ضاعة دسته ونص للوزن ورجعت بخفي حنين

[سليمان123]

السلام عليكم ورحمة الله وبركاته


ياخوان وين فيه تنباع الملزمه الي تثبت الاشياء

علشاني ضيعت دسته وشوي ولا وزنت :mad:

ولا عطوني حل اني اثبت السلاح علشان مايتحرك


راح تعبي ع الفاضي اه بس :(

جربت الليزر ولا نفع

[مريتو]

إذا تبي شئ زين رح للهدف إذا أنت مصرح للسلاح

[قنآص زهرآن]

ياخي الملزمه تلقاها في اي محل لادوات السباكه والكهرب وسعرها م يتعدى 90 ريال..او جرب تاخذ لك خيشتين رز وتعبيها رمل..بس لا تترسها مره يعني وثبت الخرازه بها وبتعدي لي..وياليت تصور الطريقه لاهنت

[سليمان123]

إذا تبي شئ زين رح للهدف إذا أنت مصرح للسلاح


لا والله مو مصرح

ياخي الملزمه تلقاها في اي محل لادوات السباكه والكهرب وسعرها م يتعدى 90 ريال..او جرب تاخذ لك خيشتين رز وتعبيها رمل..بس لا تترسها مره يعني وثبت الخرازه بها وبتعدي لي..وياليت تصور الطريقه لاهنت
اي بس وين احط السلاح بين الخشتين ولا وين بالظبط ؟؟

[Bo Rashed]

قبل اسبوعين وزنت خرازتي على هدف ورق شريته من الرماية وكانت اول مره بحياتي اوزن دربيل والحمد لله بعد 7 طلقات وزنت الدربيل وبدت المتعة الحقيقية للخرازة اي شي تحط عليه الزائد اعتبره منتهي امره
وتقدر ترسم دائره وتحط وسطها زائد على ورقة وترمي عليها ونيشن على النص وشوف الفشقه وين تروح اذا راحت فوق نزل الدربيل تحت والعكس واذا راحت يمين حرك الدربيل لليسار والعكس وبعض الدرابيل تحتاج اكثر من لفه عشان يتحرك الزائد شي بسيط وتاكد ان الدربيل متوازي مع القواعد وكل البراغي اللي في القواعد مشدودة

اتمنى لك التوفيق

[ابو دحيم]

هلاابك اخووي ا

اذا انت بالرياض عندك ورا الغرابي فيه اشارع ملياان محللات عدد وادواات تلقا عندهم اللي تبي

و اذكر اني لقيت عندهم ملازم اشكال والوان وكنت ناوي ارجع اخذ منهم وحد علشان الخرازه

[سليمان123]

هلاابك اخووي ا

اذا انت بالرياض عندك ورا الغرابي فيه اشارع ملياان محللات عدد وادواات تلقا عندهم اللي تبي

و اذكر اني لقيت عندهم ملازم اشكال والوان وكنت ناوي ارجع اخذ منهم وحد علشان الخرازه
مع الاسف بالقصيم

[سليمان123]

ابشركم لقيت لي ملزمه


بس المشكله ماعرفت وشلون اثبتها

[عقاب11]

السلام عليكم
نصيحة انتبه للملزمه لاتكسر الخشب
الوزن بالطرق التاليه افضل
تقص شطرطون اسود كأنه نقطة وتضعه على اي شى ابيض يبعد عنك 15 متر
تثبت البندق على مركاء
تفك الترباس تنظر مع الماصور
الدربيل يكون مثبت زين وأعمدة الصليب وازنه
ضع تقاطع الصليب على الهدف
حتى ترى الهدف مع الماصور وعلى تقاطع الصليب
الدرابيل الردية ماتازن يتحرك من جواء
والأهم وضع الجسم مع الدربيل وتناسقه مع خد الرامي
والتجارب تولد الخبرات وتشحذ الفطن

[قانوص قديم]

السلام عليكم تصفير الدربيل يبيله شوي خبره ولازم تطبق شروط الرمايه الصحيحه واصول الضغط على الزند وبالنسبه لاخي الكريم عقاب انا اختلف معاك بطريقتك الطلقه لها دروب يعني مسار يختلف من عيار لي عيار والطلقه ماتطلع من السلاح بخط مستقيم

[عين الخرج]

اخوي لاملزمه ولاحاجه انا كما سنه وانا اوزن دربيل الخرازه
الملزمه هذي ماقتنعتبها
اول شي تاكد من القواعد ومن وزن الصليب داخل الدربيل عاموديا وافقيا
ثاني تجيب اي شي ابيض كرتون ولاصحن ولاغيره وعلم فيه نقطه صغيره باسود
وبعدي تجيبلك فراش سفنج داشق وتنبطح على الفراش وتحط قدامك بطانيه تحط البندق عليها
وترخي يدك تخلي البندق تتحمل على الباطنيه وتخلي يد على الزناد ويدمن فوق البندق ترصها على البطانيه
واثناء الرمي يجب الظغط على الزناد بخفه وليس بقوه حتى لاتتحرك البندق اثناء الرمي
كما يجب الوزن بنوع رصاص واح ,,,,,,,,, لرداءة الرصاص هذا الوقت
ارجوا ان تفيدك هذه الوصفه العاااااميه

[PATROL]

السلام عليكم
اخوي فيه نقاط مهمه في وزن السلاح واهمها مثل ماقالو الاخوان اللي هو ضغطك على الزناد لايكون بقوه!
النقطه الثانيه حاول ان توزن في مكان مغلق او مايكون فيه هواء قوي يعني يكون الجو راكد لان الهواء يثر على مسار الطلقه!

[عقاب11]

السلام عليكم تصفير الدربيل يبيله شوي خبره ولازم تطبق شروط الرمايه الصحيحه واصول الضغط على الزند وبالنسبه لاخي الكريم عقاب انا اختلف معاك بطريقتك الطلقه لها دروب يعني مسار يختلف من عيار لي عيار والطلقه ماتطلع من السلاح بخط مستقيم
احب الاختلاف الأنه يولد اشياء كنت اجهلها ويثري الحوار
فعلا الطلقة تخرج على شكل قوس وتقاطع الطلقة مع خط النظر هو مكان الهدف
الا ترى اخي الكريم أن الوزن بجهاز اليزر بخط مستقيم خط اليزر وخط النظر واحد
اما سحب الزناد وكتم النفس وتقدير المسافه فهو فن من فنون القناص

[راعي هدد 2007]

ياخى ارسلها لرياض مع اى واحد ودها لسوق الزل عند الشايقى
\
الباكستانى فى خلال خمس دقايق يازنها لك بدون ولا رصاصه با20 ريال
وريح راسك وبعدين تنقش البره :good2:

[سليمان123]

وين ارسلها لرياض


انا ودي اتعلم