استفسار عن سعر سفاري 2 منقلب

[ولد شيوخ]

السلام عليكم ورحمة الله وبركاته

واحد من الشباب عنده سفاري 2 --- الحمراني ---- موديل 2005 ---- فتك 4800 ---قير تماتيك---انقلب عليه راعيه جنب مع التنده قبل سنتين وصلحه تصليح حلو وغير لونه الله يهديه الى لون برتقالي...وأنا اذا شريته بحول لونه أسود. والرجال حاده علي بـــ 55000 ريال ...وسعرتغيير اللون للأسود 5000 ريال تقريباً . وش رايكم بسعره.

وهل أنا إذا استخدمته مده 5 شهور وبعته يبي يجيب نفس سعره أو يبي يطيح كثير.


أبي واحد خبره باسعار المصدوم والمنقلب في الفتك ولا عليكم أمر.

وجزاكم الله خير.

[عبيد الله]

وعليكم السالم ورحمة الله براكاته
يعني الجيب بيطلع عليك 60 الف
تبي نصيحه انت سومه ب45 الف و5 الاف حقت الرشه
بيطلع عليك ب50 الف شي معقول
واذا خير عن البيعه يكون ازين لك
ب60 الف تاخذ فتك مديل 2007 ونضيف علا كيفك
وانت بكيفك بس نصيحة لوجه الله ابعد عنه

[ابو الهواجيس]

وعليكم السلام ورحمة الله وبركاته الموتر لونه قير عادي كان اقولك يسوا ياخذونه حقين البر والتطعيس لكن القير توماتيك مايحرصون عليه والموتر ما يسوا لا 40 الف واذا غير لونه بيكلفك 5000 بيطلع 45000 انا اشوفه كذا سعره مناسب والله يوفقك

[ابو الهواجيس]

وعليكم السلام ورحمة الله وبركاته الموتر لونه قير عادي كان اقولك يسوا ياخذونه حقين البر والتطعيس لكن القير توماتيك مايحرصون عليه والموتر ما يسوا لا 40 الف واذا غير لونه بيكلفك 5000 بيطلع 45000 انا اشوفه كذا سعره مناسب والله يوفقك

[العابر2222]

أخوي عبدالله وين الفتك موديل 2007 النظيف بـــ 60 الف هاته وخذ سعي 4000 ريال

موديل 2005 ورقم 1 ما تحصله بـــ 75 النظيف

2004 نظيف يمكن تلقاه بـــ 60 الف او ما تلقااه

2002 فوق 50 الف

-----------------------------------

أخوي صاحب الموضوع

انت شف السيارة اذا التندة ما تأثرت واجد يعني وزنية الغمارة مظبوطه والمحركات تمام سليمة سمه منه بـــ 45 الف اشوف انها مناسبه

[ولد شيوخ]

وعليكم السالم ورحمة الله براكاته
يعني الجيب بيطلع عليك 60 الف
تبي نصيحه انت سومه ب45 الف و5 الاف حقت الرشه
بيطلع عليك ب50 الف شي معقول
واذا خير عن البيعه يكون ازين لك
ب60 الف تاخذ فتك مديل 2007 ونضيف علا كيفك
وانت بكيفك بس نصيحة لوجه الله ابعد عنه


الله يعطيك العافيه بس المشكلة كل الي اشوفها 2002 ب55 الف وتلقاه ماشي واجد أو 2007 وفيه صدمات واجد وماشي حول ال200 وتلقاه يقول مسيوم 70 واذا نظيف وخالي من السمكره قال حد ب80 الف.

على العموم هذا الي شفته في المعارض وانت ماقصرت كفيت ووفيت

[ولد شيوخ]

وعليكم السلام ورحمة الله وبركاته الموتر لونه قير عادي كان اقولك يسوا ياخذونه حقين البر والتطعيس لكن القير توماتيك مايحرصون عليه والموتر ما يسوا لا 40 الف واذا غير لونه بيكلفك 5000 بيطلع 45000 انا اشوفه كذا سعره مناسب والله يوفقك



الله يعطيك العافيه كفيت ووفيت وبيض الله وجهك

[ولد شيوخ]

أخوي عبدالله وين الفتك موديل 2007 النظيف بـــ 60 الف هاته وخذ سعي 4000 ريال

موديل 2005 ورقم 1 ما تحصله بـــ 75 النظيف

2004 نظيف يمكن تلقاه بـــ 60 الف او ما تلقااه

2002 فوق 50 الف

-----------------------------------

أخوي صاحب الموضوع

انت شف السيارة اذا التندة ما تأثرت واجد يعني وزنية الغمارة مظبوطه والمحركات تمام سليمة سمه منه بـــ 45 الف اشوف انها مناسبه


الله يعطيك العافية وأنت صادق النظيف سعره غالي ... وأنا شكلي بكلم الرجال وأبدا معه من 40 ألف وأوصله لحد 45 ألف + 5 الآف = 50 الف .

