باركولي شريت جهاز 276Cالملون اليوم وعندي بعض الاسئله

[راجع276]

السلام عليكم ورحمة الله
تم بحمد الله اليوم الاحد 10/ صفر/1426هـ شراء جهز 276Cالملون قبل صلاه الضهر الساعه 11وربع تقريبا

وكان مع الجهاز التالي :

1-كتلوج عربـــي
2-كتلوج انجليزي
3-قاعده للجهــاز
4-شاحن منزلـــي
5-شاحن سياره لكن بدون جمجمه :D
6-وصله يو اس بي للتوصيل بالكمبيوتر
7-ضمان لمدة سنه
8-الفاتوره :D

كل هذي بــ 2100 ريال سعودي

وشريت معه شريحه حجمها 32ميقا بــ 300 ريال سعودي
احس ان حجمها كبير والا وش رايكم يقولون ان الشريحه 16 تكفي
والشرحه فاضيه لانهم يقولون ان خريطه الصحرا تبي تتحدث يوم السبت الجاي
قلت اصبر علشان ابغبز :p واحوس بالجهاز وانزل فيه من خرايط النت حتى يوم السبت

الاسئله :
السؤال الاول :
ابي اعرف كيف اقدر اركب راس لشاحن السياره لان فيه اسلاك كثيره وملونه الي هي
1-ابيض 2-احمر 3-ازرق 4-برتقالي 5-اخضر 6-اصفر 7-اسود 8-كحلي او ازرق غامق
وفيه سلك لكن فيه فيوز كأنه قمبله :D

السؤال الثاني :
السي دي وش الي فيه وايش فايده الي فيه



.

[ABU-AL-3eeS]

بالنسبة لي وديت الشاحن للمحل (( العامة )) وركبوه لي ,
السي دي الظاهر فيه برنامج الماب سورس ماني متاكد والله شف مكتوب عليه.


عاطل,,مع التحية

[desertman]

السلام عليكم
مبروك عليك الجهاز الله يعطيك من خيره ويكفيك سره
بالنسبه للسلاك الكثيرة - اللونين الاسود والأحمر هم اسلاك الشحن اما الالوان الباقيه فهي لمهمات اخري منها السماعات ونقل المعلومات الخ...
اذا اشبك اللونين الاسود والاحمر في مصدر الكهرباء سواء من الباطرية مباشرة او من ولاعة السجائر.

[راجع276]

هلا اخوي عاطل
وانا كنت موظف لكن فصلوني :D
شكرا لك على تجاوبك لكن تراك ماقلتلي مبرووووووووووووووك ;)


هلا والله اخوي desertman الله يبارك فيك
يعطيك الف عافيه وانشالله ابي اقطع راس شاحن للجوال واركبه للقارمن اغديه ينفع والتجربه خير برهان





اخوناdesertman ماقصرت واخونا عاطل بعد ماقصرت

وارجع وانادي الاخوان الباقين يا اهل الخبره ابي اعرف وين اسلاك السماعه وغيرها
والسيدي كيف استفيد منه




.

[ابوجهاد]

انا بس ابا رك لك شراء الجهاز الله يعطيك خيره
ويكفيك شره
ولو تكرمة من الوكيل للجهاز ومن اي مدينه
وجزاكالله خير

[بليزر]

مبروك الجهاز
جواب السؤال الأول
لو انك رديت الكيبل الأول لصاحب المحل وطلبت منه كيبل الولاعة كان احسن او رح لدار موجه يركبون به رأس ولاعه والله يكون في عونك
السؤال الثاني تعرف على نوعية الملفات الموجودة فالربما كان به الماب سورس عنده نزله على الجهاز
وإن كان فيه خرائط لدول اجنبية فما له داعي

[الربذي]

;) اخوي راجع ومبروك الجهاز والله يهنيك فيه
وياجعل طلعاتكم ورجعاتكم محفوفه بسلامة وحفظ الله سبحانه
ومبرررررررررروك اخوي راجع انتبة لاتوقف السياره بمكان شبه خالى والجهاز ع الطبلون لان اضعاف الانفس كثر ابادهم الله وعندنا اثنين كسرت قزايزهم ليمعط الجهاز ويهر ب فيه مثل الحصني هالغنيمة الي على باله هارب فيها مالت عليه التعس واحتفظ بكل ملحقاته وحافظ عليه لاني ابي اشتريه منك اذا بغيت تبيع واحد مصلحجي ;)
اخوك الربذي

[aziz2727]

مبروك الجهاز
وتراه شي ، وفي قاعده تبارع عند المحلات توضع في القزازه الاماميه تلصق وتزال متى ما بغيت ... بتخدمك واجد

[rayes3]

الف مبروك والله يمليك بركته

[محب الشمال]

اخوي راجع الله يبارك لك وتشوف على وجهه الخير
واسأل الله ان يوفقك في جميع رحلاتك البرية والغير بريه
والله يحفظك ويعافيك

