عــط الخبز خبازه ولو اكل نـــــصه - دعوه للنقاش الاخوى

[مغاليس]

السلام عليكم ورحمة الله وبركاته ..
اخوانى اعضاء ومشرفين الخيمه .......

لفت انتباهى بعض الردود من الاخوان اللى ماهى فى محلها؟؟

فى مواضيعى او بمواضيع اخرى واستغرب منها للامانه مانى

عارف كاتبها متعمد او انه عفوى وكتبها سهوا او بمعنى

ادق ..( مع الخيل ياشقرا).............المنتدى يجب ان يكون للأستفاده من الاخرين والتعرف وكسب الرجال شروا من يقرا وليس شوفونى كتبت رد اى شى بس المهم انى كتبت

بصراحه انا استغربت من اللى مايعرف بالشى ويتفلسف فيه

وبكل ثقه حلات الرجل اذا ماعرف للشى ما يسولف عشان

لايصير احراج له او عشان ما يصغر بعيون احد ..!!!
ولا هو عيب اذا سأل بشى يجهله بالعكس راح يلقا من يعلمه والاخوان مايقصرون امثال
1- الفيتو
2- ابو رداد مشرف
3- القرناس المهاجر مشرف
4- ذراع الذيب
5-المرى
6- ربع خالى
7-ابو غازى
والكثير من الاعضاء يعلم الله انى اتعلم منهم..

ولكن لاجى احد الاعضاء فى موضوع ................(منيره وشقران لاتعليق) ويقول الشيهانه سبوق مو فارطه ؟؟
طبعا كيفه وهذا رايه ولكن يحتفظ فيه لنفسه ليش؟؟ ياجماعه 18 ثانيه من هدت لين علقت ويقول سبوق؟؟ اشلون طبعا هذا اللى صوروه اهلها وماخفى اعظم...
ثانيا فى مجال الشعر الحمد لله ان اغلبية الاعضاء عاجبهم شعرى المتواضع وهذى احلى شهاده واغلى وسام لاصرت تكتب شى ويعجب اكثر الناس لكن يجيك واحد مطفى الليت ويقول عندك كسر بالبيت واذا كتبه كذا راح يتعدل الكسر واهو مايدرى انه طلع من طرق الى طرق ثانى يا الربع هذى شنو حلها ..؟؟؟؟؟ وفيه كذا ملاحظه لكن عشان لايطول الكلام اشوف مواضيع لو تركزون مو مكانها خيمة الصيد بالصقور والمشرفين والله ما يقصرون لكن هل هو متعمد ولا....... (مع الخيل يا شقرا)
ارجوا انها تكون حلقة مناقشه هادفه بعيد عن اى تعصب او جهاله وانتظر ردودكم الطيبه والعذر اذا بدر منى شى ..
اخوكم: مطلق الفزران

[راعى شاهين]

جزاك الله خير وماقصرت بالنسبه لشيهانه مافيها كلام وبالنسبه لشعرك فانت شاعر بمعنى اللكلمه وانا من جمهورك ويشرفنى ذالك قالوا جناحه حيل عادى وطنشت ههههه والله يوفقك

[سلطان 1]

يامطلق الله يمسيك بالخير 0
وكلاااااااااامك كل ما قلت في محله نعم فيه ناس ترد وهي ما تدري وشهو الموضوع كلها لجل تكثر مشاااركته 0 والواحد منا يخليها على الله لانك انت وانا وغيرنا ان قمنا ندقق على الردوود بنتعب 0نعم اداره المنتدى ما قصرت لكن ماراح تغطي كل اللي يصير 0
وسلاااامتك 0

[منصور بن محمد]

السلام عليكم ورحمة الله وبركاته ..
اخوانى اعضاء ومشرفين الخيمه .......


لفت انتباهى بعض الردود من الاخوان اللى ماهى فى محلها؟؟


فى مواضيعى او بمواضيع اخرى واستغرب منها للامانه مانى


عارف كاتبها متعمد او انه عفوى وكتبها سهوا او بمعنى


ادق ..( مع الخيل ياشقرا).............المنتدى يجب ان يكون للأستفاده من الاخرين والتعرف وكسب الرجال شروا من يقرا وليس شوفونى كتبت رد اى شى بس المهم انى كتبت


بصراحه انا استغربت من اللى مايعرف بالشى ويتفلسف فيه


وبكل ثقه حلات الرجل اذا ماعرف للشى ما يسولف عشان


لايصير احراج له او عشان ما يصغر بعيون احد ..!!!
ولا هو عيب اذا سأل بشى يجهله بالعكس راح يلقا من يعلمه والاخوان مايقصرون امثال
1- الفيتو
2- ابو رداد مشرف
3- القرناس المهاجر مشرف
4- ذراع الذيب
5-المرى
6- ربع خالى
7-ابو غازى
والكثير من الاعضاء يعلم الله انى اتعلم منهم..


