طلع فى راس نخل منه

[قايد تميم 1]

اول شي الحمدلله على السلامه
تشوف العنوان تراي صادق
عندي باترول بخاخ طاح فى السيل وطفاء ومن بعدها زينا وضبطناه وغيرنا زيوته ونظفنا تانكي البنزين وسلك الديلكو وكل شي
المهم اشتغل الموتر بدايه خير
طلع اشتغاله سريع ويا الله يوصل 100 ومن بعدها يكتم ويقطع واذا دعست يثور واترتفعت حرارته شوي قالوا يمكن من الكمبيوتر او من الديلكوا مع العلم اني مغير القبيبينه الديلكوا وش الحل
مدري وش السوات قلنا مالك الا مكشات

[االكريزي]

الله يعينك

وياهل الخبره لا تبخلون على الرجال

[دقسن]

اي والله الله يعينك ويفرج عليك وانشالله الشباب مايقصروووون

[سليمان 10]

نظف الثلاجة وغير البواجي وخله يشتغل واقف كأنك موضبه وانشاء الله يرجع كماكان 000

[ريكو]

المشكله عتدك في الكهرب

1- تأكد ان البواجي واسلاك البواجي ما فيها ماء

2- اذا تبي تريح راسك سو له تصفية مكينه

ما كتبت اعلاه انما هو مجرد اقتراح قد اكون مصيب وقد اكون غير مصيب

بس اللي انا متأكد منه ان المشكله في الكهرباء

والله يكتب لموترك الشفاء العاجل

ويمكن انه حانك من قسايم ساهر ههههههههه

[قايد تميم 1]

يعطيكم العافيه ع المرور لاهنتم

المشكله ان السيل ما غطي الموتر كله يعني على حد نص الباب يعني تقدر تفتح الباب واليوم مواعدين واحد من الشباب نبي ناخذ من موتره ونطبق فى موتري بعض الأغراض والى عنده علم او سمع شي عن ها الأمور لايبخل علينا وشكرا

[شاهي نثري]

فك الكنداسه وجرب

[الربيعية 50]

اعط الخبز خبازه ولو أكل نصفه دور لك كهربائي جيد وريح راسك وانا أخوك

[لبرتي]

فك الكنداسه وجرب

فعلاً أحتمال يكون من دبات البيئة داخلها ماء مع ترسبات

[قايد تميم 1]

يعطيكم العافيه ولا هنتو ع الأحتمالات
وزي ما قلنا لكم فى المره الأوله جبنا اخو الموتر وطبقنا منه اول شي الديكو وزان اشتغاله شوي لاكن يكتم ولا يقطع .
قلنا نروح لرأس المدبر الى يتحكم وهو فى محله شيخ متكي ويرسل اشارات والكل ينفذ له
الى هو الكمبيوتر وانا حاط عليه العين ومن مبطي لاكن اسوي نفسي غشيم وش عنده مسوي فاهم
ركبنا كمبيوتر الرجال جزاه الله الف خير ومن بعدها ضبط الموتر وزان اشتغاله وزانت علومه اثر الشيخ الأول اطرم ما يرسل اشاره والشباب ما يسمعون له ولا ينفذون
وهاذي كل السالفه
الحين بداء الجزاء الثاني من القصه نبي واحد يصلح ها الكمبيوتر

[matiz]

فك الكمبيوتر إحتمال يكون في أحد البوبينات الي في داخل الكمبيوتر محروق أو مصدي شفلك ي مسجل خربان أو راديو خربان وشوف أي بوبينة مضروبه وغير
وبعد ماتركب الكمبيوتر شوف الخانق الي موصل مع قربة الهوى نظفوا بالبنزين وركبة
فك الكنداسة الي في االدبة الي بعد الأقزوز ترى فيها فحمات يمكن يكون مكسرة روح عند الشكمانات خليه ينظفلك هيا الله يحفظك <ابو زياد >

[قايد تميم 1]

فك الكمبيوتر إحتمال يكون في أحد البوبينات الي في داخل الكمبيوتر محروق أو مصدي شفلك ي مسجل خربان أو راديو خربان وشوف أي بوبينة مضروبه وغير
وبعد ماتركب الكمبيوتر شوف الخانق الي موصل مع قربة الهوى نظفوا بالبنزين وركبة
فك الكنداسة الي في االدبة الي بعد الأقزوز ترى فيها فحمات يمكن يكون مكسرة روح عند الشكمانات خليه ينظفلك هيا الله يحفظك <ابو زياد >
يعطيك العافيه ابو زياد على ها المعلومه فيه قطعه مصديه بس وين الى يبي يصلحه ويعرف له
وفريت التشليح الحائر فوق تحت مالقيت شي والصناعيه الخرج فى قطع غيار المستعمل الياباني وتشليح العجلان فى القصيم ولا حصلت شي
والي يعرف ارقام تشاليح عندهم باترولات بخاخ غير الحائر لا يبخل علينا وماله الا الدعوه الى تسره

[رفيع المقآم]

يالغالي لا تصلح الكمبيوتر مره فكه وارمه لانه ماراح يصلح معك الا نادر جدا جدا دور لك واحد من التشاليح ع الضمان وركبه

[سوبر VTC]

الحمدلله على السلامه
اعتقد الموتر باترول فتك ؟
خبرة كهرب الباترول العثيم و يوسف الخضير
عندك الافياش و الظفيره اللي خلف المكينة
من جهة صدر الغمارة
غالبا يكون به ماء متبقي على الافياش
فكهن و نفخهن بالهواء
طيب
هل ولعت لمبة المكينة الان ؟
اذا العزم كاتم فايضا
الكتاوتات اللي بالرفرف الايسر له دخل
خصوصا بالفتك
موفق

[صيادالجبيل]

حسب معرفتي ان مشكلة سيارتك كهربا شيك على الكتاوت يمكن فية ماء او صار فية حلا بعدالماء بوبينة الديلكو الي انت غيرتها اتركها الديلكو نفسة بعدالماء بأربعة ايام بعضهايحلي فك الديلكو وسولة صنفرة من الداخل على الحدايدالنحاسية الي توصل الكهرب والله اعلم لأنة قدحصلت معي في جيب لاندروفر وممكن تكون من حساسات البخاخ وعندي لك اقتراح ممكن يريحك شيك علية كمبيوترب 100 ريال ويعلمك وش في سيارتك والله يوفقنا وياك ويعينك ويساعدك

[السارب]

ان شاء الله يزين موترك وهذا شي مكتوب لكن عليك الحرص دائما وخصوصا وقت الامطار والسيول
اذا اضطريت تغير الكمبيوتر يمدحون هالتك وهو كمبيوتر رياضي وقيمته فية لوبغيت تبيعه والله ييسر امرك

[ابوصالح77]

أول شيء شيك على الكنداسة يمكن فيها سدد
فكها من عند القزوز
وافحص الموتر