حرآرهـ في البآترول .. ولكن مع السرعـة فقط !!

[البدايه]

السلام عليكم

الباترول عندي موديل 90 عليه مراوح سوبارو

عمري ما شكيت منه الا هالايآم .. ويبدو ان هالايام ايام بؤس علي :(

كل مواتري ترتفع حرارتها ليش مدري ..:mad:


عموما . الباترول يبدا مؤشر الحرارة في الارتفاع من اتعدى سرعه الـ 110 وانت طالع .. ويستقر في النص ..

عموما الارتفاع وانا مشغل المكيف .. ولا جربت هل يرتفع بدون المكيف او لا ؟؟


فيه شباب نصحوني بتغيير الخراطيش .. فقلت انا ان شآء الله بغيرها بس ابغى اسمع الارآء كلها منكم ومن غيركم ..

وإذآ تدلوني على محل في الرياض وقريب للبديعة حق رديترات اكون شآكر لكم :p

[شيخ العزوبية]

صيخ الاديتر قبل تسوي اي شي

[داود الهاجري]

أتوقع 90%تماتيك المروحة يحتاج إلى تغيير

:r

[المنيعي1]

بعد فحص تماتيك المروحة واليات أذا كانت سليمة ولافيه خلط والبلف سليم
احتمال 99% تسييخ رديتر

[برق صمعور]

السلام عليكم
حصلت معي نفس المشكلة وحصلت عيون الراديتر متسكرة اغلبها
وممكن ايضاً يكون من الخرطوش اذا اسرعت ينصفط فيمنع دورة الماء
لاكن اول شي سيخ مثل ماقال اخوي شيخ العزوبية ( الله يفك عزوبيته بوحتن طخمى )

[ذيب عالية نجد]

المشكلة هنا طول الله عمرك من الخراطيش وممكن أيضاً من الأديتر لكن أولاً غير الخراطيش لإنه بسبب قدمها تلين ومع سرعة طرمبة الماء للسيارة تنسفط وبذلك ترتفع الحرارة مع السرعة وإذا غيرتها ولم تنزل الحرارة فعليك بالأديتر قم بتسييخه وتنظيفه وإذا لم تنزل الحرارة فعندك مشكلة برأس المكينة التي أرجوا الله لك بأن تكون المشكلة بسيطة
تحياتي لك

[fullmoon]

اخوي انا اقلك احتمال جدا كبير تماتيك المروحة
وهناك اختبار بسيط عشان تعرف ان التماتيك سليم ولا خربان
خذلك كرتون وقص من قطعة ولفها زي الماسورة والسيارة شغالة حط قطعة الكرتون قربها بشويش من المروحة اذا ضعفت او وقفت التماتيك خربان وغيرة وترجع السيارة تمام اما اذا المروحة تمام حتقطع الكرتون بس انتبة الشغلة ترا سهلة وبالتوفيق
استني نشوف النتيجة

[رااعي الفزعات]

السلام عليكم ورحمة الله وبركاته . .
مسأأكم الله بالخير. .
هالمشكلة حصلت لي قبل فترة والحل انك تصيخ الرديتر وان شاء الله تروح مشكلتك . .

ان شاء الله اكون قدمت المفيد . .

تقـــبل مرووري . .

[الباشة]

حبيبي سيخ الرديتر ما راح يظرك كثر ما راح ينفعك كلها 80 ريال واذا ماراحت الحرارة
شيك ونت تسيخ الرديتر على البلف الي في الكوع الي يركب فية الخرطوش الامامي يمكن يكون مجيم واحسن انك تفكة وترمية اذا موجود البلف لانك ما راح تحتاجة ولا تنسى تشيك على تماتيك المروحة

[ابوريما99]

نفس المشكله مريت فيها
وسيخت الأديتر ولا نفع

وفجأه قمت من النوم الصبح وكأني مأمور
دقيت سلف للصناعيه وأخذت أديتر وطني جديد بـ 300 ريال
وركبته بـ 50 ريال ، وعبيته ماء أديتر اصلي
ومن بعدها الحراره نايمه تحت خط الربع