ولكن لاجى احد الاعضاء فى موضوع ................(منيره وشقران لاتعليق) ويقول الشيهانه سبوق مو فارطه ؟؟
طبعا كيفه وهذا رايه ولكن يحتفظ فيه لنفسه ليش؟؟ ياجماعه 18 ثانيه من هدت لين علقت ويقول سبوق؟؟ اشلون طبعا هذا اللى صوروه اهلها وماخفى اعظم...
ثانيا فى مجال الشعر الحمد لله ان اغلبية الاعضاء عاجبهم شعرى المتواضع وهذى احلى شهاده واغلى وسام لاصرت تكتب شى ويعجب اكثر الناس لكن يجيك واحد مطفى الليت ويقول عندك كسر بالبيت واذا كتبه كذا راح يتعدل الكسر واهو مايدرى انه طلع من طرق الى طرق ثانى يا الربع هذى شنو حلها ..؟؟؟؟؟ وفيه كذا ملاحظه لكن عشان لايطول الكلام اشوف مواضيع لو تركزون مو مكانها خيمة الصيد بالصقور والمشرفين والله ما يقصرون لكن هل هو متعمد ولا....... (مع الخيل يا شقرا)
ارجوا انها تكون حلقة مناقشه هادفه بعيد عن اى تعصب او جهاله وانتظر ردودكم الطيبه والعذر اذا بدر منى شى ..
اخوكم: مطلق الفزران



بسم الله الرحمن الرحيم
السلام عليكم ورحمة الله وبركاته


اخوي / مطلق


صبحك الله بالخير


حقيقه يعجبني طرحك للموضوع بشكل عفوي وبصراحه تامه ، ولكن يا مطلق لو نظرنا بشكل أوسع ووسعت دائرت النقاش حول ( المنتديات !! ) عن كيفية تلقي وطرح المعلومات وتبادل المعارف وكيفية الردود الايجابيه والسلبيه منها لوجدت أن الغالبيه تضع المعلومات ويتلقاها الطرف الاخر بشكل جدي ؛ لماذا المنتديات أبدت نجاحها في السنوات الحاليه !؟ بداية تعتبر المنتديات بوابه إعلاميه وثقافيه ونجحت رغم أنها ليست بشكل رسمي ولكن متابعيها كثير ؛ وتجد أن غالبية الاشخاص لديهم مخزون ثقافي أو مخزون حرفي أو هوايه معينه ويسعى لإستقطاب نسبه كبرى من المجتع لإيصال الشئ المحبب له مثل ( الصقاره او الشعر) .


أعذرني يامطلق أبتعدت عن لب النقاش ولكن ماكتبته تمهيد للتالي :
- تعتبر المنتديات بوابه مفتوحه وليست محتكره على فكر ثقافي معين أو طبقه معينه .
- كاتب الموضوع ينتظر ردود إيجابيه في غالبية الاحيان ولكن يبقى المدهش في نظر الكاتب أن يرى رد غير ماكان يتوقعه مثل نقطة خلافك على أحد الردود اللتي جاءت بعكس ماكنت تتوقعه ( كسر البيت) ، وهذه النقطه مرت علي انا اعمل كاتب في احد المجلات التابعه لوزارة الشؤون الاجتماعيه وصحفي في احد الجرائد وللأسف لعدم صبري عن تلقي الملاحظات من القراء استقلت من الجريده ولا زلت كاتب في المجله :) .


المنتديات ليست بها احكام على طريقة طرحك للموضوع او المعلومه وكيفية تلقيها بل بطريقه شعبيه كنك قاعد بمجلسك تسولف على ربعك :D منت بمخير بل مسير على طريقتك .


واعتذر على الاطاله
واشكرك يا مطلق


ولا قل ....


بعض العرب ودك تحطه بمخباك ... وتظهر خشمه وكل ساعه تحبه
وبعض العرب ودك تلخه بمسحاه ... وتنزل عليه وكل ساعه وتلخه هههههههه


يعلم الله اني لا اعرفك ولكن احببتك في الله


اخوك الصغير
أبـو عـقـاب

[ذراع الذيب]

السلام عليكم ورحمة الله وبركاته,,
صبحك الله بالخير يامغاليس,,

صراحه موضوع مهم جدا والاختلاف في الراي لايفسد للود قضيه ولله الحمد حنا هنا نتبادل خبرات
البعض وان جهلني شي اسال اللي افهم واعلم مني,,
واللي مايسأل ماراح يتعلم ابد ويروح عليه عمره البعض يحسب انه اذا سال عن شي راح يصغر في,,
نظر الناس لاوالله راح يكبر في عيون الناس وهذا من التواضع ومن تواضع لله رفع الله مقداره,,
واللي ينتقد هداد منيره صراحه انا اقول فيه انه جاهل وان شالله يبي يعيش وفي الاخير يبي يتعلم ويشوف,,
مثل اللي ينتقد قصيدك اعتقد انهم ناس فاضيه ولاتشيل لهم هم ياكثرهم هالزمان وياشاعرنا بأنتظار جديدك الطيب,,
الشجره المثمره ترمى بالحصى,,

