ناوي على ربع باترول وشرايكم يامجربينه

[فتك شمر]

أسعد الله أوقاتكم بكل خيرر..

مريت الحمراني اليووم ابي باترول ربع 2009 بنظام التاجير ولقيت نوعين واحد قزاز كهرب

ومراتب زي ربع التويوتا

والثاني قزاز عادي ونفس الباترول الاول وبالنسبه لأسعارهم كاش =99000

وبنظام التاجيرطلبو مني دفعه اولى 17000 ودفعه اخيره 29000

والقسط= 1700

اول شي وش رايكم باستخدام الباترووول الربع وثاني حاجه ها الاسعار معقوله والا القى اقل من كذا

مع العلم ان المبلغ الاجمالي = 130000

بأنتظاركم أخواني ...

[جيب شراع]

نصيحة انحش من الوكاله

موجود في المعارض ب 94 الف جديد اصفار

[أبوسعود711]

ايه والله لا تقرب الوكاله نصابين وانا اخوك
انا رحت لمهم ويرفعون السعر لكن بالمعارض تلقى النضيف ورخيص

[محمد المساعد]

ياخوي معاى واحد حكومي ولله يبلع البنزين بلع مدري وين يوديه انحش عن البترول

[سهيل تميم]

بمعرض نجد بمعارض النسيم ..جديد اصفار بطاقة جمركية مراتب متتاليه قزاز تماتيك لون لولو بـ95 الف

الكلام هذا من يومين ...والي مراتب متقابله بـ85

[المنيعي1]

كان معي 99 وكاله قعد معي خمس سنين الصراحه الى هلحين متحسف على بيعته
أحسن متر أستخدمته ما أذكر بيوم من الايام انه دخل الورشة مع أني ماخليت مكان مارقيته لاخطوط لانفود وكذلك خطوط صحراء الوكاد انه مايعرف الخراب , واعتقد ان الجديد نفس الـ 99 مايختلف واجد .

أما الي يقول يصرف بنزين فهذا كان في القديمات الكبليتر أذا كان مكربن فقط اما اذا كان صافي مافي صرف ولاشي.

[محمد الظاهري]

السلام عليكم
مساك الله باخير
اول شي مثل ماقالو الاخوان الوكااله وش لك بها
وثاني شي تحصل في المعارض نفس الموديل
وثاني شي وش الفرق بين 2008و2009كلهاواحد
ولو تروح في المعارض تحصلها في اسعار مناسبه
لاتستعجل في الشرء

[الجو هتان]

ننتظر منكم مثل صاحب الموضوع كل جديد والمشورة يا إخوان
والله نفس تفكيري
بصراحة الي ما معه جيب ما معه سياره

مشكورين

[فتك شمر]

الله يعطيكم العافيه على المروور أخواني وعلى التعليق على الموضووع

بالنسبه للمعارض عندنا مافيها شي خالص ولوكان عندهم مافيه نظام تأجير

كاش ماعندي كاش يعني مالي الا الحمراني بيك

مره ثانيه أشكر تواصلكم وتعليقاتكم أخواني ..

[مآإآإآجد]

اذا تبي نصيحتي فديتك

انا اقولك دور لك من موديل 2000 الين 2004 تلقاه زي مايقولون رخيص وكويس

حتى لو جايه رش خفيف او رفرف او باب عادي مايأثر عليه

الحمد لله انا لقيت لي باترول ربع 2001م اللي موجوده بتوقيعي جايه رشه جنب يمين

ولا فيه مكان ما اروح له ولله الحمد


وانت يالغلا راجع ضميرك وهذي نصيحتي لك

[ياسر 97]

اذا تبي نصيحتي فديتك

انا اقولك دور لك من موديل 2000 الين 2004 تلقاه زي مايقولون رخيص وكويس

حتى لو جايه رش خفيف او رفرف او باب عادي مايأثر عليه

الحمد لله انا لقيت لي باترول ربع 2001م اللي موجوده بتوقيعي جايه رشه جنب يمين

ولا فيه مكان ما اروح له ولله الحمد


وانت يالغلا راجع ضميرك وهذي نصيحتي لك

يارجال موترك كسرة ومقلوب ومرشوش جنبة ؟؟ وموديلة 2001

والرجال يبي موديل 2009

اذا تبغا كاش خذ من المعارض ارخص واذا تقسيط الله يعينك على الوكالة

[وسيع البنايد]

يارجال موترك كسرة ومقلوب ومرشوش جنبة ؟؟ وموديلة 2001

والرجال يبي موديل 2009

اذا تبغا كاش خذ من المعارض ارخص واذا تقسيط الله يعينك على الوكالة

الاخ ياسر

الاوله

اعلم حفظك الله

ان الله محاسبك على ما كتبت يداك
فلا تجرح اخوانك برد انت في غنى عنه

[ياسر 97]

