السويرق؟؟؟

[فارس 74]

السلام عليكم

انا عندي واحد من الربع كلفني اعرض لكم مشكله طيره لعل الله يكتب له شفاء
عند اصحاب الخبره

طيره الله يكفي طيورنا وطيوركم الشر فيه مرض السويرق


ينبت ريشه ولا وصل للمنتصف طاح وفي بعض مناطق جسمة ماينبت الريش

يقول ودي اطلقه لوجه الله لكنه ما يقدر يطير والطير علي هذا الحال له فوق الاربع سنوات

عطاه فيتماينات وداه لعده دكاتره مافاد فيه


من يعرف له حل يالربع؟

[7or 100]

الله يشفيه وان شاء الله يفيدوك اهل الخبره

[محمد النعيمي]

الله يشفيه

[ابـــًًو تركـــًي]

الله يشفيه
وان شاء الله البراء ال عثمان
بيفيدك

[سلطان 1]

فارس مسيك بالخير

العلاااااج بعد الله زيت كبد الحوت وبودر من

عند خااالد العويدي وان شالله وحده بوحده 0

عطه الطير لمده المقيض والله يشفي طيرك

[ابـــًًو تركـــًي]

مرض السويرق نقص فتمين A+d + عدم تعرض الصقر لأشعه الشمس

بالإضافه إلى عدم إعطاء الصقر العلف الجيد

هذه أكثر ما يسبب المرض هناك أمور أخرى مثل وراثيه أو بعض الأمراض مثل إتهاب المدهنه


عموماً العلاج
1- تنويع العلف الصحي
2-إعطاء الطير ملتي فيتمين
3-تعريضه لأشعه الشمس

ملاحظة قد يتعافى الطير إذا كانت الحالة في بدايتها في نفس الموسم وقد لا يطيب إلا في الموسم التالي
ترا هذي المعلومات من الاخ البراء ال عثمان

[أبو أمين]

فااااااااااارس

طيركم ان شاء الله ما يشوف شر

وشور سلطان 1 هو الكلام الصحيح لان زيت كبد الحوت فيه اكثر من فيتامين والله يشفي طيركم

[الطبشي]

الاخوان ماقصرو والله يشفي طيرك0000

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخيرياخوي / فارس74
مرت على احد طيوري شبه شبه اللي ذكرت
ريش العام وقبل العام فيه
وشافه العويدي
دق المدهنه . وغرس موس منعمي
والحمد لله الطير سلم
بالنسبه لزيت كبد الحوت يباع سايل بدون نكهات
افتح الغطاء بمسمار ورش على العلف
ماتندم لين تاصل العويدي


*
والسلام
الخبت أخو نايف
9-6-1431هـ

[501]

الله يشفيه ان شاء الله وتفرح به مشافى
501

[منصور بن محمد]

بسم الله الرحمن الرحيم
السلام عليكم ورحمة الله وبركاته

الله يشفي الطير ويومه سالم وغانم وتاكل من صيده

وملاحظات الربع إن شاء الله تفيد الطير

والزيت إن مانفع مايضر أن شاء الله

صابرن أربع سنين !! ياكبر قلبك ماشاء الله تبارك الله
أنا اشهد إن الطير عز الخوي

اخوك
أبـو عـقـاب

[فارس 74]

اخو فور 100 الله يجزاك خير

محمد النعيمي جزاك الله خير

صقار الوجه لاهنت ومانستغني عن البراء


الله يجزاك خير ياسلطان وابعلم راعيه اما بالنسبه لزيت كبد الحوت استخدمه الرجال اما البودره مادري عنها واتمنا اعرف وش مكوناتها وراح نكلم العويدي
مشكور ياسلطان.



صقار الوجه شكرا لك الطير سبق وعرض علي اطباء خذوله تحليل دم وفحص كامل
واعطوه فيتمينات متكامله ومربطه تجيه شمس ومن احس المرابط
ولا فيه نتيجه تذكر والله كريم.


ابو امين شكرا علي مرورك وكلام سلطان طيب وراح نجرب هالطريقه انشالله

شكرا لك علي كل حال


الطبيشي شكرا لك وجزاك الله خير



الفيتو ياهلا ومرحبا يابو صالح
زيت كبد الحوت جربه الرجال حسب كلامه ولا نفع مع الطيرواما المدهنه سليم وتفرز علي ما يرام مانتقد عليها بحاجه الا ان الريشه لا تناصفت حذفها الطير

شكرا لك يالفيتو.

ابو عقاب ياهلا ومرحبا والله يجزاك خير

والطير طير صديق لي طلب مني اعرض علته لعله يجد لها حل
وبخصوص صبره اربع سنوات وش يسوي الله يعينه لايقدر يفك الطير ولا يقدر يهمله ماخلا محل ماجاه البحرين الرياض مالقا حل والطير فالكويت ونشالله ان له اجر علي اهتمامه بالطير. شكرا لك

[رفحاوي 999]

بشرة ان شاء الله بالاجر

اعتقد نقص فيتامين +ضغف بالدم

مر العويدي والله يشفية

[ربع خالي]

السلام عليك ورحمة الله وبركاته ,,
أعتقد ياخوي الطير فيه حساسيه في الجلد مزمنه , وهذي تصيب الببغاء , ويقال عنه جرب جلدي ولكنه غير ظاهر, بمعنى أنه تحت الجلد , وصابت كذا طير انا شايفها وأعطوهن العلاج عباره عن ابره تعطى للطير تحت الجلد وطابن , وفي معلومه يمكن البعض يستغرب منها وهي , الحاله النفسيه للطير , في بعض الطيور إن جاتها حاله نفسيه تلقاها تنتف ريشها وخاصه ريش الصدر ,وعسى الله يشفي طير خويك ,,,

تحياتي

[NAWAFQ8]

السلام عليك ورحمة الله وبركاته ,,
أعتقد ياخوي الطير فيه حساسيه في الجلد مزمنه , وهذي تصيب الببغاء , ويقال عنه جرب جلدي ولكنه غير ظاهر, بمعنى أنه تحت الجلد , وصابت كذا طير انا شايفها وأعطوهن العلاج عباره عن ابره تعطى للطير تحت الجلد وطابن , وفي معلومه يمكن البعض يستغرب منها وهي , الحاله النفسيه للطير , في بعض الطيور إن جاتها حاله نفسيه تلقاها تنتف ريشها وخاصه ريش الصدر ,وعسى الله يشفي طير خويك ,,,

تحياتي
:good2: السلام عليكم
عدل كلام اخوي ربع خالي