[أبو أمين]

نعم نعم

اوافقك الرأي وفي حالات ما ذكرتها وانا اخوك مثل

تكرير السالفه والمدح ما ابغى اقول الكذاب ولكن الزياده عن اللزوم وفلان الفلاني سوا وفعل واشترى وذبح وصلخ واغلب المنتدى ما يعرفه بس مهايط ويدخل واحد ما يعرف راسه من رجليييييييه وانت كاتب موضوع مثلا كيف اركد طيري مثلا مثلا

يجي يقول عليك بالصبر والصبر هو اهم شئ >>>> طيب انا عارف هذا الشئ

ويكمل يقول والصبر حاجه مهمه في الصقاره . يعني بالعربي يلف ويدور عشان لا يطلع خطأ ويبين نفسه انه فاهم وهو ما يعرف وش السالفه ولا يكتب موضوع وعليه تعليقات واحد توه مفطوم يعني خلها على الله.

معليش اخوي مطلق هذي السوالف فاقعه كبدي .

تقبل مروري

[حديد المخلب]

وعليكم السلام
طبعا كلامك فيه من الصحه وفيه من الاخطاء (( كل بنى آدم غير معصوب من الخطأ ))
بالنسبه للشباب المطفق اللي يتكلم ويرد وهو ما يعرف السالفه كثير وكثير وتجدها بكل مكان وعن اي موضوع
ليست محتكرة بالصقارة فقط
ونشوفها دايم
وبالنسبه الى قصيدك والله انا مااعرف للشعر ولا افرق مكسور او مظبوط لكن يعجبني وخصوصا قصيدة مجيرمة والفيتو وصح لسانك عليها
اذكر اني دخلت موضوع بمنتدى مكشات وكان فيه واحد يسأل ويقول وش اسباب مرض الرداد
رد عليه واجابه يقول : الظلام هو سبب مرض الرداد هههههههههههههه
بالنسبه لي انا ادخل المنتدى مثل اللي يدخل السوق اللي اشوفه زين خذيته واللي ما يعجبني تركته
شوف مشاركاتي وشوف تاريخ تسجيلي وتعرف اللي اقصده
واشكرك على موضوعك الحلو والصريح والهدف ارتقاء المنتدى
الف شكر

[بو غازي]

السلام عليكم ورحمه الله وبركاته
اول شي ياخوي مطلق اشكرك لانك ادرجتني من ذوي اهل الخبرة ويعلم الله اني استفيد كثير من الاخوان المشاريكن مثلي مثل غيري.
اما بالنسبة للموضوع يابن الحلال الكل يحب ان يشارك حتى ولو كان بدعاء بسيط او كلمه خفيفه مجرد ان يكون مشارك بشكل فعال
لكن توجد مواضيع لاينفع فيها الاجتهاد او المشاركة برأي او حل كي يقول انه مجرد مشاركة وليس عيب ان يترك المجال لأهل الخبرة كي نستفيد منهم,
وانا الاحظ دائما اختلافات في وجهة النظر والاختلاف لايفسد في الود قضية لكن ودك يكون الاختلاف ايجابي وليس سلبي.
وانت يااخوي مطلق شاعر مافيك حيلة:good:
وكلامك وانا اخوك في محله
:)

[رشيد22]

يعطيك العافيه اخي مطلق واللي ابا اقوله تقريبا قالوه الاخوان. ولكن مايمنع ان ادلي برايي الاخ مطلق تعديل الناس شي صعب وانت تعرف هذا لو كل موضوع نبي نعلق عليه كان علوم لكن بقول شي ان منتدى مكشات من افضل المنتديات من ناحية الاشخاص الاعضاء فيه فهم قمه في الادب والاخلاق ولا يمنع انه يوجد بعض اهل الكبر والفخر لكن ننظر للاغلبيه ماشاء الله عيني عليهم بارده علومهم علوم رجال واهل معرفة ودمت بخير اخوك/رشيد22

[راعي طلاع]

مطلق انت على اسمك مطلق وعلمك غانم وانا اخوك لا بالله
ماهي عفويه اللي تطلع من بعض السفهاء بالردود يكرمون الرجال الكفو عنهم
ولكن زي ما قلت مع الخيل يا شقرا والله اني سرت ما احرص على عرض بعض
الامور بسبب الردود اللي تذبل الكبد اجل الواحد اول الوقت وينزل طير ويقول مشروط
طلع وذبح ويجيك واحد ويقول تبيع ب500 ريال ولا شخص يكتب قصيده جزله ويقول واحد
بيت مكسور ولافيها القصيده كسور ويعجز هالشخص يكتب شطر مثلها واللي ادهى وامر يامن
تدعي العرف بالطير وامراضه ومصطلحاته وانت بعيد كل البعد عن العرف والفهم ليتك تناظر
وتقرى وتستفيد لكن تدعي العرف وانت لا تملكه هذي المصيبه كبار الصقاره يخفى عنهم امور فما
بالك بشخص جديد انا لا انتقص من الجداد بالصقاره ولكن اقولهم اركدوا الى ان تلم ببعض الامور ومن
ثم ابرز رايك اشكرك اخوي مطلق وتقبل مروري واقولك يا جبل ما يهزك ريح واللي يقول منيره ما هي فارط
قله اجل وينه الفارط الله يبارك لراعيها ويطعمه من صيدها واسف عالاطاله

[مغاليس]

اشكر الجميع على المشاركه بالنقاش وادلاء الدلو ..
وارجو الزياده ليعرف الغلطان غلطته !!