الاخ ياسر

الاوله

اعلم حفظك الله

ان الله محاسبك على ما كتبت يداك
فلا تجرح اخوانك برد انت في غنى عنه

حتى لو جايه رش خفيف او رفرف او باب عادي مايأثر عليه

الحمد لله انا لقيت لي باترول ربع 2001م اللي موجوده بتوقيعي جايه رشه جنب يمين

انا ماجبت شي من عندي يقول جنبة مرشوش يعني وش معناة ؟؟؟؟؟

[أطلال نجد]

ياسر97
معاناة أنك طعس

[هـادي]

يارجال موترك كسرة ومقلوب ومرشوش جنبة ؟؟ وموديلة 2001

والرجال يبي موديل 2009

اذا تبغا كاش خذ من المعارض ارخص واذا تقسيط الله يعينك على الوكالة

اللي يشتري مستعمل نضيف وعلى قد قروشه افضل من اللي يسلم رقبته للشركه..

والجيب المرشوش مايعيب السياره اذا محركاته نضيفه

[سهيل تميم]

الله يعطيكم العافيه على المروور أخواني وعلى التعليق على الموضووع

بالنسبه للمعارض عندنا مافيها شي خالص ولوكان عندهم مافيه نظام تأجير

كاش ماعندي كاش يعني مالي الا الحمراني بيك

مره ثانيه أشكر تواصلكم وتعليقاتكم أخواني ..


تقدر تاخذ سياره بالتأجير من اي معرض..كل ماعليك هو انك تاخذ عرض بسعر السياره الي تبي من المعرض ..من موديل 2006 وفوق..وتروح به لليسر للتقسيط وهم يكملون الباقي...

وحاول انك تدفع دفعه مقدمه المبلغ الي تقدر عليه ..لأنه يخفف عنك المدة ..وبالتالي تخف الفوائد

[metub1404]

الله يوفقك

[NissaN 1990]

إذا صامل على التأجير دور بالمعارض 2009 زيرو أهم شي يكون أوراق جمرك بدون لوحات ورح لبنك الراجحي أو أي بنك نسبة المرابحه فيه قليله يعني اللي عندهم عرض ،، وعلى الدفعه اللي عندك يعطونك أياه بفوائد أقل وقسط أقل ،،،،

[مغبررالددسن]

انا عندي نيسان ربع 2009 سلق

عيوبه :
يشرب بانزين
فيه تفتفه في بداية التشغيل
::
ملاحظه الكلدش يجي خفيف مره ( على طوول يجاوب )
واعتقد الشركه حصلوو كم واحد فيها بعض المشاكل في الدبل على طوول يخرب

ولا هوو مبالغ في سعره جدا جدا :)


بالتوفيق أن شاء الله

[فتك شمر]

اشكر كل من تواصل وتفاعل معي بالموضووع الله لايهينكم والله لايخلينا من اهل العرف
بس مغيرر الددسن خوفني برده

معقووله طلع فيه مشاكل ...

[مغبررالددسن]

خبرك حنا ناس نستهلك وماعندنا حماية مستهلك

فـ كل شي يصير بعد مده من استخدامه وطلع فيه مشكله ... على طوول يقولون لك هذا سوء أستخدام

فـ خذ بالك من هالناحيه
أرجو انك تاخذ الخبر من اكثر من جهه
...
انا اللي معي حق الشركه
وفيه واحد من البترولات حقات الشركه ما مشى حتى الفين كيلوو قام يطلع صوت من جهة القير
كشف عليه المكنيكي قال الدبل متكسر يقول هذا عيب طلع معنا في اكثر من سياره
وهو على الضمان طبعا
فالوكاله هي اللي تسويله الصيانه بعتبار الشركه ما خذه منها بكميات ومتفقه معاها على الصيانه والتامين وكل شي ...

والله يباركلك في حلالك و يعطيك من خيره ويكفيك الشر

في امان الله

[المنيعي1]

خبرك حنا ناس نستهلك وماعندنا حماية مستهلك

فـ كل شي يصير بعد مده من استخدامه وطلع فيه مشكله ... على طوول يقولون لك هذا سوء أستخدام

فـ خذ بالك من هالناحيه
أرجو انك تاخذ الخبر من اكثر من جهه
...
انا اللي معي حق الشركه
وفيه واحد من البترولات حقات الشركه ما مشى حتى الفين كيلوو قام يطلع صوت من جهة القير
كشف عليه المكنيكي قال الدبل متكسر يقول هذا عيب طلع معنا في اكثر من سياره
وهو على الضمان طبعا
فالوكاله هي اللي تسويله الصيانه بعتبار الشركه ما خذه منها بكميات ومتفقه معاها على الصيانه والتامين وكل شي ...

