وصف الطريق لصروم؟؟

[Faroug]

السلام عليكم ورحمة الله وبركاته


اخواني احد ممكن يوصفلي كيف الطريق لصروم ؟ قول انا في خط مكة والاستاذ الرياضي على يميني .... كيف بعدها هل هو نفس خط المجيرمه؟


بالله الفزعة اللعف جاهز بس المشكلة ماعرف الطريق ههه وبعدين هل هذي المناطق ممكن تبان في النافيقيشن حق السيارة؟ (صدق نفسه ان عنده نفيقيشن) لا يعني لو تبان اشتري هذوله إلي ينباعوا في جرير ولا شي.

شكرا وما تقصروا مقدما :)

اخوكم فاروق

[ساموراي]

تمشي على نفس طريق مجيرمه من جهة خط الساحل بتقابل قريه تمشي بعد القريه مايقارب 2 أو3 كيلو بتلقى مفرق على يمينك تجي معاه وكأنك راجع للخط بتمشي شويه حق50 متر وتدخل يسار تمشي لين تلقى دوار كمان تمشي زي ماكنت بتمر على قريه إسمها القرينيه تمشي من القريه على طول لين تلقى دوار على البحر تأخذ بعده يسارك وتمشى لين تقابل أول مركز على يمينك لونه أبيض هذا هو مركز صروووووم

[Faroug]

الله يسعدك حبيبي دنيا واخره , بس ما فهمت قصدك بخط الساحل انا ما اعرف طريق للمجيرمه غير الخط السريع المخرج إلي بعد الاستاذ مكتوب فيه جيزان اخذه واطوول الين المجيرمه هل هذا الخط إلي انت تتكلم عنه؟

[حياتي البحر]

ان شاء الله يكون افدك اخونا ساموراي

[بدر الزمان]

بالنسبة لطريق مركز صروم تتجه من عند الأستاذ الرياضي يمين كأنك رايح طريق جيزان راح تقابل نقطة التفتيش اللى بعد معارض السيارات تواصل طريقك الى أول محطة بنزين على يمينك ليست بعيده عن النقطة كثير . بعد ذلك تدخل من الشارع الموازي للمحطة وتخلي المحطة على يسارك وتتجه غرب الى ان تصل لأول دوار تتجه من هذا الدوار يسار الى الجنوب وتمشي ستجد دوار آخر خذ من الدوار يمين في اتجاه الغرب ستمر من هذا الطريق بالقرية التي توجد بها البقالات والمحطات استمر في هذا الطريق ستجد البحر امامك اتجه يسار في اتجاه الجنوب وامشي مسافة 10 كيلو تقريبا ستجد المركز على يمينك وهو واضح من مسافة بعيده . مع تمنياتي لك برحلة موفقه بإذن الله

[Faroug]

حياتي بحر : هلا حياك الله

بدر الزمان: الله يفرج كربك وييسرلك امرك

مشكور اخويا ما قصرت.

[sea lover]

وعليكم السلام ورحمة الله وبركاته

حياك الله أخوي فاروق وأبشر بسعدك..

شوف ياطويل العمر هو فيه أكثر من طريق وحتى من خط مجيرمه في لها مفرق بس ما أتوقع إنك تطب فيه لأنه ترابي ومو واضح الا للي يعرف المنطقه..

وأحسن طريق بالنسبه لي إذا جيت من كوبري المينا بإتجاهك جنوب قبل ماتوصل للأستاذ الرياضي بيجيك مخرج مكتوب عليه شارع الإسكان (الصناعيه) أنزل منه راح يجيك دوار خذ من عنده يمين وطول الين يجيك دوار ثاني عديه على طول (قص) راح تجيك إشاره برضو عديها على طول الين توصل لتقاطع كبير فيه إشاره من الإشاره هذي لف يسار وطووووول الين يجيك دوار عدي الدوار على طول (يعني كانه مو موجود) راح تجيك القاعده البحريه على يمينك وقامها دوار أدخل يمين مع الدوار وأتوكل على الله الين يجيك التفتيش ..بعد ماتعديه طووووووول يجيك دوار عديه على طول يجيك دوار ثاني خذ منه يمين وطوووووول الين يجيك دوار وقدامك البحر خذ يسار وطوووووول بعد ثالث دوار هذي منطقة صرووووم وشوي ويجيك المركز على اليمين..