عموما الموضوع من عنوانه ! يعنى اللى مايعرف يسأل اللى يعرف ولا يألف من نفسه او يتفلسف على غير جدوى.....

وفاقد الشى لا يعطيه ......
وكما قالو الاخوان الاختلاف بالرأى لا يفسد (للود) قضيه..

ولكن الاختلاف بالجهل مشكله كبيره :)

بعدين من الملاحظات اللى ما ذكرتها واهى مهمه بيع الطيور !!

يعنى يجى واحد ويذكر طيره للبيع والطير مشروط ويجيك واحد ؟؟؟؟؟؟ ويقول افتح بابه 500 ريال !!!! اشلون ودى اعرف اشلون ...؟
اذا الطير المجهول مو اقل من 3500 او 4000 ريال الحبيب اللى فتح الباب على اى اساس فتحه؟؟؟؟

انتظر مشاركاتكم وملاحظاتكم ومنا بعد الله عز وجل..... للمشرفين للتثبيت وشكرا
اخوكم : مطلق الفزران

[القرناس المهاجر]

اخي مطلق صبحك الله بالخير

مكشات منكم وإليكم
ونحن كمشرفين .. يجب ان نكون مرغبين .. لامنفرين :)
وهواة الصقور فيهم الصغير والكبير

ونحن نتعامل مع كل عضوا باللين والمحبة
ونعلم ان هناك فروق فردية بين الأعضاء

والتعلم أخي انك عبر النت تتخاطب مع طبقات من البشر
عشان كذا اقول وسع صدرك :D

وتأكد أن فيه ناس ترد عليك محبه لك
رغم أنهم لايعرفون الصيد بالصقور

وفيه ناس يهيضهم الموضوع
فيتوجدون على ماكان وفات ... ويخونهم التعبير :p

وفيه ناس معك قلباً وقالباً .. بالمعرفه وبالهواية
وهم الفئة المطابقة لواقعك
عشان كذا اقول .. واصل المسيره ولاتلتفت للوراء
وفقك الله وسدد خطاك :good2:

[مغاليس]

اخي مطلق صبحك الله بالخير




مكشات منكم وإليكم
ونحن كمشرفين .. يجب ان نكون مرغبين .. لامنفرين :)
وهواة الصقور فيهم الصغير والكبير


ونحن نتعامل مع كل عضوا باللين والمحبة
ونعلم ان هناك فروق فردية بين الأعضاء


والتعلم أخي انك عبر النت تتخاطب مع طبقات من البشر
عشان كذا اقول وسع صدرك :D


وتأكد أن فيه ناس ترد عليك محبه لك
رغم أنهم لايعرفون الصيد بالصقور


وفيه ناس يهيضهم الموضوع
فيتوجدون على ماكان وفات ... ويخونهم التعبير :p


وفيه ناس معك قلباً وقالباً .. بالمعرفه وبالهواية
وهم الفئة المطابقة لواقعك
عشان كذا اقول .. واصل المسيره ولاتلتفت للوراء


وفقك الله وسدد خطاك :good2:


هلا وغلا اخوى القرناس المهاجر......

كلامك فى محله ولا غبار عليه ولكن
كما اسلفت انا هذى دعوه للنقاش والتعلم من الاخطاء انا نفسى لى اخطاء والحمدلله انى اتعلم منكم اخطائى واحاول انى اتحاشاها لحفظ مكانتى بينكم وتقبلوا منى صادق الاحترام............ اخوكم:: مطلق الفزران

[هيار النفود]

الرد ينقسم قسمين . علم وطرح

العلم هو السؤال عن شي ماله إلا جواب واحد ( ويجيك واحد يتفلسف )

مثل واحد يسأل متى يدخل الشتاء / الجواب لازم يكون عن علم ليس توقع ولا يمكن

والطرح /
مثل تطرح موترك وتقول وشرايكم
تطرح فكرة
تطرح شعر
تطرح قصة

كل واحد وله حرية رأي ويقول الي يقول ( إلا التجريح )

[وشــــام]

