة الخفس وغرب عنه فيضة نورة والشوكي

[شاهد عيان]

فعلا خميس وجمعه الوقت ضيق فيها
وأرى والرأي لك لا تتعدى التنهات والشعبان اللي فيها ( شعيب الشوكي ) إذا كانت رحلتك خميس وجمعة فقط

[برقاوي]

بس أنا أبي المكاشيت والفياض اللي حول التنهات ومربعات ويصلح الواحد يجيهن لو تكرمتوا

[رسلان]

اخوي :
التنهات .......................... محارق ......................... الترباعة

فيها غنيتك ........................................ مايحتاج تروح للصمان .....

الصمان 500 كم على الأقل ... مافيه وقت .............................................

مواضيع كثيرة عن محارق مثلاً تأخذ بالعقل .................................................. .....

نصيحة ........... الصمان ممتاز جداً ...............................................

التنهات ومحارق أيضا ممتازه .......................

اجزم على حداهن ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وابشر بالوصف والاحداثيات .................................................

[برقاوي]

الشكر موصول لكل من تفاعل مع الموضوع
الجزمة يا أخ رسلان على التنهات ومحارق بس أبي الوصف العدل والاماكن الزينة حوله

[الطعس الذهبي]

جزاك الله خير مشرفنى الحر

[احب البر]

انا يوم الخميس 7/2 في روضة نورة اللي قريبة من رويغب وهي ماتستاهل العنوة لان الربيع فيها خفيف ومتفرق فيها على شكل بقع يعني ماربعت كلها واللي مربع خفيف ماعدا الجزء الشرقي منها تقدر تقول هو افضلها . واذا هي على طريقك بدون عنوة والا فيه مناطق افضل بكثير الشوكي ووالروضات اللي حوله والتنهات ومحارق افضل بكثير .. والله يوفقك .

[برقاوي]

جزاكم الله خير على تفاعلكم وهذا والله خبري بكم يالنشامى
وأخص بالشكر مشرفنا الغالي الحر اللي ما قصر والله أبد

[abozeid]

الاخ برقاوي
بالنسبه للخفس الداخليه وروضه نوره والحقاقه ومجر العتش كله ما فيه شيء يسوى الذكر، اذا تبي مكان زين في ها المناطق رح لفيضة الترابيع وما جاورها وخاصة شعيب جويعد ومنها تقدر تروح لفيضة البلدي وكل هذه الاماكن قريبه من التنهات وفيها ربيع توه طالع (غض) واعتقد انها تسوى من يعني لها.