إن شاء الله يكون الوصف واضح أخوي فاروق بس أنتبه اذا كنت رايح في الليل انا خبري بالمنطقه مضلمه انتبه من الدورات ترى تجيك فجأه وياما ناس طلعتها..

وبالتوفيق لك إن شاء الله وإذا إحتجت شي حنا في الخدمه..

تحيتي..

[بدر الزمان]

تحت أمرك وموفق بإذن الله ..

[adooli]

ان شاء الله ان الشباب افادوك

[alqamr]

اخوي فاروق لو عندي الاحداثيات كان اعطيتك بس اعذرني لا اعلم :(

[ساموراي]

خط الساحل وخط مجيرمه واحد نعم هو اللى اقصده

[Faroug]

alqamr : تواجدك يكفي اسعدني يا غالي.

sea lovar: بشرك الله بالجنه والتوائم وانت انسان محبوب من الجميع ومن احبه الله حبب عباده فيه. الله يحفظك ويرعاك.

adooli : كفوو و وفو والله اسال لي يومين ماحد قلي. ولاكن سألت ساعتين في مكشات وعرفت اوصلها من كذا طريق بفضل الله ثم الاخوان.

اكرمكم الله ومشكورين وصلت المعلومة.

[sa_1899]

أتوقع أفادوك الشباب ..

وإذا ما فهمت تمام .. نقدر نوضح لك أكثر .. ولو تبي نوديك لين صروم ماعندي مانع والله

بالتوفيق يا فاروق

تحياتي لك يالغالي

دمت بخير

[مشاغب السقالة]

طريقة سى لفر افضل

[Faroug]

sa_1899 : اصيل وولد اصول الله يرضى على من رباك ويطرح لك وفيك البركه اخوي صالح.

مشاغب السقالة: وتشريفك الموضوع افضل الجميع :) شكرا حبيبي.

ساموراي : وصلت المعلومه مشكور حبيبي.

[حظي الي بكاني]

الله ييسر امرك وفالك الخير ان شاء الله يا غالي

[نبض الحياه]

السلام عليكم ياشباب المنتدى
مشكور اخي بدر الزمان انت وصفت اسهل طريق لمركز صروم:good2:

[نبض الحياه]

وعليكم السلام ورحمة الله وبركاته



حياك الله أخوي فاروق وأبشر بسعدك..


شوف ياطويل العمر هو فيه أكثر من طريق وحتى من خط مجيرمه في لها مفرق بس ما أتوقع إنك تطب فيه لأنه ترابي ومو واضح الا للي يعرف المنطقه..


وأحسن طريق بالنسبه لي إذا جيت من كوبري المينا بإتجاهك جنوب قبل ماتوصل للأستاذ الرياضي بيجيك مخرج مكتوب عليه شارع الإسكان (الصناعيه) أنزل منه راح يجيك دوار خذ من عنده يمين وطول الين يجيك دوار ثاني عديه على طول (قص) راح تجيك إشاره برضو عديها على طول الين توصل لتقاطع كبير فيه إشاره من الإشاره هذي لف يسار وطووووول الين يجيك دوار عدي الدوار على طول (يعني كانه مو موجود) راح تجيك القاعده البحريه على يمينك وقامها دوار أدخل يمين مع الدوار وأتوكل على الله الين يجيك التفتيش ..بعد ماتعديه طووووووول يجيك دوار عديه على طول يجيك دوار ثاني خذ منه يمين وطوووووول الين يجيك دوار وقدامك البحر خذ يسار وطوووووول بعد ثالث دوار هذي منطقة صرووووم وشوي ويجيك المركز على اليمين..



إن شاء الله يكون الوصف واضح أخوي فاروق بس أنتبه اذا كنت رايح في الليل انا خبري بالمنطقه مضلمه انتبه من الدورات ترى تجيك فجأه وياما ناس طلعتها..


وبالتوفيق لك إن شاء الله وإذا إحتجت شي حنا في الخدمه..


تحيتي..

مشكور وما قصرت على وصف الطريق ومشكور كثيرا على التنبيه من الدوارات:good2:

[accentkool]

اعتقد الاخوان ماقصرو بارك الله فيهم