[جآر الثريآ]

وانا اخوك دامك وصلت 60 الف

تحصل النظيف يالغلا
2006 وغيره

[عاشق الشتاء]

ابعد عنه يرزقك الله مقلوب وبعد تماتيك اذا جيت تبيعه تبي تتعب

والله يرزقك بالجيب النظيف

[الصقار3]

نصيحة السيارة المقلوبة ابعدعنها قليل جدا الي يضبط وزنية التنده
ودامك وصلت للخمسين زودها شوي وخذلك افضل من هالمقلوب ومسمكر ومرشوش وبعد بتغير لونة وراح ينقص سعرة اكثر واكثروأسال الله انة يرزقنا وياك وتحصل السيارة الي تخدمك والي ببالك

[راعي طويلات]

الله يعطيك العافيه بس المشكلة كل الي اشوفها 2002 ب55 الف وتلقاه ماشي واجد أو 2007 وفيه صدمات واجد وماشي حول ال200 وتلقاه يقول مسيوم 70 واذا نظيف وخالي من السمكره قال حد ب80 الف.

على العموم هذا الي شفته في المعارض وانت ماقصرت كفيت ووفيت
الأسعار تختلف وأنا أخوك على حسب الموديل والنظافة والمواصفات واللون ماعليك من كلام الي يسولف بالنت ولايدري عن الأسعارالنظيف سعره فيه
متى قد خبرت فتك 2007 يباع ب 60 الف حتى الربع السلق مايباع بهالقيمة
واحد من الشباب معه ربع سلقه 2006 بايعه قبل أسبوعين ب 64 الف
ممكن تحصل 2002 فتك طبعا ب 50 وتلقاها جايه حقه يعني مهوب نظيف وشبة منتهي وممكن تحصل أخوه ب 70 الف بس شيخ باختلاف المواصفات من أقل فئة إلى السوبر سفاري
ونصيحتي لك أترك هالموتر ودور لك النظيف لو أقل منه موديل وأتوقع 60 الف بتشيخك في 2002 SGL_V أو زود دراهمك شوي وخذ لك سوبر سفاري لو قير عادي
لأن الموتر منقلب ومرشوش والي فهمته منك أن الموتر يمكن مايطول معك وبتخسر فيه ووبوضعه هذا ماراح يخدمك بالبيع الي أبي أوصله لك لاتهتم بالموديل كثر ماتهمك نظافة الموتر من جميع النواحي
بالتوفيق والسموحة على الإطالة..

[ولد شيوخ]

جزاكم الله خير أخواني ماقصرتوا.

[مشاري الحلاج]

اخواني ممكن استفسار عن اسعار سفاري صالون 2005 قير عادي مو مهم فتحه او بدون لؤلؤي
لو تكرمتو تفيدوني جزاكم الله خير

[سفاري959]

يا جماعه ما فيه 2007ولا 2006 ولا 2005 ب 60 الف واحد من الشباب اخذ 2002 اس جي ال ذهبي ماشي 160 الف اشتراه قبل 3 شهور ب 64 الف وين طلعتوا هالاسعار منه لو هذي اسعارها اشتري واحد من بكره واللي يقول تماتيك ماهو مرغوب اجل مانتم اهل معارض الرغبه في السوق للتماتيك واغلى سعر مع العلم اني افضل العادي في اي موتر بر زد فلوسك شوي خذ 2002 شيخ وما راح تندم النظيف للاستخدام وللبيع كلها الله يوفقك للخير سسسسلام

[ولد وايل..]

[b][size=3]ب60 الف تاخذ فتك مديل 2007 ونضيف علا كيفك





حياك الله اخوي...

انا اعطيك 60 الف وعشر الف سعي ...

وجب لي سفاري 2007 فتك....