استفسار صغييييير يعطيكم العافية

[dr.roro]

يا شبااااااب انا ناوي على بوت جديد ونفسي اعرف كم ممكن يكلف

وابغاه للنزهة وطلعات صيد ويكون 10 متر او 9

مكاين 75

ها يا اها الخبرة كم تتوقعون
وشكرا

[احمدوعبود]

تبي نصيحة واحد مشتري 3 ابوات خلا 6 اشهر وكلها جديدة
غمض عيونك وروح مصنع الحركان بالصناعية الرابعة وشوف 32قدم و29 قدم والى يجوزلك خذه بس المكاين ارفعها 115 وانصحك بمرسى الاندلس فيه محل لوائل رواص لتجهيز الابوات يعطيك سعر مفصل وانا حافظ كل شي تامر امر تبي افصلك الاسعار ابشر

[ابو عمار الحربي]

ممكن يكلفك 80000 فوقها تحتها علي حسب خبرتك ومواصفاتك

[مجنوووون بحر]

اخوي dr.roro
السلام عليكم ورحمة الله وبركاته
* تجهيز بوت جديد مع المكاين وحاجه طيبه وحلوه يكلفك تقريبا 125000الى 16000 ريال سعودي
# نجي للتفصيل
- البوت قالب غير مجهز الكايلو يكلفك 40000 ريال سعودي طبعا الكايلو هوالي ماشي في السوق .
- قالب اليامها بيكلفك 60000ريال سعودي اليامها معروف في البحر وغني عن التعريف
- التجهيز يكلفك تقريبا من 20000 الى 30000 ريال سعودي
# التجهيز
- مظله شراع هدروليك الدركسون اللمبات وانوار الملاحه و ووالكهربا والنقعه و المفاتيح و تركيب المكاين وطرمبات الماء وخزان ماء حلو والتنجيد والمسجل والسماعات .......الخ
- وزي ماقال الاخ التجهيز وائل رواص في مرسى الاندلس شغله ممتاز
# المكاين
- من المعروف ان اليامها افضل شي اما السزوكي منتشره عشانها تدفع حق مكينه وتقسط الثانيه وبرضها كويسه
- انصحك انك ماتركب مكاين اقل من 100*100 فور ستروك عشان ما تحمل على المكاين
-الـ 75 تو ستروك ممتازه ولكن تستهلك بنزين اكثر وصوت وريحه الفور ستروك افضل
-اسعار المكاين تقريبا الشركات كلها متقاربه
- 2×100 يامها فور ستروك تقريبا 58000ريال سعودي
- 2×115 سزوكي فور ستروك 64000ريال سعودي
- 2×140 سزوكي فور ستروك 72000 ريال سعودي

* نصيحه:
(لو كنت جديد في البحر خذلك بووت مستعمل بحدود 50000 ريال سعودي لين تتعلم البحر والسواقه زين وبعدين اذا شفت نفسك اووكي شوف البوت الي يناسبك تكون وقتها عارف الابوات وعيوبها )


واخيرا اتمنى لك كل خير والله يوفقك ويرعاك


واتمنى اني افدتك ولو بمعلومه بسيطه

[عويس جدة]

اعطاك اخوي مجنون بحر اجابة وافية اللة يعطية العافية ولايهونون بقية الاخوان

تحياتي

[بواردي الدلم]

أنا من ناحيتي ماعندي أي معلومه أقدر أفيدك بها


لكن الله يوفقك باللي يطربك وماتندم عليه

[jeddahauto]

الاخوان كفو ووفو ما شاء الله عليهم
لكن انا لو مكانك لفكرت في شراء بوت مستعمل نظيييف او شبه جديد ... و السبب في نقطتين :
1- السعر راح يكون اقل بكثير من سعر البوت الجديد
2- كثار من الاخوان اشترو جديد و ما ناسبهم جو البحر و الصيانه و البهدله فباعوها بخساره

فحاول تسأل عن الابوات المستعمله النظيييييييفه و ان شاء الله حتلاقي شي يسر خاطرك