[راجع276]

هلا والله بالجميع هلا والله ومرحبا. ياخي والله انكم (شقرديه) <<< شقرديه تطلق
على الرجال الشقرديه :D وشقردي تطلق على الرجل الشقردي يعني رجل بمعناها الكامل

والله انكم افرحتوني بردودكم

حياك الله اخوي ابوجهاد ويتربا جاهد بعزك وانشالله يكون مجاهد
والله يبارك فيك وتشريفك شرفنا ياغالي
الوكيل دار موجه


هلا اخوي بليزر
السيدي صار فيه برنامج الماب سورس وفيه اشيا ثانيه ما ادري وشي ابي اشوفه على رواقه
وفي الاخير اشكرك كل الشكر على مرورك والله يبارك فيك ;)


الربذي اقول تبي ابيع عليك هاه اساسا هو ماجاني الا بعد قطع الظهر
والله لو تموت مابعته يامصلحجي خلاص انا زعلت عليك
:D :D :D :D :D

ياعمري يالربذي والله لو تبيه هديه <<<<<<<<< وهق نفسه :confused:
وانشالله راح احافض عليه وشكرا لك على النصيحه


.

[راجع276]

الله يبارك فيك اخوي aziz2727
والله يعافيك على معلومة القاعده وان شاء الله ابي ادورها واشريها


يابعدي يا rayes3
والله يبارك فيك ويعافيك تسلم ياقلبي على بصمتك بالموضوع


الله يقبل دعواتك اخوي الميناء
وياليتي اقدر اجتمع انا وياكم في كشته وحده وش رايك الخميس الجاي بـ التنهاة :D



.

[slomi]

الأخ (راجع 276) السلام عليكم

مبروك عليك هالجهاز وتراه خير ماشريت

بنسبه لسؤالك عن سلك الولاعه
يجي بالسلك الوان كثيره أهمها الون الأحمر اللي به الفيوز واللون الأسود

بختصار شديد وصل اللون الأحمر للموجب+
واللون الأسود للسالب -
وراح يكون شغال اللجهاز
واي سؤال ترانا براس الخدمة


:heart: :heart:
أخوك : سلومي :heart: :heart:

[المنتصر بالله]

ما بقي لك الا ان تركب ها الخارطة للرياض
http://www.mekshat.com/pix/upload/images6/mk10671_2aa.jpg

http://www.mekshat.com/pix/upload/images6/mk10671_8.jpg

http://www.mekshat.com/pix/upload/images6/mk10671_7aaaa.jpg
http://www.mekshat.com/pix/upload/images6/mk10671_13a.jpg
يصير بعد ذلك الجهاز رهيب
بس انتبه وانت تسوق انتبه لايشغلك الجهاز

الله يعطيك خيره ويكفيك شره

[راجع276]

تسلم اخوي slomi
ماقصرت على تجاوبك معي وان شاء الله راح اجربه

اذا ماعليك امر عندي سؤال <<<<<<< ماصدق خبر يوم قال اسئل :rolleyes:
ابي اعرف وشي الاسلاك الثانيه يقولون ان فيه سلك للسماعه ياليتك تقولي اي الالون هو سلك السماعه


هلا والله بعد قلبي المنتصر بالله
حياك الله والله شرفتنا بمرورك
تكفا تكفا تكفا ابي الخريطه واللي يسلمك باسرع وقت
عندي برنامج الماب سورس وجهازي 276c هات الخريطه تكفا

يقولون كلمتة ( تكفا ) فيها ارقاب رجال :D




.

[بهار]

السلام عليكم ورحمة الله و بركاته

أخي / مبارك عليك الجهاز ، و الله يحفظك حيثما كنت ، و اعجبني فيك إن ردودك فيها خفة دم ، و لكن يعاب عليك بعض الأخطاء الإملائية نتيجة العجلة :no2: - اركد بارك الله فيك - فمثلا ( انشالله ) تكتب ( إن شاء الله ) و ( الضهر ) تكتب ( الظهر ) ، و غيره.
لا تزعل مني و أنا أخوك. والله حبيتك من غير ما أشوفك. ;)

[راجع276]

لا لا لا لا مالك داعي يا بهار
احرجتني قدام الرجاجيل المكاشيت مايصر هذا
وش قصدك:mad: يعني انا ما اعرف اكتب :director: <<<<< بيني وبينك انا ماعقدني برابع ابتدائي الا ( الأملا ):D
والقلم الازرق :p

امزح معك اخوي بهار :cool:


اما العجله فبهاذ انت صادق .ما اقدر اركد اذا صارت الكيبورد بين يديني :hot: انهبل :hot:


وإن شاء الله مايكون خاطرك الا طيب<<<<<<<<< وش رايك ( إن شاءالله ) :)





.


لك كل احترامي اخوي بهار واحترام جيراننا واحترام الحاره كلها:D:D




.