السلام عليكم

اخي الكريم مطلق ترددت كثيرا في كتابة الرد لكن ارا انه من الصعب ان نحكم الناس في ردودهم فانت تطل عبر نافذة يشاهدك العالم كله معها ويوجد من الناس من هو عالم ومن هو متعلم وايضا الجاهل فيجب انك تقبل من كل شخص نقده فاذا غضبت من رد لانه لم يجاري هواك او رغبتك فانت اللذي تغضب و غيرك مبسوط لغضبك ( المستاذي يرحل ) فاذا لم تتقبل النقد مهما كان فيه من اساليب الجفا فلا تحرق اعصابك بكتابة المواضيع و القصايد عبر الانتر نت *** الا اذا وصل النقد لشخصك الكريم ( فمادون الحلق الا اليدين )


وفي الختام تقبل مروري وننتظر جديدك

[النـادر]

الاخ مطلق والاخوة المتداخلون

السلام عليكم ورحمة الله وبركاته

الجميل ان الموضوع للنقاش وليس( للمعلوميه )كما يعتقد البعض لذا فلابد ان نؤمن ان للنقاش ارض وهي الود والتي يجب ان نلتقي عليها كبشر اولا وكمسلمين ثانيا وكعرب ثالثا و........وكاصحاب هواية اخيرا ً

لذا اقول ان اي موضوع للنقاش هو موضوع مفتوح لاراء الاخرين مهما كانت تلك الاراء او لخبرات مهما كانت تلك الخبرات وتحجيم او تقليل راي الغير امر مزعج مهما كانت نقاط الخلاف لان ذلك سنه كونيه فمعارف الناس وتجاربهم وطرق حياتهم والتي لها دور ايضا في تكوين الفكر ليست ثابته وحتى لو كانت ثابته فلغة الثقافه البيئيه ايضا مختلفه

لذا ارى وهو راي شخصي انه طالما طرح الموضوع وتوقع من طرحه وجود رد فعليه احترام الرد طالما ان الرد التزم الحدود المتعارف عليها من الادب ( هذا في المجمل) اي في المواضيع العامه اما المواضيع ذات الصبغه الخاصه كالبيع وخلافه فتحكمها انظمة وعرف عام وارى ان الاداره الاشرافيه يجب ان تسجل حظور اقوى للتصدي للمخالفين اذا ارادت ان تحفظ للمكان قيمته الاجتماعيه فهذا الموقع اقرب مايكون بسوق ادبي وتجاري ومعرفي ومن المعروف ان مثل هذه المواقع او الاسواق يرتادها اصحاب العقل والمنزله الاجتماعيه المرموقه وكذلك البسطاء وحتى المخالفين وما وضعت الانظمة الا لحفظ جمالياتها وبقاء قيمة مرتاديها

اتمنى ان لا اكون قد اطلت

[راع طلاع]

أخوي مطلق يعطيك العافية على طرح هالموضوع واللي شدني فية مو إبداء رأي أي عضو إتجاه أي طير سواءً كان الطير سبوق أو ماهو سبوق لأن هذه نظرة شخصية قد تكون صائبة أو خاطئة اللي شدني بموضوعك أخوي مطلق بتكلم حول بخس السلعة أياًكانت فلابد من مشرفينا الأعزاء إتخاذ التدابير اللازمة لمن يقوم ببخس السلعة المعروضة بهذا المنتدى الشامخ.
فأنت حر شامخ وشاعربمعنى الكلمة وأنا من المعجبين بمواضيعك وشعرك ماشاء الله عليك أرق سنود:good2:

[مغاليس]

لاهنتو على التفاعل مع الموضوع ..
واهو بالاول والاخير موضوعكم انتم نبى الكل يشارك برأيه ويكتب عن الشى اللى فى غير محله من معلومات وغيره يفيد ويستفيد واقسم بالله انى كتبت الموضوع من حبى للمنتدى والقائمين عليه...... واشكر كل من شارك

اخوكم : مطلق الفزران

[عوق الخريش]

بسم الله الرحمن الرحيم ,,
السلام عليكم ورحمة الله وبركاتة :
حياك الله أخوي الغالي : مطلق ,,
يعطيك العاافيه والله يبيض وجهك ياكحيلان على ذا الموضوع الهاادف والمصيب ,,
صراااحة كلامك فى محله معني ؟ ماأقدر أقيم الخيمه الوقت الحاالي لأن لي أكثر من 5 شهور مادخلت الامريتين ,,
ولاكن هذا وارد من قديم والله يصلح ويهدي من يتتبع هذه القضيه الفااسدة وأنشاء الله الباقيين فيهم خير وبركه ,,
وأي مكاان طاال عمرك سواء مجلس أو منتدي فيه الصواب وفيه الخطااء ولاكن عسي الله يعيين ,,
هذا ألى أقدر اقول وأنت كيف حاالك ياشعرناا بشر عنك أنشااء الله بخير ,,,

تحياتي لكـ.....وشكراّ,,

أخوكـ

( عوق الخريش )

[دعاس]

خير الكلام ماقل ودل/
اولا بيض الله وجهك وما قصرت انت اليوم طرحت موضوع هام انا وغيري من الاخوان شايفين وعارفين ما يحدث بالمنتدى وان في بعض الاخوان يرد واحيانا ما يشوف الطرح والهدف المشاركه.
بس زي ما قلت في بعض الاخوان يطرح سلعه للبيع واحيانا يذكر اخر سومه ويجي واحد مطفي الضو ويدقها ريوس بالسومه واكيد قصده مغثة صاحب السلعه والا ليه ما يطلع طلع الرجاجيل ويزود بس نرجع ونقول يمكن جاهل وندعوا له ولغيره بالهدايه والله يصلح الجميع,,,.
وبيض الله وجهك بنقل الصوره وتقبل مروري.
ابو نواف






















.

