مطلوب رايكم بفشق شوزن-صور

[Bo Rashed]

السلام عليكم ورحمة الله وبركاته



يا الربع ودي اعرف رايكم بالفشق قبل اتوكل على الله واشتري وخصوصا الامبرو لاني ما قد جربته وهل يصلح للنحم وكيف سوقه؟؟؟


صورة الاولومبيا 6-36


http://img105.herosh.com/2010/05/20/930339492.jpg (http://www.herosh.com)


وهذي صورة اللامبرو 1-40


http://img105.herosh.com/2010/05/20/235895934.jpg (http://www.herosh.com)


والف شكر لكم

[الحشرز]

اخوي بو راشد حياك الله

هذا الفشق للقريب يعجبك اما للبعيد شوي مو تماااام لانه مايبعد ويبيلك ترمي

قريب مرررة ..

عني شخصيا اقولك أنطلة لانه مو تماام

ومشكور ع الطرح

[بواردي الروضة]

الالومبي أفضل يبو راشد

توكل على الله وخذه

ويصلح للنحم حتى لو انه بعيد

ميزته أنه يجمع الحلبي كأنك رامي بمنصوره ضيقه

[Bo Rashed]

الله يجزاكم خير ومشكورين

لكني توقعت ان اللامبرو راح يسوق اكثر لان ضغطه 40 ولا السبب ان رقم الحلبي 1؟

[فرخ الجني]

الاثنين ممتازين بس تبي الاقوى سمعه وشركته قويه الامبرو بس ضغط 40 والله ما جربته لو لقيت 36 اللي يجي لون الفشقه عنابي هذا خذه وعلى ضمانتي بس على العموم اثنينهم حلوين وتبي الشور اللي يخليك تجيب الفرق كله شكل حط الامبرو اخر المخزن والاولمبي اول من يرمي يعني حط اول ثلاث فشق اولمبي واللي بعده لامبرو يجيب لك البعيد وراح تدعيلي ان شاء الله تحياتي اخوك : فرخ الجني

[عاشق الفتك 20]

اولمبيا اطيب من لامبرو
وهاذا من وااقع التجربه

[الهديف]

فيه ناس ماجربت وتقول رايها
أولمبي الاسود 36/6 من اسرع الفشق ويتفوق على آرسي وكاكا خصوصا التوريدات الاخيره من كاكا مضروبه
طرحت به قبل شهرين جوز كراوين طيار مرتفع وطيار منخفض وأعجبني في جميع التجارب
وكنت شارية وأنا غير مقتنع فيه

اللامبروا 40/1 خاص للنحم وممتاز جداً من ضغطة ولوتأخذ نفس النو 40 / 2 تحت الصفر أو 4 تحت الصفر أفضل من ذلك ومتوفره بالسوق نفس الدستة ونفس اللون
كذلك نوعين لامبرو 36/6 و 36/3 ممتاز جدا جدا ورميها حار وتجيب البعيد

لكن المشكلة أكثر الناس طايحه في اللي جربته وخلال سنوات قليله ستكتسح الانواع الاخرى

[الصياد99]

اخوي الامبروا افضل

[مدور الصيد؟]

اولمبيا رقم 1 ورقم 4 ورقم 6 ضغط 36 خذه ولا تشاور وولا يهون لامبرو رقم 6 36 العنابي

[Bo Rashed]

بيض الله وجيهكم يا يالربع وما قصرتوا

راح اتوكل على الله واخذ الاثنين

[دعاس]

بالله كم سعر الصندوق وشكرا وين تحصله

[بيكال فيبر]

اخوي عندي منه مليان ماترمي فيه الا من قريب سوا طيار او واقع ويصلح للنحم اذا صرت مترس وقريب منهم اما طيار وبعيد ماينفع ولا بريال

[ابوفهيدان]

اذا المسافة بعيدة خذ الثاني وادعيلي
بس اهم شي ركب الشوك رقم واحد الضيق

[عقيد حرب]

هج عن الاول اماا الثاني ترى يعتبر خشن شوي بس حلو للكدري والشي البعيد