المساعد الشخصي الرقمي

مشاهدة النسخة كاملة : موتري يتفتف (يقطع ) على طريق مكه الهدا (كرا)...!!


بن سعيّد
21/05/2010, 01:21 AM
السلام عليكم

الله يجزاكم خير امس الخميس اخذت عمره وبعد رجوعي من العمرة للطائف عن طريق الهدا

ولما صعدت في الجبال يعني وقت الجد ههههههه بدأت السيارة تقطع ثم تطفي

اصبر شوي واشغلها ثم تمشي لها كم كيلو ثم تعود على التفتفه (التقطيع) ثم تطفي

والحين أنا أبي أرجع للرياض بس مشكلتي مافيه اليوم جمعه مافيه ورشات وأنا عندي دوام خخخخ :D

وش الحل يالربع وخاصة اخواني أهل الطائف ومكه يمكن يفزعون معي بحل ولا طريقة !؟!
بدون لوحات
21/05/2010, 01:28 AM
مقبول السعى00000000 نوع السياره والموديل
بن سعيّد
21/05/2010, 01:35 AM
2005 يوكن قصير بدون دبل استخدام امريكي

الله يتقبل منا ومنك
أبو سليمان888
21/05/2010, 02:02 AM
انا من رايي انك تشيك على طرمبة البنزين
بدون لوحات
21/05/2010, 02:53 AM
مع لفات كرا سخنة طرمبة البنزين واكيد ان التانكى كان فبه الربع

جرب املاء التانكى فل ان لم يحدث تقطيع فتوكل عاى الله وغبر صغاية البنزين
بن سعيّد
21/05/2010, 07:57 AM
التانكي فيه 85% من البنزين يعني فل الا شوي

في الطريق الان في الطائف يعني مافيه مرتفعات عادي سالك

بس لما كنت على طريق كرا كانت معاناة لحد ماوصلنا الطائف

وللعلم الصفاية في هالموديل تجي مدموجة مع الطرمبة داخل التانكي حسب كلامهم

إلا إذا فيه كلام ثاني منكم فأنتم عندي أبخص وأوثق
أبونجم
21/05/2010, 09:32 AM
هذي الله يسلمك الطرمبه خذ الكلام اللي يجمد على الشارب .

كانت تحصل معي في سيارة كابرس موديل 89 والله العظيم علتني . وقفت علي في الهدا ثلاث مرات ونفس مشكلتك تفتفه وتطفي .

ركب طرمبه أصلي مع فلتر .
بن سعيّد
21/05/2010, 11:06 AM
طيب يابو نجم

اانا الله يسلمك بحل بعمري من ناحية توفير القطعة اليوم الجمعة !

هل هناك فروع تشتغل يوم الجمعة في الطائف أو مكة أو جدة ؟!
سوبر الزلفي
21/05/2010, 12:53 PM
شوف يآبعدي آول شئ عمره مقبولة
يوجد عند المحطات يصفي لك البخاخات يمكن فيه وسخ آو آي شئ

آو آفصل البطآرية يمكن الكمبيوتر فيه خلل شوي

لان أذا فصل البطآرية يرجع الكمبيوتر لآول ...

وأذا تعرف تكبس للبخاخات يمكن مآركبن زين ..

آو آكبس على البواجي ...

وماآقول الا الله يكون بعونك
... وعطنا خبر إذا فاد ولا لا ..
بن سعيّد
21/05/2010, 02:07 PM
سوبر الله يجزاك خير

الإشكالية في أنه أكثر من فني قال لي طرمبة بنزين

نبي بس مهندس مضبوط في الطائف

الشكوى لله نجلس إلى بكره وش نسوي !
العنقري
21/05/2010, 06:21 PM
اذا كان السياره مافيها تقطيع الان سافر عليها بشرط لاينقص البنزين عن النصف
صفاية البنزين تحت ارجل السائق على الشاص
بن سعيّد
21/05/2010, 08:03 PM
اذا كان السياره مافيها تقطيع الان سافر عليها بشرط لاينقص البنزين عن النصف
صفاية البنزين تحت ارجل السائق على الشاص

الله يجزاك خير هل أنت متأكد أن الموديل 2005 فيه صفاية !!!!!!؟!!!!!!
رسمال
22/05/2010, 08:03 AM
أعتقد "غير جازم" بأن التغير السريع في الارتفاع والضغط الجوي ممكن يسبب هالمشكلة يعني ارتفاع مكة حوالي 300 متر والهدى حوالي 2500 متر .... كثير من الناس اشتكو من هالأعراض في الهدى لابد فية سر وبعدها ما عادت المشكلة
(ارجو التعليق)
مغلي
05/06/2010, 10:22 AM
الوكاد
ان اليوكنات سيارات اي كلام
وينطبق عليها المثل
يامن شراله من حلاله عله