يامل عين كل ماجالها نوم ,,,,,,,,,,,,,,,,,,,,,,,,,,,,,,,,,,,,,,,,,,,,اللغز حله ابورافع

[فهد الهلالي]

السلام عليكم ورحمة الله وبركاته
اليكم هذا اللغز
ارجواان ينال على اعجابكم واسف على الاطاله


يا مل عين كل ما جالها نوم=دارت دواليب الفكر واسهرني
لما طيور القلب تعبت من الحوم=واصفق بيديا واتوجد ووني
على زمان لراعي الطيب معدوم=واليا لقيته واحدٍ ما تثني
دنيا اتقلب وامرها ما به اسلوم=شاقي حكيمه والهبيل امتهني
وقلبي اللي غادي كله اثلوم=على ضلوعي ملتوي ومتثني
مالوم قلبي يا هل العرف مالوم=ومالوم عيني لو دموعه غشني
ويا ويش رجلاً من قديمٍ الى اليوم=عابر سبيله يطرب اللي يغني
حطو بجوفه لقمةٍ من عقب صوم=بنتٍ حسينه من عشقها يجني
هم يكرمونه بالغبى دائم الدوم=ماهوب جودٍ من غباهم يسني
يخشوا عليه من الزعل وي من قوم=هذا حرامٍ حسب علمي وضني







وللتذكير
لاتوجد هذه الطريقه في كرمهم له في الوقت الحاضرانتهت


وتقبلو تحيات
الشيخ مسكين
خيمة الالغاز مكشات

[أبو رافع الظاعن]

صح لسانك يا شيخنا لله أنت ...


هذا نهر النيل والفتاة الجميلة التي يقدمونها قربانا! له ..

حتى أبطلها عمر رضي الله عنه ...
وقال :أيها النهر إن كنت تجري بأمر الله فاجرِ ...وإن كنت تجري بأمرك فلا تجرِ !!

[أخت البنات]

السلام عليكم
شيخنا القدير فهد الهلالي
وصح لسانك
كل يوم تمتعنا بأبيات شعريه مثيره للإعجاب والتأمل
بارك الله فيك مشرفنا الحكيم..
اذا تسمح لي عندي 3رمعات
1- مدفع الإفطار!
2-هاتف العمله:)
3-الراديو:)
والعذر والسموحه ان اخطيت..

[ابو اسامه 2]

وعليكم السلام ورحمة الله وبركاته


ما شاء الله عليك يا الشيخ


كل قصيده افضل من الاخرى والاخيره افضل من الاولى والاولى افضل من الاخيره



وكلها متعه



الله يسعدك في الدارين




رمعه


وش تقول في صب القهوه للضيف


ويقوم الضيف زمان اذا بغا شي من المضيف يحط الفنجال وما يشرب


ويقله المضيف انا ابو فلان وش طلبك يا الضيف


ايش هادا الكلام يا الضيف اطلب واتمنى :D


يقوم الضيف يطلب اللي في راسه ويتم تنفيذه حتى لو طلب بنته للزواج ما يرفض !

http://www.majalisna.com/gallery/123/123_2_1028648592.jpg


تحياتي لك

[برق القصيم]

لله درك ياشيخنا
درر وحكم
ابيات مايجيبهن الا خبير ومتمكن
ماشاء الله تبارك الله

واظن اخوي ابورافع ماخلى للسيف مضرب

[فهد الهلالي]

صح لسانك يا شيخنا لله أنت ...



هذا نهر النيل والفتاة الجميلة التي يقدمونها قربانا! له ..


حتى أبطلها عمر رضي الله عنه ...

وقال :أيها النهر إن كنت تجري بأمر الله فاجرِ ...وإن كنت تجري بأمرك فلا تجرِ !!


