قدر الضغط (الكاتم) انكسر البلاستيك اللي يشد الغطاء

[الاشقر99]

عندي قدر ضغط (كاتم) " اسباني " انكسر البلاستيك اللي فوق الغطاء تشده اذا اغلقته ولم اجدها في جميع المحلات هل تدلوني على محل يبيعه , ولكم الشكر

[سرهيد]

هلا بك

اخوي الكريم ياليت توضح بالصور وش اللي انكسر

وهل مررت على شارع الوزير ففيه محلات صيانة

تقبل احترامي

[كادر]

رهم له حديد وريح راسك
وخل البيز من اساسيات العزبة
تقبل تحباتي

[حزوبر]

رهم له حديد وريح راسك
وخل البيز من اساسيات العزبة
تقبل تحباتي
السلام عليكم
والله يهي فكره 100% ، ولا تدفع غير عشرة ريالات للحداد

إذا انت مصر على الشداد البلاستك ، ما لك غير شارع السباله، وهو يقع قرب أسواق مكه، إذا دخلت شارع عسير من عند أسواق مكه أول أشاره وأنت متجه للغرب أدخل يمين وبوجهك الخير تجد شارع السباله ، وتخير ما تبي

[الاشقر99]

سرهيد (http://www.mekshat.com/vb/member.php?u=40450) http://www.mekshat.com/vb/images/statusicon/user_offline.gif

هذا الغطاء المطلوب


كادر
لو ارهم له حديد يطلع شكله خايس


http://img241.imageshack.us/img241/576/moroccopressurecooker.jpg

[برسيه]

إن شالله الاخوان فادوك

[سرهيد]

السلام عليكم

متوفر طال عمرك

تعرف شارع الوزير ، خل مجمع الوزير بن سليمان على يمينك ووجهك شمال ، تجيك اشارة ، تعدها على طول بعدها كم محل ، الظاهر انه الثاني او الأول اللي يسوي الصيانية وبتلقى عندهم القطعة

تقبل احترامي

[لاتكب البيالة]

السلام عليكم
مثل ما قالو الاخوان لحم له سيخ حديد وريح راسك والشكل ما يؤثر على طعم الكبسة وعندما يكون الامر العارض لا يؤثر على الهدف المنشود فلا مانع من فعله:j

[الاشقر99]

جزاكم الله خير وان شاء الله اجدها

[عاشق HILUX]

اخوي رهملة حديدة ويكون اللحام نحاس علشان مايوصل الحرارة ولا يكلف الا 10 ريال والعمر كلة مايخرب

[لبرتي]

أنصحك بشارع السبالة في الرياض ومثل ما تفضل أحد الاخوان بالوصف وراح تحصل قطع الغيار الخاصة بالكاتم

نصيحة مجرب

[أبوتركي الخالدي]

رح شارع السباله،وخذ لك احتياط
هو يقع قرب أسواق مكه، إذا دخلت شارع عسير من عند أسواق مكه أول أشاره وأنت متجه للغرب أدخل يمين وبوجهك الخير تجد شارع السباله ، وتخير ما تبي

[ابو الشباب3]

اخي الغالي

فيه محل اسمه العمودي في سوق بن دايل عند حقين الاواني المنزليه سبق ان غيرته عندهم

كان في الديره سابقآ

الله يوفقك ..