وهالأديتر عاش معي ثلاث سنوات إلين بعت السيارة ولله الحمد
لا تنسيم ولا حرارة

والله يكون بعونك ياخوي

[xابوماجدx]

اخوي الخرطوش مع السرعه ينصفط

اي يتسكر بسبب ضعفه

وهذا سبب الحراره غير الخرطوش

وذا حبيت تتاكد سوله اختبار

اجعل احد الشباب يدعس بانزين ونت راقب الخرطوش

اذا رئيته ينصفط معناته انه خربان

وذا كان ثابت معناته سليم

وبعدها سو اختبار للمروحه

اخذ نعالك اكرمك الله وضعها على المروح اذا توقفت معناتها التماتيك خربان

وذا لم تتوقف التماتيك شغال

[البدايه]

الله يجزآكم خير

والله زي ما توقعت فزعتكم ونصحكم وهذا من طيبكم وطيب اصلكم

[بدوي جنوبي]

الحراره الى النص
عادى ،،، بعدها يبدأ القلق

[سوبر VTC]

حياك

احد الربع ركب غطاء جديد لباترول ربع سلقة م91
و اذا تعدا سرعه 120
الحرارة تعدا الخطين
طلعا مركب غطاء اللي يجي استكر برتقالي
رجع للوكيل
و ركب غطاء بدون استكر
و نامت الحرارة بين الخطين :good::good:


اذا كان الماء ينقص
افتش الفرشة الارضية حقت الراكب و السواق
احتمال تحصل اثر ماء
لانه حصلت بالباترول و الباثفندر
انشعرت ماصورة ثلاجه المكيف الدفاية و هرب الماء
ان حصلت ماء بالارضية تلحم الثلاجه و تضبط
ايضا
يوجد طبة بين القير و المكينه
تاكد من وجود اثر ماء
كد هربت لباترول سلقة 91
ان كان فيه تهريب ينزل القير و تغير
و تاكد من طبات السلندر
ايضا افتح غطاء الزيت اذا احتمى
و تاكد هل يوجد بخار ماء حليب ابيض على نفس الغطاء
اذا كان يوجد
فهو شعر بالراس او ضعف بوجه الراس
***

هنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good::good:



1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر


تاكد من كلتش المروحة + البلف + الخراطيش
البلف لو كان قافل بسيط تضرب الحرارة على الاتش
لان الماء مايدور بالسرعه الكافيه من الاديتر الى المكينه
تاكد من طرمبه الماء لا تكون خربان

ان بغيت ورش بالرياض او بريده علمن

اذا احتمى الموتر
فض الموتر و قف خصوصا اذا وصلت النص
و دس بنزين خل الابنص على 1.5 لمده دقيقة او كثر
اذا لاحظت ان انبير الحرارة ينزل :good:
فطرمبة الماء تمام تدفع الماء :good:
اذا العكس فالطرمبة مبوشة متاكلة مجيمة متكسرة الريش او
البلف قافل او الخراطيش تنسفط مع السرعه
او اساسا الاديتر متسكر تسييخ
احتمال ربما
ان رصات الاديتر => مجاري الماء مقوسة
بسبب الحرارة
بمعنى ضاغطة على بعض
و بالتالي مايدور الماء بشكل سريع و طبيعي
اقرب مثال لتقويس رصات الاديتر
الباثفندر اذا احتمى يقوس اديتره
ماينفع معه التسييخ نهائيا
يتبدل باديتر جديد
دس بنزين و غطاء الاديتر مفتوح
اذا دار الماء او تحرك او نزل فالوضع تمام
اذا العكس فشيك على الطرمبة او الاديتر مسكر

مواضيع ذات صلة

حرارة الباترول 97 (http://www.mekshat.com/vb/showthread.php?t=202820)

مشكلة الحراره في الباترول .. أتعبتني (http://www.mekshat.com/vb/showthread.php?t=245718)

