يارعين الكيف وتصليح القهوة نبي مشورتكم....

[الشواهين]

السلام عليكم ورحمة الله وبركاته

اخواني بالمنتدى

الان كل واحد منا عارف طريقة اعداد القهووة وكيف يصلحها
لكن هنااك جزئية وحده
كمية المقادير
انتم عارفين انه توجد احجام متعدده لملقمة القهوة وكل حجم له مقدار معين من القهوة فنجال ولا فنجالين

فياليت احد يعطينا كمية القهوة اللي توضع لكل ملقمة ( يعني كم فنجال )
الحجم الصغير كم نضع فيه فنجال فهوة
والملقمة المتوسطه
والكبير


وعندي استفسار ثاني
انا عندي هيل من النوع الغالي ولكن يسبب مراره اذا اذا زودت فيها شوي فايش السبب


ولكم جزيل شكررررري

[فلاجكو]

بنسبه لكميه القهوه فهى حسب حمستها اذا كانت القهوه حمستها خفيفه فتزود الكميه اما اذا كانت الحمسه غامقه فتقلل الكميه .
اما الهيل يفضل ان يكون مجروش وليس مطحون ناعم وسلامتك ...

[ولد وايل..]

ياعزيزي...

القوة ماهيب على الوصف...

القهوة على حسب مقدارالماء ومقدار الطبخ...

بالنسبة لي ملقمة القهوة اللي عند بالعزبة ما احكر القهوة الا بوزنيتها...

لان الملاقم تختلف..

انا تقريبا ملقمة القهوة وسط وبالغالب من فنجال ونص الى فنجالين الا شوي...

طبعا ما القمها الا عقب ما يفوح بحيث اول ما احط القهوة تقلب وانت العب به فوق تحت(الدلة الملفمة) اهم شي ما يفوح وتنكب..لانه بتخرب الوزنيه...

همن عاد انت ومزاجك حط حبتين ثلاث حبات مسمار يعطي نكهة ولون..

وعقب ماتخليا دقيقتين ثلاث ع نار عاليه تقريبا تقلب خفف النار مررررررررررررة...

اوا ابعدها يعني تصير تقلب بشويش...

همن بهر دلتظ نص فنجال الى ثلاث ارباع أو اكثر على حسب المزاج هيل
وان كان تذر زنجبيل <<< ذر بسسسس
وان كان تبي تزعفرها وكذا..

عقب ماتخلي القهوة تطبخ مالا يقل عن ربع ساعه الى ثلث ساعة زلها واشرب اطننننننننننخ فنجاااال....


بالتوفيق...

[رعد الصحراء]

أبشر بعزك ياغالي

إبحث عن طريق باحث قوقل لمكشات والموجود في أعلى الصفحه وبالمنتصف

باحث قوقل لمكشات ( اضغط هنا ) (http://www.google.com/custom?hl=ar&lr=&ie=iso-8859-6&oe=iso-8859-6&client&domains=www.mekshat.com/&sitesearch=www.mekshat.com/&safe=active)

ماعليك إلا أن تكتب ماتريد وستجد بإذن الله طلبك

تقبل تحيتي