سؤال عن الثعابين

[عاشق وادي الدواسر]

بسم الله الرحمن الرحيم

السلام عليكم ورمة الله وبركاته


تحيه طيبه وبعد

اخواني ابغى منكم طريقه لطرد الثعابين من احواش الاغنام او من المكان اللذي اربي فيه حلالي لأنه الاسبوع الماضي الله يعوض علي لقى الراعي داب كبير وذبح 8 ارانب توها مولوده ماصار لها اسبوعين لاكن الحمد لله انها جات بس على الارانب ماعودت على احد العيال وقرصته


فـ ابغى ارائكم لو تكرمتوا

اخوكم عاشق الوادي

[عاشق وادي الدواسر]

20 مشاهده ولا رد واحد يادافع البلاء

[معذب الصوت]

حط حول الحوش رشاد
انشاء الله اكون افتاك

[عاشق وادي الدواسر]

لاهنت يالغالي وبحاول في هالطريقه واشوف


ولو فيه طرق ثانيه يفيدوننا الاخوان عنها

[الستانس]

اخوي سبق وسألت عن طريقة لصيد الثعابين

على هذا الرابط

http://www.mekshat.com/vb/showthread.php?t=287455

[عاشق وادي الدواسر]

جزاك الله الجنه وانا اخوك ولاهنت يالغالي بس انا ابغى افتك من شرها يعني ما ابي اشوفها وابيها تشوفني الله يفرق بيننا وبينها هالعفنه

يعني لا امسكها ولا شي ابغى ابعدها نهائيا عن مراحنا

اشكر لكم تفاعلكم ومروركم الكريم

وبإنتضار البقيه

[حسن الذروي]

أفضل طريقة رش ديزل حولكم داير ما دار إن كنتم في فلاة ( يعني إذا ما لك حوش )
وإن كان هناك حوش له أبواب ومداخل يخشى منها فيرش فيها بالديزل ويكون الرش بعضه مدفون لكي لا يتبخر بسرعة

[راعي الطلعات]

انا استخدم الزيت المحروق للديبان والحشرات يكرهون ريحته

بس مشكلته ما يطول ينشف وتشربه الارض يبيلك كل اسبوع تدور به حول المكان المطلوب

وفيه نبته اسمها السذاب او الفيجن مشكلتها ريحتها شوي خايسه بالنسبة لي وبعضهم عاجبتهم ريحتها :)

http://upload.al3malka.com/uploads/al3malka12476782550.jpg

تحصلها بمشاتل الزينة ان شاءالله

اتمنى افدتك