والله يباركلك في حلالك و يعطيك من خيره ويكفيك الشر

في امان الله
لله يهديك أنت خرعت الرجال
هلحين هو يسال عن الاستعمال الشخصي ونت تقوله عن سيارات الشركه
سيارات الشركات لوهوسيكل ما تاخذه بعدهم حلال مهو لك جره على الشوك والشجر.

[رياض السنباطي]

على كلام الوكالة إن ال 2010 بينزل 4800 فتك

إذا مانت مستعجل أصبر وخذ الجديد أحسن

والله أعلم ..

[فتك شمر]

بيض الله وجيهكم كلكم يوم تسودوجوه .الف شكرعلى المرور

[عبدالرحمن1980]

يا ابن الحلال رح لم اي بنك وقلهم انك تبي تشتري سيارة راح يطيح عليك بالاقساط واجد هذا في الوكاله بس في المعارض ما ادري انت رح واسالهم هل يشترون من المعارض ويقسطون عليك

[abo naser 1]

نصيحت اخو لأخوة جيب ربع 2009 ونيسان مافيها اي مزايا وبيطلع عليك 130000 ريال والله حرام ها المبلغ على الحمراني.
ولك مني ثنتين:-
1- اذا كان بأمكانك تأخذ قرض من احد البنوك وتشتريه كاش من المعارض بيصير ارخص لك لآن نسبة البنوك تحصل الى 2.9% وكذا بيفرق معك اقل شي 20000ريال.
2-اذا ماقدرت على الحل الاول بقيمة الدفعة الاولى دور لك موديل قديم ومجدد وعبر نفسك الين يرزقك الله انا معي 95 وشريه من مزاد والحمد لله مشا معي 150000 كيلو ولم يوقفني او يعطلني للحظة واحدة مشيت شمال وجنوب وشرق وبر وخارج المملكة والعن ابو جدة وزي الوردة ماتغير وخصوصا انا اسعارها ها اليومين نازلة مرة.

[فتك شمر]

ابو عبدالرحمن ابو ناصر بيض الله وجيهكم واشكركم على النصايح الطيبه .

[Noz]

فتك شمر اذا لك رغبه بفل كامل 2008 راسلني

[مآإآإآجد]

يارجال موترك كسرة ومقلوب ومرشوش جنبة ؟؟ وموديلة 2001

والرجال يبي موديل 2009

اذا تبغا كاش خذ من المعارض ارخص واذا تقسيط الله يعينك على الوكالة


اخوي ياسر 97

انا الحمد لله مو شريطي مثلك

انا رجال عند كلمتي بالموتر ولا كذبت بشي

وانا ماجيتك وشكيت لك حال موتري

ردك مردود عليك واذا انت رجال وتحسب نفسك مع رجال رد زي الناس والا اسكت فالسكوت افضل لك


اتمنى انك استوعبت كلامي زين

[فتك شمر]

فتك شمر اذا لك رغبه بفل كامل 2008 راسلني


هلابك أخووي .. الله يعطيك خيره ويكفيك شره . ترانب ادور اقساط فقط ماعندي كاش يالغالي . عندي دفعه حول 19 واقدر اقسط الى 1600

[فتك شمر]

اخوي ياسر 97

انا الحمد لله مو شريطي مثلك

انا رجال عند كلمتي بالموتر ولا كذبت بشي

وانا ماجيتك وشكيت لك حال موتري

ردك مردود عليك واذا انت رجال وتحسب نفسك مع رجال رد زي الناس والا اسكت فالسكوت افضل لك


اتمنى انك استوعبت كلامي زين

عينو خير والعنو الشيطان .. كلنا اخوان وعيال قريه .

[ابوصالح77]

نصيحتي لك
مد رجليك على قدر لحافك
حرام تحط 130 ألف بموتر مافيه شيء
الباترول موتر عملي دور لك بقدر فلوسك وخل عنك الديون
الله يرزقك الموتر اللي في بالك

[الشقرردي]

والله ياخوي اذا تبي موتر يكد ويمد معاك لاتتعدى النيسان والله من العز ياخي يكفيك مركبه مريح وعلى قولة الأخوان ينقل خرابه يعني انا كان معي باترول سلق موديل 2000 اربع سنين وانا ماخليت مكان مارحت فيه حتى السفر والله مامثله كانك راكب سياره صغيره وبعدين في المقتاص والطرد خذ ولد اذا كنت راعي ارنب عزالله انه سلق على اسمه

[فتك شمر]

نصيحتي لك
مد رجليك على قدر لحافك
حرام تحط 130 ألف بموتر مافيه شيء
الباترول موتر عملي دور لك بقدر فلوسك وخل عنك الديون
الله يرزقك الموتر اللي في بالك

يابعد حيي يابو صالح .. العمر واحد والدنيا رايحه ماراح ناخذ معنا شي .. نبي ننبسط دام العمر به باقي

لاهنت يالغالي على الشووور.

