وشرايكم اركب تانكي للسيارة

[شقردي ثاني]

يا جماعة الربع أنا عندي سيارة هايلوكس 2005 غمارتين ديزل ودي اركب تانكي وشنطة في الصندوق بس المشكلة في الفيبر وارتفاع سعر التوانكي وأنا محتار بين إني اركب تانكي تحت عند الإستبنة والشنطة فوق لكن بعض الشباب ينصح إني ما أضع التانكي تحت الرجاء من الإخوة أهل الخبرة إرشادي إلى عمل الأفضل مع الشكر للإخوة المشرفين والأعضاء والمشاركين ، والله يعطيكم العافية

[سفير الجزيرة]

يا أخوي الشقردي :
السلام عليكم ورحمة الله وبركاته .
والله رايي لك إنك تركب تانكي تحت في بريدة 180 ريال وياخذ حول 50 لتر .
والطلعات الطويله خذ معك جركل كبير .
لأن التوانكي في الصندوق تشوه المنظر وتأخذ مساحة .
وفيه واحد من الشباب مركب شنطة مع تانكي في نفس الوقت يأخذ حول 40 لتر .

[ابن هدبة]

السلام عليك ياشقردى

تبى راى انا راعى جيوب ماخليت تانكى الا وركبتة ماء تحت فوق حتى انى ركبت 170 لتر تخيل

مااقدر اشيل عيالى وقمت وشلت كل شى واخذت براى الشيبان ( الماء ولله الحمد متوفر بكل مكان )

وقمت واشتريت جركل 30 لتر عدد 2 =60 لتر وليابغيت اشيله ميتعبنى وهو صناعة سعودية والسعر على
20 ريال الله يديم الرخص بدال القرقعة ودوخة الراس

والنصيحة تشترى

[الشقردي 12]

الله يعطيكم العافية يا اخوان على النصائح الجيدة والله الشخص يحتار الله يكتب إللي به خير

[د.الكاشت]

بسم الله
توكل ولا تحطه بالصندوق

[الوشاح]

اعتقد انه افضل و انسب مكان تحت عند الاستبنه.

وانسب خام هو الاستيل

ويكلف 550ريال تقريبا...

[اسيزو 4x4]

مافية مثل الجراكل السود مثل الى يقول إبن هدبة ولا يهونون الاخوان بلا تونك بلا هم

[ذيب حضن]

لو عندي ونيت ما أفكر بتركيب تانكي ابدا

[أبوأحمد98]

السلام عليكم ...
أخوووي بالنسبه لتانكي الماء ...للهايلكس الديزل ...ةاحد من الشباب معه هايلوكس 2005 ديزل غمارتين طلعت مرررررره معه للبر وكان مركب تانكي تحت الصندوق عند الاستبنه جحمه 60لتر ستيل ...وسالته عنه قال الموتر تمام والتانكي مريحن ...توكل على الله وركب ..
هذا الي عندي

[الدبل الثقيل]

جوالين أفضل من التانكي ... سعره غالي وممكن يصدي او يتغير طعم الماء وتخريم في السيارة ... مادام معك حوض ماله داعي التانكي.. خذها نصيحة ووفر فلوسك في شي اخر ... في اشرطة دينية للتوزيع اوكتيبات لدعوة الكفار للاسلام .. وانت ليش اشتريت ديزل مهو للتوفير..... وجزاك الله خير