مايحتاج يابورافع رمعه بالصميم الله لايضرك قلعت قلب اللغز من بين ضلوعه
صح السانك ملاييين
والله تصورت انه يبي يطول وماشاءالله عليك من اول مرماع
نعم هي كما ذكرت
حفظك الله ياأبى رافع
تحياتي

[قرناس صلا]

صح لسانك يا شيخنا وبيض الله وجهك ...
رائعة جديدة من الهلاليات

ابو رافع ,,, تخصص ما شاء الله عليك
مؤيد لك وبقوة

[قلب العنا]

ماشــــــــــــــــــاء الله تبـــــــــــــــارك الله
صح لســــــــــــــانك يبومحمد
كالعاده حكمه وجزاله و وصف
وصــــــــــــح لســــــــــــان
عميد الفصحى
بارك الله فيك وزادك من فضله
لك خالص التقدير

[فهد الهلالي]

السلام عليكم
شيخنا القدير فهد الهلالي
وصح لسانك
كل يوم تمتعنا بأبيات شعريه مثيره للإعجاب والتأمل
بارك الله فيك مشرفنا الحكيم..
اذا تسمح لي عندي 3رمعات
1- مدفع الإفطار!
2-هاتف العمله:)
3-الراديو:)
والعذر والسموحه ان اخطيت..


اخيتي اخت البنات اسعد الله اوقاتك بكل خير
اشكرك اولا على حضورك كما اشكرك ثانيا
على تشجيعك بالرد الجميل
ومايجي منك الاكل زين
فلا داعي للعذر
وبالنسبه للغز فقد تم حله من ابو رافع
تقبل تحياتي

[فهد الهلالي]

وعليكم السلام ورحمة الله وبركاته



ما شاء الله عليك يا الشيخ


كل قصيده افضل من الاخرى والاخيره افضل من الاولى والاولى افضل من الاخيره



وكلها متعه



الله يسعدك في الدارين




رمعه


وش تقول في صب القهوه للضيف


ويقوم الضيف زمان اذا بغا شي من المضيف يحط الفنجال وما يشرب


ويقله المضيف انا ابو فلان وش طلبك يا الضيف


ايش هادا الكلام يا الضيف اطلب واتمنى :D


يقوم الضيف يطلب اللي في راسه ويتم تنفيذه حتى لو طلب بنته للزواج ما يرفض !


http://www.majalisna.com/gallery/123/123_2_1028648592.jpg



تحياتي لك


هلا بك ياعمده والله يسعد اوقاتك بالمسرات
اشكرك على الرد الطيب
اللغز حله ابو رافع
واشكرك على التنسيق يامشرفنا الغالي
تقبل تحياتي

[فهد الهلالي]

لله درك ياشيخنا

درر وحكم
ابيات مايجيبهن الا خبير ومتمكن
ماشاء الله تبارك الله



واظن اخوي ابورافع ماخلى للسيف مضرب


هلا وغلا يابو عبدالرحمن
والله يعطيك العافيه
حضورك اسعدني واشكرك على ماخصيتني به
فهذا تشجيع افتخربه
والتاييد في محله فقد اصاب الهدف ابو رافع
شكرا لحضورك
تقبل تحياتي

[فهد الهلالي]

صح لسانك يا شيخنا وبيض الله وجهك ...

رائعة جديدة من الهلاليات


ابو رافع ,,, تخصص ما شاء الله عليك

مؤيد لك وبقوة


صح بدنك يالغالي صح بدنك ياخوي قرناس
والرائع حضورك
وفقك الله ودامت محبتك

[فهد الهلالي]

ماشــــــــــــــــــاء الله تبـــــــــــــــارك الله

صح لســــــــــــــانك يبومحمد
كالعاده حكمه وجزاله و وصف
وصــــــــــــح لســــــــــــان
عميد الفصحى
بارك الله فيك وزادك من فضله

لك خالص التقدير


من تلاميذك يابو نواف نمشي على اثرك
وصح بدنك يالغالي منك استفدنا الكثير ومازلنا نتعلم
سرني تواجدك فمثلك مكسب
تحياتي