المساعد الشخصي الرقمي

مشاهدة النسخة كاملة : طريقة تحويل ددسن طاره عادي الى هووووواء <<<< مهم


فارس العمور
22/05/2010, 09:07 PM
شباب فيه ددسن جديد 2009 وعيبه طاره عادي واريد اركب طاره هواء

ماهي نصائحكم ؟ تشليح ؟ او اشتري قطع جديده

وين افضل محل بالخرج او الرياض

كم التكلفه ؟؟ <<<<< مهم
دامر الصيد
22/05/2010, 10:16 PM
اسمع وانا اخوك ولله مافيه زي الوكاله لاتغير شي مره خلها على الوكاله مجرد نصيحه
فارس العمور
23/05/2010, 02:34 PM
شكرا لك ...

وننتظر بقية الاخوان للرد على الاسأله
سلطان الرياض
23/05/2010, 03:24 PM
الحل عندي يا أخوي فارس العمور

رح إلى اقرب حراج سيارات وحرج على موترك وبيعها ...

بعدين رح إلى أقرب معرض سيارات نيسان جديد ودور واحد بطارة هواء

لا تحسبني استهبل لا والله أنا أتنمى لك الخير ....

تدري ليه ما بيك تتعذب في الورشة والصناعية ومشاكلها ....

وحط في بالك اذا لقيت واحد يشتغل كويس ويخاف الله ....

بعدين كم حاط في بالك تغيير الطارة من عادي إلى بور أو هواء

حسب توقعاتي ما بين 4000 إلى 6000 ريال وليست أكيده

سعر الدوده = ؟؟؟ (( قد شريت دوده ددسن موديل 2000 وعادي مو هواء بحوالي 800 ريال من التشليح. حائر
علبة الزيت = ؟؟؟
قاطع كهربائية = ؟؟؟
وشغل اليد =


عشان كذا قلت بيعه واشتر واحد جديد طارة هواء او بور

وعلى فكرة بتلقى في المعارض مثل موديل موترك جديد على الزيرو ...
عميد سامودة
23/05/2010, 04:46 PM
لا تخرب موترك
فارس العمور
23/05/2010, 08:04 PM
وراكم مكبرين السالفه ؟

كلها دوده وبكره وعلبة زيت

ننتظر البقيه
وسيع البنايد
23/05/2010, 08:18 PM
الحل عندي يا أخوي فارس العمور

رح إلى اقرب حراج سيارات وحرج على موترك وبيعها ...

بعدين رح إلى أقرب معرض سيارات نيسان جديد ودور واحد بطارة هواء

لا تحسبني استهبل لا والله أنا أتنمى لك الخير ....

تدري ليه ما بيك تتعذب في الورشة والصناعية ومشاكلها ....

وحط في بالك اذا لقيت واحد يشتغل كويس ويخاف الله ....

بعدين كم حاط في بالك تغيير الطارة من عادي إلى بور أو هواء

حسب توقعاتي ما بين 4000 إلى 6000 ريال وليست أكيده

سعر الدوده = ؟؟؟ (( قد شريت دوده ددسن موديل 2000 وعادي مو هواء بحوالي 800 ريال من التشليح. حائر
علبة الزيت = ؟؟؟
قاطع كهربائية = ؟؟؟
وشغل اليد =


عشان كذا قلت بيعه واشتر واحد جديد طارة هواء او بور

وعلى فكرة بتلقى في المعارض مثل موديل موترك جديد على الزيرو ...


الرجال شار عليك وشوره طيب
وحاجه وازنتها الوكاله اضمن من شغل المكنيكيه الي خبرك
فارس العمور
25/05/2010, 02:58 PM
للعلم يا اخوان..

انا ركبت البور طبيعي جدااا جدااا جدااا

فك الدوده وركب مكانها الاخرى العلبه والطرمبه والليات وخلاص !!

ومن افضل مايكون يعني شغل وكاله 100% لاني فكيتها من سياره مقلوبه شبه جديده جداااااااااا (القطع بملصقاتها ونقاطها الملونه)
والحمد لله كل شي طبيعي وصعب جدا جدا او مستحيل يكتشف احد انه مركب لان حتى المسامير هي نفسها

لكن التكلفه عاليه لان السياره تعتبر جديييييده
سلطان الرياض
26/05/2010, 02:31 PM
أخوي فارس العمور

ممكن بعد أذنك

نعرف كم كانت التكلفه التحويل كامله ؟؟؟
رفيع المقآم
26/05/2010, 10:47 PM
يالغالي اخبر واحد من الربع معه 2002 وعلته عله من الطاره ويروح هاك اليوم للتشاليح ويلقاها مع التركيب بـ2000 ريال ويركبها وعقبها ما فلت الدقس
فارس العمور
27/05/2010, 12:46 AM
التكلفه عاليه يعني 2500 ريال هي فعلا عاليه جدا وفيه اقل منها 2000 تقريبا

لكن الي خلاني ادفع هو ان السياره (الي بالتشليح) شبه جدييييييييييييييييييييده 2009ماشيه اقل من 5000 كلم !!

يعني لو كانت تكلفة القطع بالوكاله 2500 ريال لاخترت التشليح من هذه السياره لان قطعها شد بلد ومعروف ان شد البلد افضل من الوكاله + انها متكامله يعني بمساميرها وخرابيطها كااااااامله وانا بنفسي اشتغلت في تركيبها مع الهندي الشغله بسيطه جدا جدا ولا فيها اي مخاوف اذا كانت القطع نظيفه لانه نظام مستقل لا يدخل بأي جزء اخر بالسياره

والجميل ان السياره المشلحه كانت سليمه الوجهيه يعني سياره مقلوبه فقط

وسلامتكم
الوشاح
27/05/2010, 01:26 AM
انا لي تجربه مع هايلكس 2001 كانت طاره عاديه وقلبتها هواء ..
الوضع عادي جدا كلفت 1500 مع الشغل تقريبا 300 ريال ..
عليك بالتشاليح ..