اصاب الخبره في ((الباترول)) قبل فك المكينه .... عاجل (http://www.mekshat.com/vb/showthread.php?t=241669)


حل اخر لنقص الماء

تاكد
من طبات رقع المكينه حقات السلندر مع الجوانب
+
توجد رقعه بين المكينة و القير احتمال تحصل اثر ماء
تاكد من عدم تنسيم الخراطيش من عند القفزان
تاكد من طبلات الاديتر خصوصا اذا جلدت الموتر بتطعيس تحصل اثر ماء
تهريب الطبلة يكون من خلال وجه الطبلة او انشعار و كسر الطبلة بلاستيك
تاكد من رصات الاديتر لايكون هناك تنسيم
اهم شي الموتر يكون محتمي جدا يفضل التطعيس :good:
عشان تطلع العيوب و تكون بينة :good:
تاكد من وجه الطرمبه
تاكد من تامين الطرمبه من اسفله احتمال تندي دخل موترك بحفرة و ناظر المكينة من الاسفل تحصل اثر ((صدا)) و تهريب على الطرمبه من عند التامين فتحة او جخر صغير جدا
تاكد من عدم تهريب او تنسيم اللي اللي راكب على غطاء الاديتر حق القربة



ولع المكيف الظهر و اجلس حول ربع ساعه يعني بعز الحر
همن طف الموتر و افتح الكبوت
اهم شي يحتمي مره
و ناظر طبلات الاديتر احيانا ينسم الماء من عندهم و يمكن يتبخر
راح تلاحظ تعريق الماء
احيانا يكون تنسيم من نفس الرصات (شق)
احيانا يكون من غطاء الاديتر تعبانه ربلته ما تحجب الماء
لانه بسببه يروح الماء للقربه و يحتمي الموتر
تاكد من طرمبه الماء (التامين) احتمال ينقط
تاكد من وجه الطرمبه
اجلد الموتر بمشور بالديره تقريبا 5دقائق كانك بسباق سرعه ملحوق http://www.mekshat.com/vb/..//images/smilies/smile.gif
تدوس بسرعه همن تهدي بسرعه تنام على الفرامل http://www.mekshat.com/vb/..//images/smilies/biggrin.gifhttp://www.mekshat.com/vb/..//images/smilies/tongue.gif
همن افتح الكبوت و افتح غطاء الزيت
اذا لاحظت على نفس الغطاء حليب ابيض فهذا بخار من الاديتر (ماء)
احتمال ان الراس عندك به شعر خفيف او وجه الراس اللي بين الراس و السلندر
تعبان ما يحجب الماء و الزيت

اذا احتمى الموتر الظهر
طف الموتر
راح تسمع للاديتر صوت تس تس تس تس تنسيم
يكون من الطبلات او رصات الاديتر او من مكان اخر
او من الليات اللي رايحة للدفاية
لي خروج و لي دخول
او تهريب من الدفاية عند رجلين الراكب
لو تفتش الفرشة احتمال اثر ماء تحت الفرشة


موفق

[اذاني]

السلام عليكم



الباترول عندي موديل 90 عليه مراوح سوبارو




هل يعني انك ملغي المروحه الميكانيكيه؟؟؟؟؟

اذا كنت ملغيها تاكد من الخراطيش اكيد انها تنصفط مع السرعه

[فياض الربيع]

دائما اذا حسيت ان سيارتك ارتفعت حرارتها

ابدأ بالسهل مثال غير الخراطيش البلف غطاء الراديتر المراوح الراديتر طبعا انا رتبتها

يعني تبدأ من اول شئ كتبته وبعدين الصيف بدأ وبتبدأ السيارات بالحراره ولولاتفه الاسباب

والمفروض كل سنتين تقوم بتغيير الخراطيش وتسييخ الراديتر حتى لوماارتفعت الحراره

وتقوم بالتشييك على كل السياره وشوف كيف تعيش السياره