سامع الشور
17/05/2010, 12:24 AM
الله يحيي الجميع وهذي أول قصيدة لي في المنتدى وهي عبارة عن وصف لحالة أحد أبناء عمي لما ذهب ليضيف زوجته في دفتر العائلة وقالوا له إن سجلك مقفل بسبب وجود عامل هندي هارب اسمه محبوب باشا والمبلغ عنه هو ابن عمي لأنه يعمل في نفس الشركة فجرى اقفال سجله لأنه هو المبلغ دون أن يتوقع ذلك
ياللي سجله عن وليفه قفلناه
وامسى حبيس بدفتر فيه يكتب
محبوب ربعه ورطه ثم خلاه
هندي وباشا ماتجي يا معرب
سافر لبمبي ليت من طق علباه
أقفى وخلا كل زين مخرب
قم يالبناخي واكتب الخط شكواه
لالاتراخى ثم تندم وتتعب
ماضاع حق دام راعيه يبغاه
وحنا بديرة راعي السيف الأجرب
ابشر بعزك والولي لاتعداه
قبل عبيده كل فعل يسبب
فرد علي ابن عمي بهذه القصيدة واذكر بعضها
القاف من بعض الدواهي فطرناه
والقاف الآخر فوق قافك يركب
محبوب باشا سعد منهو توطاه
لاجدهم باشا ولاهوب ينحب
والله لاشفته عسى الله يبلاه
ولانيب اعرفه لين وجهه تغيب
غديت مثل اللي نقل داه برداه
يا لابس بشته وهو فيه عقرب
يا ليت من علم وليفه بماجاه
الحب ذل يضرب الحب يضرب
فرددت عليه بهذه
يالله يامنشي سحاب بعلياه
ويا منبت كبر الشجر من بطن حب
يامن فرج كرب الفتى من عطاياه
وياغافر زلات عبده ليا اذنب
تلطف بعبد ضايق من غثاً جاه
مااخطى ولكن ماعن الحظ مهرب
صكوا سجله صكة مابها عباة
بأسباب هندي فالبحر جعله يذب
قام يتنشد ياولد وش تحراه
لاجبت عمال ولانيب أهرب
اثر البلا من مامنك ماتهقواه
قرص العقارب أكثره في جحر ضب
وان قاله الله يابن عمي بتنساه
ويفتح سجلك والسعد فيه يكتب
مابه بلا الا والفرج في ثناياه
والماء بدربه لازم يوم يثعب
وسلامتكم
ياللي سجله عن وليفه قفلناه
وامسى حبيس بدفتر فيه يكتب
محبوب ربعه ورطه ثم خلاه
هندي وباشا ماتجي يا معرب
سافر لبمبي ليت من طق علباه
أقفى وخلا كل زين مخرب
قم يالبناخي واكتب الخط شكواه
لالاتراخى ثم تندم وتتعب
ماضاع حق دام راعيه يبغاه
وحنا بديرة راعي السيف الأجرب
ابشر بعزك والولي لاتعداه
قبل عبيده كل فعل يسبب
فرد علي ابن عمي بهذه القصيدة واذكر بعضها
القاف من بعض الدواهي فطرناه
والقاف الآخر فوق قافك يركب
محبوب باشا سعد منهو توطاه
لاجدهم باشا ولاهوب ينحب
والله لاشفته عسى الله يبلاه
ولانيب اعرفه لين وجهه تغيب
غديت مثل اللي نقل داه برداه
يا لابس بشته وهو فيه عقرب
يا ليت من علم وليفه بماجاه
الحب ذل يضرب الحب يضرب
فرددت عليه بهذه
يالله يامنشي سحاب بعلياه
ويا منبت كبر الشجر من بطن حب
يامن فرج كرب الفتى من عطاياه
وياغافر زلات عبده ليا اذنب
تلطف بعبد ضايق من غثاً جاه
مااخطى ولكن ماعن الحظ مهرب
صكوا سجله صكة مابها عباة
بأسباب هندي فالبحر جعله يذب
قام يتنشد ياولد وش تحراه
لاجبت عمال ولانيب أهرب
اثر البلا من مامنك ماتهقواه
قرص العقارب أكثره في جحر ضب
وان قاله الله يابن عمي بتنساه
ويفتح سجلك والسعد فيه يكتب
مابه بلا الا والفرج في ثناياه
والماء بدربه لازم يوم يثعب
وسلامتكم