[راعي غضبان]

السلام عليكم ورحمة الله وبركاته,,

صبحك الله بالخير يامغاليس,,


صراحه موضوع مهم جدا والاختلاف في الراي لايفسد للود قضيه ولله الحمد حنا هنا نتبادل خبرات
البعض وان جهلني شي اسال اللي افهم واعلم مني,,
واللي مايسأل ماراح يتعلم ابد ويروح عليه عمره البعض يحسب انه اذا سال عن شي راح يصغر في,,
نظر الناس لاوالله راح يكبر في عيون الناس وهذا من التواضع ومن تواضع لله رفع الله مقداره,,
واللي ينتقد هداد منيره صراحه انا اقول فيه انه جاهل وان شالله يبي يعيش وفي الاخير يبي يتعلم ويشوف,,
مثل اللي ينتقد قصيدك اعتقد انهم ناس فاضيه ولاتشيل لهم هم ياكثرهم هالزمان وياشاعرنا بأنتظار جديدك الطيب,,

الشجره المثمره ترمى بالحصى,,

الله يمسيكم بالخير جميعا وانا اقول لاخوي ذراع الذيب الله يسامحك اخوينا في مكشات مافيهم جاهل وانشاءالله انهم رجال والنعم فيهم والواحد الي يبدي رايه مافيها شي لانه مقال شي الى شايف شي ماشفته بنفسك ولان الي اكبر منك بسنه اعلم منك بكثير ولانه مارس الشياهين من 1406 الى يومك هذا والله فيه شياهين طيبه جدا والشاهين الي مسنعه وصقارها جيد مايهينها وهي مثل القزازه حساسه جدا والي يضبطها والله ان تونسه وان مايروح عليها شي بس فيهن فرق كلهن طيبات ويلحقن بس فيه الي طياره طيب وبتصيد حبارها عقب ترديد وارقيان وفيه الي بتصيد احبارها مقاضب رفع الشوزل وفيه الي بتطرحها ادون من الشوزن شوي مثل منيره وفيه الي مجنونه والله مقاضب مايمديها تروح ولاترتفع وتلحيق والله شايفها بعيني من تحتها وان اكثر الناس مايشوفها ولايشوفونها الا الدربيل مخفينها وانا تحتها والله هدينها وعلى راسه لين اخفينها في محلها وحولت بها يمكن 200 متر والموتر الي هدها بنشر وانه في موقفه وحولت بها وانا انعاين فيه جنبنا وانا يوم اقول والله اني ماسب طير احد ومنيره مافيها حكي بس حبيت ابينلك ان فيه شياهين غير طبيعيه من كثر ماشافت عيني مهاد الشياهين وانا اعتذر للي جاه مني خطاء من دون قصد وارجو المعذره والله يهدينا الى سواء السبيل

[مغاليس]

الله يمسيكم بالخير جميعا وانا اقول لاخوي ذراع الذيب الله يسامحك اخوينا في مكشات مافيهم جاهل وانشاءالله انهم رجال والنعم فيهم والواحد الي يبدي رايه مافيها شي لانه مقال شي الى شايف شي ماشفته بنفسك ولان الي اكبر منك بسنه اعلم منك بكثير ولانه مارس الشياهين من 1406 الى يومك هذا والله فيه شياهين طيبه جدا والشاهين الي مسنعه وصقارها جيد مايهينها وهي مثل القزازه حساسه جدا والي يضبطها والله ان تونسه وان مايروح عليها شي بس فيهن فرق كلهن طيبات ويلحقن بس فيه الي طياره طيب وبتصيد حبارها عقب ترديد وارقيان وفيه الي بتصيد احبارها مقاضب رفع الشوزل وفيه الي بتطرحها ادون من الشوزن شوي مثل منيره وفيه الي مجنونه والله مقاضب مايمديها تروح ولاترتفع وتلحيق والله شايفها بعيني من تحتها وان اكثر الناس مايشوفها ولايشوفونها الا الدربيل مخفينها وانا تحتها والله هدينها وعلى راسه لين اخفينها في محلها وحولت بها يمكن 200 متر والموتر الي هدها بنشر وانه في موقفه وحولت بها وانا انعاين فيه جنبنا وانا يوم اقول والله اني ماسب طير احد ومنيره مافيها حكي بس حبيت ابينلك ان فيه شياهين غير طبيعيه من كثر ماشافت عيني مهاد الشياهين وانا اعتذر للي جاه مني خطاء من دون قصد وارجو المعذره والله يهدينا الى سواء السبيل


اخوى راعى غضبان اولا السلام عليك ورحمة الله وبركاته ..

