المساعد الشخصي الرقمي

مشاهدة النسخة كاملة : خاص لطيور البر واصحاب السفاري


السفاري
22/03/2005, 09:12 AM
بسم الله الرحمن الرحيم

الاخوان الاعزاء اعضاء هذا المنتدى الرائع المحترمين

السلام عليكم ورحمة الله وبركاته

عندي سيارة سفاري باترول موديل 94 والحمدلله ولكن الاحظ على الموتر انه نازل بالحيل ركبت كعكات ارتفع اشوي لكن يوم فحصت قالوا لي فكهن وفكيتهن ولاركبتهن لكن ذكر لي اليايات الاسترالية يقولون انهن زينات للمطبات وارسى للموتر ويرفعن الموتر فاذا احد جربهن اوعندة خبره عنهن لايبخل علينا .

ولكم خص التقدير
صوعان
22/03/2005, 09:24 AM
اخوي السفاري الله يجزاك خير
انا مجربهن الحين لي اربع سنوات بصراحه تغير الموتر زينات مره يرفعن الموتر ولاينزل مع التحميل والمطب يتغير عليك
اذا حملت الموتر وركبت العفش يعني صار الموتر مرصوص انس المطب اما اذا صار الموتر خفيف ماعليه حموله يصير فيها مطب بس احسن من قبل
والنوع الدارج عند الناس والي يناسب السفاري الوسط الخفيف
انشالله اني قدرت افيدك
السفاري
22/03/2005, 09:35 AM
مشكور اخوي صوعان على سرعة الاستجابة ولكن ماقلتلي افضل انواع اليايات الزينة وكم قيمتهن التقريبية ويقولون انه فيه يايات قويه عند الرماية

شكرا من اعماق القلب
صوعان
22/03/2005, 09:42 AM
موجوده عند الرمايه ولهم ورشه للتركيب نهايه شارع التخصصي عنده كتلوجات وعنده كل شي يقدر يفيدك هي ثلاثه انواع الي انا اعرف
ثقيل ويجي ثلاثه ارتفاعات عالي ووسط وقصير
حموله وسط كذلك ثلاثه ارتفاعات
حموله خفيفه كذلك ثلاثه ارتفاعات
واحسن شي للسفاري الحموله الخفيفه و الارتفاع الوسط
طبعا خفيفه با النسبه لنا ممتازه جدا
هذا النوع الي انا مركب وبصراحه ارتحت عليه مره
فيه ملاحظه بسيطه
اذا كان السفاري الي عندك صغير بابين فقط لازم تنزل القير شوي عمليه سهله جدا اي ورشه تسويها لك
اما اذا كان صالون اربع ابواب ماعليك الاالعافيه
وقيمتها مع المساعدات حول 2500 ريال
وسلامتك