خبراء كابرس 2006lz

[nor99]

السلام عليكم
لأهل الخبرة كابرس 2006LZ
كيف اقدر اعيد ضبط عداد زيت الماكينة علما بعد ماغيرت زيت الماكينة بأسبوع جاتني رسالة غير زيت الماكينة

[ابوخلف الحربي]

وعليكم السلام انا عندي كابرس 2005ونفس الحاله لها سنتين وهي تطلع وماضرتني وعلمة جك اينجن وكم واحد اعرفه تجيه رسايل من الكمبيوتر ولو تفصل البطاريه ماتنفع بعد تقبل مروري.:

[Magellan]

عندكم منتدى كامل هو ss4ever
اعتقد راح يجاوبون عليكم لأنهم متخصصين بالكابرس الجيل الجديد

[متعب44]

شوف يابعدي،بعد كل تغيرت زيت لازم تمسح هالرسالة من الكمبيوتر،لأنه مبرمج،ولا درى عنك إذا أنت غير الزيت ولا لا.

طريقة مسح رسالة(service Engine oil)من لوحة الكمبيوتر

1-عندك يمين الطبلون 4أزرار ماخذه شكل دائري،الأسفال عليهن مثلث،والأعلىSETوMODE
2-دخل المفتاح بالسلف،وقبل لا تدق،أضغط على الأزرار السفلية اللي عليهن مثلثات،وأنت ضاغط ولا تفكهن ،أفتح السلف بدون تشغيل السيارة.
3-إذا طلع لك عبارة أنجليزية نهايتها فيه استفهام،هنا تقدر ترفع صوابعك عن الأزرار اللي قلت لك خلك معلق على ضغطهن(ترجمة العبارة،يقول لك الكمبيوتر ،هل تريد مسح هالرسالة)نجي للزبدة والنهاية

4-إذا فتحت السلف وانت ضاغط على المثلثات،ثمن طلعت لك عبارة أستفهامية اللي قلت لك عنها،هنا أرفع اصابعك عن ازرار المثلثات،ورح أضغط على زرارSETاللي هو كأنك تقول للكمبيوتر نعم أريد مسح الرسالة،وبرضو إذا ضغطت على SETخليك مستمر على الضغط حتى تختفي العبارة الأستفهامية،وأول ماتختفي الرسالة،بتطلع لك عبارة((بس لاتخاف))اللي هي يقول لك أنه لا يوجد رسائل(بتطلع بسرعه وبتختفي)
5-بقولك معلومة،أنا أمسح هالرسالة بعد كل تغيرت زيت،ولا أغير الزيت إلا إذا أشتغلت مره ثانية،في الصيف تشتغل هالرسالة إذا مشى الزيت 7000أو 8000على حسب ظروف الطقس،وإذا جاء الشتاء،ماتشتغل هالرسالة إلا إذا وصل عداد الزيت حوالي 13000يعني حساس الزيت يعرف متى يخبرك بإنتهاء صلاحية الزيت بدليل أنه تختلف المسافة بين فترة الصيف والشتاء،طبعا أغير زيت وسيفون،لأنه لو ماغيرت فلتر الزيت راح تستمر رسالة التشييك معك،لكن إذا غير الكل ما راح ترجع رسالة التشييك،من واقع خبر 4سنوات وأنا مقتني كابرس.
5-أتمنى أني قدمت لك شرح وافي

6-بالنسبة للأخ اللي يقول أنها ماتضر(الحربي)هي فعلا ماتضر،لكن عندك تقنية تخبرك متى تغير الزيت المفروض تستغلها بدال ما تروح تنثر الزيت وهو لسى جديد،أو يحترق زيت سيارتك والعبارة معلقه معك من سنتين وأنت ماتدري،

[metub1404]

اشكرك اخوي متعب44 على المعلومة والله يعطيك العافية وتقبل مروري

[nor99]

الف1000شكر الى الشباب
راح اجرب الخطوات وارجع لكم بالنتيجة

[متعب44]

إذا ما ضبطت الخطوات
خبرنا