[فتك شمر]

والله ياخوي اذا تبي موتر يكد ويمد معاك لاتتعدى النيسان والله من العز ياخي يكفيك مركبه مريح وعلى قولة الأخوان ينقل خرابه يعني انا كان معي باترول سلق موديل 2000 اربع سنين وانا ماخليت مكان مارحت فيه حتى السفر والله مامثله كانك راكب سياره صغيره وبعدين في المقتاص والطرد خذ ولد اذا كنت راعي ارنب عزالله انه سلق على اسمه


خلاص بأذن الله أستخرنا و أستشرنا وعلى الخالق توكلنا


الله يطمنك ويرزقك اخووي الشقردي

[سفاري959]

اخوي فتك شمر توكل على الله وخذه تراه موتر ولا يهمك من يعيب وهو ما جرب واذا تبي مستخدم عند واحد من الزملاء 2005 ورده مع كفرات شاهين وجنوط هلل جدد وماشي فوق 100 الف الله يوفقك لكل خير

[أطلال نجد]

أخوي فتك شمر
أنصحك بالجديد سواء نيسان أو غيره
أمس كنت بأحد فروخ تويوتا بالرياض
لقيت الربع فل كامل رفارف , تخشيب , ونش , جنوط كروم , قزاز كهرب , كشافات ضباط بـ 108 ألف كاش

موفق يالغالي

[العبله]

ربع النيسان ما عليه كلام
لكن وانا اخوك ترا والله غبنه تاخذه ب130 الف وهو ما فيه شي..
الواحد وده يتطرب لكن انه يحمل نفسه ديون تنكد عليه سعادته والله ما تسوى..
انا معك ان الموتر الجديد ما مثله لكن حرام ادفع هالمبلغ على شي ما فيه مواصفات..
وبالنسبه للاسعار من 95 الى 99 الف كاش..
انا معي ربع 2001 والحمد لله ما عليه كلام وزين ومريح وصرفيته مهيب ذاك الزود لان انت ماخذ جيب واللي يقولك المواتر الثانيه ما تصرف ما عنده سالفه.
وبالاخير الله يوفقك ويكتب لك اللي فيه الخير ويسهل امرنا وامرك.
ولا تنس الاستخاره..

[ابو محمد11]

السلام عليكم
من ناحيه الراحه مريح
من ناحيه القوه ضعيف نوعا ما
لان خشمه مرتفع مره
وكذالك يصرف بنزين

[بن لادن 506]

انا مجرب ربع التايوتا والنيسان

شوري عليك خذ التايوتا والله العزم انه فرق واجد والصرفيه بعد تفرق واجد

والتايوتا كنه حصاة والله ما يتغير ولا يخرب ولا يطيح سعره

انا معي ربع تايوتا الحين 2006 له فتره وينسام الحين بمكسب

يعني انت منت خسران خذ قرض احسن ودور تايوتا مستخدم نظيف وجربه واذا ما جاز لك بتلقى زبونه على طول بعكس النيسان


اسمع نصيحة مجرب ولا تسمع نصيحة خبير


وحياك

[جوبتير]

ياخوي معاى واحد حكومي ولله يبلع البنزين بلع مدري وين يوديه انحش عن البترول
كلامك صحيح ومجرب
الجيب سياره صح لكن البنزين يا الله سترك والله اني امشيه حوالي 160 كيلو يشفط نصف التانكي وازود
اما انه موتر بر وطعس انا اشهد بالله اني مجربه موديل 2000 سوبر سفاري فل كامل طويل يسبح بالطعس سباحه ولكن راح غلطه وانقلبت فيه بالطريق السريع بارادة الله والحمد لله على كل حال ،، وعوضناه بشيخ ولد شيخ وارد الشفر تاهووووو يا لبى قلب صنعه

[نقاء الجمل]

السلام عليكم
كانك صامل على الجديد فيه واحد عند معرض نجد بالرياض
بسعر 92 الف كاش موديل 2009

[سفاري959]