ثانيا : هذى دعوه للنقاش الاخوى وابداء الرأى بدون عصبيه .
ثالثا: منيره مهى على كيسى وماتت خلاص وللعلم ماراح عليها ولا حباره لا مقاضب ولا تلحيق ولا فوات والله يعوض راعيها بأحسن منها...
رابعا: انت قلت رأيك بكل عفويه وانت حر ولا على الباقين زود.. وهذا مايخرب اللى بينا لاننا اخوان انشالله سواء بالنت او بالهوايه بعد كوننا اخوان بالاسلام
والاختلاف بالرأى لا يفسد بالـــــــــود هدد :D
تقبل احترامى لك

اخوك:مطلق الفزران

[راعي غضبان]

اخوى راعى غضبان اولا السلام عليك ورحمة الله وبركاته ..

ثانيا : هذى دعوه للنقاش الاخوى وابداء الرأى بدون عصبيه .
ثالثا: منيره مهى على كيسى وماتت خلاص وللعلم ماراح عليها ولا حباره لا مقاضب ولا تلحيق ولا فوات والله يعوض راعيها بأحسن منها...
رابعا: انت قلت رأيك بكل عفويه وانت حر ولا على الباقين زود.. وهذا مايخرب اللى بينا لاننا اخوان انشالله سواء بالنت او بالهوايه بعد كوننا اخوان بالاسلام
والاختلاف بالرأى لا يفسد بالـــــــــود هدد :D
تقبل احترامى لك

اخوك:مطلق الفزران
هلابك وعليك السلام ورحمة الله وبركاته اخوي مطلق الفزران والف شكر على تفهمك للموضوع وانا حبيت اوضحلك ان فيه شياهين مافيها كلام والله يعوض على راعي منيره بطيب منها اللهم امين وانا احكيلك عن شياهين ماتن من كم سنه ولا لقيت الي تطربني وانا من عقب هذه الشاهين ماعاد نقلت شاهين الا يومك هذا ولا شفت الي فزله قلبي بحلاياها والله يعوض على الجميع والف شكر على الموضوع الطيب واما في شعرك مافيه حكي ولاتخلينا من القصيد في الطيور الي تسر الخاطر والف شكر لك

[طير الهقاوي]

السلام عليكم ورحمة الله وبركاته

السلام عليكم ورحمة الله وبركاته

انا والله مدري وشلون اعبر لكم بالكلام
لاكن تتجادلون وبشده
والرسول اللهم صلي وسلم عليه نهى عن الجدال بحديث صحيح لايحضرني الحديث الان
لاكن بمعنى الحديث النهي عن الجدال بما نسميه النقاش في ايامنا هذا

هذا والله اعلم
تقبلو مروري
اخوكم طير الهقاوي

ملاحظه
الى التدارس لان التدارس علم بينكم والمعرفه مطلوبه

[ذراع الذيب]

الله يمسيكم بالخير جميعا وانا اقول لاخوي ذراع الذيب الله يسامحك اخوينا في مكشات مافيهم جاهل وانشاءالله انهم رجال والنعم فيهم والواحد الي يبدي رايه مافيها شي لانه مقال شي الى شايف شي ماشفته بنفسك ولان الي اكبر منك بسنه اعلم منك بكثير ولانه مارس الشياهين من 1406 الى يومك هذا والله فيه شياهين طيبه جدا والشاهين الي مسنعه وصقارها جيد مايهينها وهي مثل القزازه حساسه جدا والي يضبطها والله ان تونسه وان مايروح عليها شي بس فيهن فرق كلهن طيبات ويلحقن بس فيه الي طياره طيب وبتصيد حبارها عقب ترديد وارقيان وفيه الي بتصيد احبارها مقاضب رفع الشوزل وفيه الي بتطرحها ادون من الشوزن شوي مثل منيره وفيه الي مجنونه والله مقاضب مايمديها تروح ولاترتفع وتلحيق والله شايفها بعيني من تحتها وان اكثر الناس مايشوفها ولايشوفونها الا الدربيل مخفينها وانا تحتها والله هدينها وعلى راسه لين اخفينها في محلها وحولت بها يمكن 200 متر والموتر الي هدها بنشر وانه في موقفه وحولت بها وانا انعاين فيه جنبنا وانا يوم اقول والله اني ماسب طير احد ومنيره مافيها حكي بس حبيت ابينلك ان فيه شياهين غير طبيعيه من كثر ماشافت عيني مهاد الشياهين وانا اعتذر للي جاه مني خطاء من دون قصد وارجو المعذره والله يهدينا الى سواء السبيل

