صدام الجيب اللاندكروزر أنكسر والجسر أنعفط وش الحل

[تركي الضرغام]

السلام عليكم ورحمه الله وبركاته
صبحكم الله بالخير أو مساكم الله بالخير
يوم الخميس الماضي كنت أمشي بالنفود وتخبرون أحيانن الواحد يتلفت يمين ويسار يا يدور ربعه ولا يتشوف له مكان زين للجلسه ( مالكم بالطويلات )
طبيت مع سيف وطب الموتر على وجهه والحمد الله جات بسيطه أنعفط الجسر للي يمسك الصدام من داخل و تخبرون الصدام فيبر دخل شوي
قلت خل أسأل أخواني في مكشات هم أخبر مني ويمكن أحد مر عليه مثل هالحاله وياكثرها تصير دايم ههههههههه
هل فيه ورشه يصلح الفيبر ويعدل الجسر وأكيد فيه بس وش الزين للي بخل
ولا أغير الجسر والصدام وكم سعرها بالوكاله
الله لا يهينكم نبي الردود اللي تبرد السبد

[ابو مريم]

الحمد لله على سلامتك اخوي بالنسبه للصدام اذا كان صدام ملون يمكن اصلاحه ومن ثم دهانه اما اذا كان اسود ممكن اصلاحه ودهانه بس المشكله راح يختلف لونه عن اللي قدام وسعر الصدام جديد تقريبا حول ال 500 اما بالنسبه للجسر تقريبا سعره 75 بس من الممكن تعديله والاستغناء عن الجديد 000 اتمنى اني افدتك

[تركي الضرغام]

الله يسلمك
و مشكور
ماقصرت على المشاركة

[تركي الضرغام]

الربع المشاهدات ما شاء الله بس الردود ما فيه


للرفع

[ن م ر]

الصدام الامامي الأصلي سعره 450 بس حاول بالخصم يكون أقل

الجسر مدري عن سعره

رش الصدام يختلف من ورشة الى ورشه حسب شغلهم فيه بـ 200 وفيه بـ 500


نصيحه ابعد عن الصدام التجاري لأنه قليل المرونه طوالي ينكسر وقواعده ما تركب زين


وبالتوفيق

[تركي الضرغام]

مشكور يا أخوي
ما مثل الأصلي

[تركي الضرغام]

للرفع رفع الله قدركم

[العبله]

وعليكم السلام ورحمة الله وبركاته
اول شي الحمد لله على السلامه..
الصدام يصلح حتى لونه منشق يلحم ولا يبان عليه شي
بالسبه للجسر يصلح ولا يحتاج تشتري جديد
وبالنسبه للاسعار فيه ناس غاااالين مره لو تشتري جديد وترشه في الوكاله بسطلع ارخص منهم وفيه ناس رخيصه ولكن ما تدري عنهم وعن شغلهم
وحتى الغالي مهوب دليل انه بيضبط شغله لا..
ومحلات الفيبرجلاس كثيره بس انت تنق اللي يجوز لك..