انا مجرب ربع التايوتا والنيسان

شوري عليك خذ التايوتا والله العزم انه فرق واجد والصرفيه بعد تفرق واجد

والتايوتا كنه حصاة والله ما يتغير ولا يخرب ولا يطيح سعره

انا معي ربع تايوتا الحين 2006 له فتره وينسام الحين بمكسب

يعني انت منت خسران خذ قرض احسن ودور تايوتا مستخدم نظيف وجربه واذا ما جاز لك بتلقى زبونه على طول بعكس النيسان


اسمع نصيحة مجرب ولا تسمع نصيحة خبير


وحياك

مع خالص احترامي وتقديري لك اسمحلي الربع التايوتا ماهو موتر وحرام سعره فيه اول شي خطير قلبته سريعه ولا فيه من الراحه شي وبالنسبه للبنزين واحد من الشباب استخدم ثلاث باترولات ربع وبعدها اخذ ربع تايوتا نفس اللي معك على حسب كلامك 2006 وسألته عن البنزين قالي سعيد اخو مبارك الصرفيه ماهنا فرق هذا كلامه تبي رأيي الشخصي ولا تزعل تراك عزيز وغالي ربع التايوتا صار نجاحه لصغار السن وهذي الموضه اللي عندنا تبي التايوتا عليك بالشاص تقبل رأيي برحابه صدر والله اني ما اقصدك في هالكلام لأن قدرك عندي اكبر من السيارات ولكن مجرد رأي تحياتي لك

[سحاب1]

انا مجرب ربع التايوتا والنيسان

شوري عليك خذ التايوتا والله العزم انه فرق واجد والصرفيه بعد تفرق واجد

والتايوتا كنه حصاة والله ما يتغير ولا يخرب ولا يطيح سعره

انا معي ربع تايوتا الحين 2006 له فتره وينسام الحين بمكسب

يعني انت منت خسران خذ قرض احسن ودور تايوتا مستخدم نظيف وجربه واذا ما جاز لك بتلقى زبونه على طول بعكس النيسان


اسمع نصيحة مجرب ولا تسمع نصيحة خبير


وحياك
كلام الاخ بن لادن 506 صحيح تويوتا وبس

[أطلال نجد]

التويوتا له مزايا وله عيوب
والنيسان كذلك له مزايا وله عيوب ومن أهم مزايا الباترول القوة والراااااحة

[مخاوي المكشات]

السلام عليكم

للمتابعه لاني ناوي على واحد زيه (بأذن واحد أحد)

[sa3d]

الصراحه موتر ماعليه كلاااااام وسواقته متعه في البر وخاصه النفود وانا الصراحه بعته مغصوب عشان البنزين ماكان يزبن للاسف ...

[اول 9099]

انا معي باترول ربع 2006
عزمه يوم ركبت عليه فلتر وهدرز فرق كثير وصار حلو لا في ديره ولا في نفود
وركبت مساعد دركسون استرالي وراحت الرجه وصار كأني في جيب لكزس في الجواد والمطناج مع شغل ميزان الباديه
ومساعدات الشاص الخلفي والامامي لا تسأل بس كاني في حصاه ماشاء الله تماسك وقوه وثبات
المشكلة الوحيد يوم رفعت من ورا 3 سم
بدا القير فيه زي الونة وهذا طبيعي لأن عمود كردانه قصير بحكم انه ربع
ونزلت القير 1.5 سم وظبطت الامور
وركبت فرارات وراحت عرة الدبل وخفت نفس الموتر شوي

بإختصار الباترول موتر ماعليه كلام
واللي يقولك يتفكك ماعنده سالفة اقارن تماسكة بتماسك الاندكروزر

هذا كل ماعندي اتمنى اني افدتكم والله اعلم
واي استفسار من ناحيه الباترول انا حاضر
0552254777

[طشي وامطري]

نصيحة لك وللجميع
دورلك شيء نظيفه محركاته ومرشوش وفيه طقيقات


علشان لجاه شيء معك الاك ماتحسف عليه ، وطايح حق الرش من ظهر اللي انت شاريه منه.
اهم شيء نظافة المحركات.

وجهت نظر
والله يوفقك

[كاشت وحداني]

اذا كنت تبيه للبر بس والمطامر خذ لك موديل قديم شوي وطقطق فيه وضبط على مزاجك لانه بيكون واقف امثر الاوقات
اما ااذا تبيه موتر البيت والعائله والدوام ويكون موترك الرسمي عاد اله يعينك وييسر امرك على الجديد .

[majeds]

السلق 2009 بمعرض الصقور بجدة 84 الف ريال
قص تذكره خط واحد ومرنه بطريق الرجعه

بالتوفيق