هلابك ياراعي غضبان,,


ومرحبابك يالغالي يالله حيه....كلمة جاهل كنت اقصدبها للي ماعنده علم ومعرفه بسبق الشياهين,,
لان هدادها مسكت في نظري انا,,
ويوم شفت ردك صراحه ماتوقعت انه انت اللي انتقدت منيره ومنك العذر والسموحه يالخوي ,,
واللي مثلك وشرواك هو اللي نستفيد منه ونتعلم و1406 عزالله انه عمر وكفو والله ياراعي,,
غضبان ويعطيك طولة العمر واثرك شايب والله يعينك على الاسئله اللي تبي تجيك منا :D ,,
تحياتي لك,,

[أبو رداد]

لفت انتباهى بعض الردود من الاخوان اللى ماهى فى محلها؟؟
فى مواضيعى او بمواضيع اخرى واستغرب منها للامانه مانى
عارف كاتبها متعمد او انه عفوى وكتبها سهوا او بمعنى ادق ..( مع الخيل ياشقرا).............المنتدى يجب ان يكون للأستفاده من الاخرين والتعرف وكسب الرجال شروا من يقرا وليس شوفونى كتبت رد اى شى بس المهم انى كتبت

بصراحه انا استغربت من اللى مايعرف بالشى ويتفلسف فيه

وبكل ثقه حلات الرجل اذا ماعرف للشى ما يسولف عشان

لايصير احراج له او عشان ما يصغر بعيون احد ..!!!
ولا هو عيب اذا سأل بشى يجهله
حياك الله يمطلق
أنت في منتدى .............والمنتدى
فيه المثقف والجاهل
وفيه الكبير والصغير
وفيه الصقار والصقيقير
وفيه ناس من بلدان متعدده بلهجات مختلفه
وفيه الطيب والخبيث
وووو مثله مثل المجتمع
ولكن
في المجتمعات تكون أغلب الاسماء صريحه .. أما المنتدى فاغلبها مجهوله
وتركت حرية الاختيار بين مجهوله ومعلومه حتى تفسح المجال للناس التعلم والاستفاده

والعباره التي تكتب تدل على مستوى وشخصية كاتبها
مردودها سلبا وأيجابا عليه وله

المشكله فيه ناس تكتب وتنسى الله !!! نعم تنسى الله
يعتقد أذا سب أو شتم أوآذى أنسان ... من خلف معرف مجهول
لايراه الله !!
وهو أقرب الينا من حبل الوريد
!!!!!!
بئس مابه يفكرون
,,,,
بصوره عامه هذه تسمى (ضريبة المنفعه)
من أجل أن يلتقي الذي جالس في الصين مع الذي جالس في الرياض او بغداد او بيروت
لتبادل الافكار والاستفاده (من غير عرف بينهم )
يجب ان يدخل مثل هؤلاء الناس
ويجب على أهل العرف تقديرهذا الشي ويتحملوهم



ولكن لاجى احد الاعضاء فى موضوع ................(منيره وشقران لاتعليق) ويقول الشيهانه سبوق مو فارطه ؟؟
طبعا كيفه وهذا رايه ولكن يحتفظ فيه لنفسه ليش؟؟ ياجماعه 18 ثانيه من هدت لين علقت ويقول سبوق؟؟ اشلون طبعا هذا اللى صوروه اهلها وماخفى اعظم...


أنا اشوف هذه حريه شخصيه وتابعه لنظرة الصقار
مالها علاقه فالموضوع !
عندي خوي وكلنا علاقتنا بالطيور طويله
هو يقول على الطير فارط وأنا اقول سبوق لكنه مو فارط وظلينا متعاندين على هالسالفه
من قبل ثلاث سنين لحد الان ههههههه
واقله تذكر الطير فلان في المقناص الفلاني ... أجل ذاك وش تسميه أذا هذا فارط
يقلي المسافه متقاربه ...
اقله نعم متقاربه لكن هذي الحباره غير وذيك غيررر
قال نعم لكن هناك كان الجو بارد
وهنا الجو حار
اقله هذا مهده وقت معشاه واول حباره وذاك من عقب ثلاث سوى كذا
ولازلنا متعاندين ههههههههههه
لاهو زعل ولاأنا زعلت !
ويجب حساب ظروف كثيره من أجل الحكم على الطير بشكل جازم
وسلامتك

[مغاليس]

السلام عليكم ورحمة الله وبركاته...
اخوى راعى غضبان : شكرا لك على ردك و المرور الكريم ومثل ماقلت لك الاختلاف بالهدد لا يفسد للصقاقير معايا هههههههههههه:D
ومنيره فارطه عاد طوفها على شانى يا الشايب :good2:

اخوى ابو رداد : عداك العيب فيما ذكرت والواحد من الحماس ترى يتفاعل اكثر من اللازم والعذر منكم جميعا اذا انا ضايقت احد ..

اخوى ذراع الذيب : ماعليك راعى غضبان مهو زعلان وان زعل كتبت فيه قصيده تثبت انه لاحق على الحرب العالميه ههههههههههههههههههههه الله يديم المحبه بيننا انشالله تقبلووووووووووووو احترامى :اخوكم: مطلق الفزران